 |
| ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ (ພາບ: VOV) |
ໂດຍໄດ້ຮັບຄຳເຊື້ອເຊີນຂອງທ່ານນາຍົກລັດຖະມົນຕີລາວ ທອງລຸນ ສີສຸລິດ, ຕອນເຊົ້າວັນທີ 24 ສິງຫາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມກອງປະຊຸມສຸດຍອດຮ່ວມມືແມ່ນ້ຳຂອງ - ລ້ານຊ້າງຄັ້ງທີ 3 ຕາມຮູບການທາງອອນລາຍ. ທ່ານ ທອງລຸນ ສີສຸລິດ ລາວ, ທ່ານ ຫຼີເຄີຊຽງ ນາຍົກລັດຖະມົນຕີຈີນ ໄດ້ເປັນປະທານຮ່ວມຂອງກອງປະຊຸມຄັ້ງນີ້. ໂດຍມີການເຂົ້າຮ່ວມກອງປະຊຸມຂອງທ່ານ U Win Myint ປະທານາທິບໍດີ ມຽນມາ, ທ່ານ Hun Sen ນາຍົກລັດຖະມົນຕີ ກຳປູເຈຍ ແລະ ທ່ານ ປຣາຢຸດ ຈັນໂອຊາ ນາຍົກລັດຖະມົນຕີ ໄທ.
ກ່າວຄຳເຫັນທີ່ກອງປະຊຸມ,ໂດຍໄດ້ຍົກອອກຄືນຫົວຂໍ້ຂອງກອງປະຊຸມແມ່ນ “ເພີ່ມທະວີການພົວພັນຄູ່ຮ່ວມມື ເພື່ອການວັດທະນາຖາວອນລວມ”, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ຖືວ່າ ກອງປະຊຸມນີ້ແມ່ນໂອກາດເພື່ອໃຫ້ບັນດາປະເທດຢັ້ງຢືນຄວາມຕັດສິນໃຈ ແລະ ມານະພະຍາຍາມພ້ອມກັນເປັນເຈົ້າການໃນການຮັບມື, ຮັກສາການຮ່ວມມືພັດທະນາວັດທະນາຖາວອນ, ປະກອບສ່ວນເຂົ້າການປັບປຸງການພົວພັນອັນດີງາມລະຫວ່າງ ບັນດາປະເທດສະມາຊິກ, ເຮັດໃຫ້ການພົວພັນຄູ່ຮ່ວມມືຍຸດທະສາດລະຫວ່າງ ອາຊຽນ - ຈີນ ເລິກເຊິ່ງກ່ວາອີກ, ຊຸກຍູ້ການພັດທະນາ, ຮັດແຄບຊ່ອງຫວ່າງການພັດທະນາໃນພາກພື້ນ. ທ່ານນາຍົກລັດຖະມົນຕີ ຫງວຽນຊວັນຟຸກໃຫ້ຮູ້ວ່າ:
“ທີໜຶ່ງແມ່ນຮ່ວມມືບົນພື້ນຖານຄວາມໄວ້ເນື້ອເຊື່ອໃຈ ແລະ ການພົວພັນແບບຈິງໃຂ, ສັດຊື່ ແລະ ມິດຕະພາບ. ທີ 2 ແມ່ນຮັບປະກັນບັນດາຫຼັກການເຫັນດີເຫັນພ້ອມ, ສະເໝີພາບ, ສະໝັກໃຈ, ຕ່າງຝ່າຍຕ່າງມີຜົນປະໂຫຍດ ແລະ ເຄົາລົບກົດໝາຍສາກົນ. ທີ 3 ແມ່ນຖືມະນຸດເປັນໃຈກາງພັດທະນາແບບຍືນຍົງ ແມ່ນ ເນື້ອໃນລຸ້ລວງໃນທຸກໆການເຄື່ອນໄຫວ. ທີ 4 ແມ່ນ ເອົາໃຈໃສ່ເປັນພິເສດເຖິງການຊອກຫາທິວີການໃຫ້ແກ່ບັນດາສິ່ງທ້າທາຍລວມຂອງພາກພື້ນ, ຮັກປະກັນຜົນປະໂຫຍດອັນຊອບທຳຂອງບັນດາປະເທດສະມາຊິກ. ທີ 5 ແມ່ນເຄື່ອນໄຫວທີ່ມີຈຸດສຸມບົນພື້ນຖານເສີມຂະຫຍາຍທ່າແຮງຂອງບັນດາປະເທດສະມາຊິກ, ສົມທົບກັບອາຊຽນ ແລະ ບັນດາກົນໄກແມ່ນ້ຳຂອງຕ່າງໆຢ່າງກົມກຽວເພື່ອສ້າງຜົນກະທົບແຜ່ຂະຫຍາຍ”
ທ່ານນາຍົກລັດຖະມົນຕີ ຫງວຽນຊັວນຟຸກ ຖືວ່າ ການຮ່ວມມືແມ່ນ້ຳຂອງ - ລ້ານຊ້າງ ຕ້ອງສຸມໃສ່ໜູນຊ່ວຍບັນດາປະເທດສະມາຊິກທັງຟື້ນຟູເສດຖະກິດ, ທັງຮັບມືກັບໂລກລະບາດ Covid – 19, ພ້ອມທັງແກ້ໄຂສະພາບການໄພແຫ້ງແລ້ງ, ນ້ຳທະເລຊຶມຢູ່ອະນຸພາກພື້ນແມ່ນ້ຳຂອງ. ຕາມນັ້ນແລ້ວ, ຕ້ອງສົມທົບກັນຈຳກັດຫຼາຍທີ່ສຸດຜົນສະທ້ອນທາງລົບຈາກໂລກລະບາດ Covid – 19, ບໍ່ປະໃຫ້ບັນດາຂັ້ນຕອຍໃນລະບົບສະໜອງຖືກຂາດວັກຂາດຕອນ, ຕອບສະໜອງຄວາມຕ້ອງການໃນການຜະລິດດຳເນີນທຸລະກິດ, ນຳເຂົ້າຂອງບັນດາວິສາຫະກິດ. ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ສະແດງຄວາມຊົມເຊີຍຕໍ່ເລື່ອງຈີນສ້າງຕັ້ງກອງທຶນພິເສດແມ່ນ້ຳຂອງ - ລ້ານຊ້າງ ກ່ຽວກັບການແພດສາທາລະນະເພື່ອໜູນຊ່ວຍການຮ່ວມມືນີ້.
 | ກອງປະຊຸມສຸດຍອດການຮ່ວມມືແມ່ນໍ້າລ້ານຊ້າງ - ແມ່ນໍ້າຂອງໄດ້ຈັດຂຶ້ນດ້ວຍຫົວຂໍ້ "ເພີ່ມທະວີການຮ່ວມມືເພື່ອຄວາມວັດທະນາຖາວອນລວມ" ຍສໝ - ກອງປະຊຸມສຸດຍອດການຮ່ວມມືແມ່ນໍ້າລ້ານຊ້າງ - ແມ່ນໍ້າຂອງຄັ້ງທີ 3 ຈະ ດຳເນີນໃນວັນທີ 24 ສິງຫາຕາມຮູບແບບທາງອອນລາຍ. |
 | ຍີ່ປຸ່ນ ແລະ ຫວຽດນາມ ຈະຮ່ວມເປັນປະທານກອງປະຊຸມລັດຖະມົນຕີແມ່ນ້ຳຂອງ - ຍີ່ປຸ່ນຄັ້ງທີ 13 ຍສໝ - ລັດຖະມົນຕີກະຊວງການຕ່າງປະເທດຍີ່ປຸ່ນ ແລະ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຈະໄດ້ເປັນປະທານກອງປະຊຸມ. |
 | ແບ່ງປັນບົດຮຽນປະສົບການໃນການສົ່ງເສີມກະສິກຳລະຫວ່າງບັນດາປະເທດອະນຸພາກພື້ນແມ່ນ້ຳຂອງ ກອງປະຊຸມສຳມະນາສຳພັນທະມິດບັນດາອົງການສົ່ງເສີມກະສິກຳ ອະນຸພາກພື້ນແມ່ນ້ຳຂອງ (MELA) ຄັ້ງທີ 5 ປີ 2019 ໄດ້ໄຂຂຶ້ນໃນຕອນເຊົ້າວັນທີ 11 ກັນຍາ ຢູ່ນະຄອນດ່ານັ້ງ. |
ບຸນຄົງ
