| ສະຫະພາບເອີຣົບ ໄດ້ປະກາດໂຄຕານຳເຂົ້າຜະລິດຕະພັນກະເສດ ແລະ ເຂົ້າສານສຳຫຼັບ ຫວຽດນາມ | |
| ເພີ່ມທະວີການຮ່ວມມືດ້ານການສື່ສານຖະແຫລງຂ່າວ ລະຫວ່າງ ສປປ.ລາວ ແລະ ສະຫະພາບເອີຣົບ |
 |
| ພາບປະກອບ |
ສະຫະພາບເອີຣົບປະຈຳ ສປປ ລາວ ຮ່ວມກັບ ອົງການ ແພຣນ ປະຈຳລາວ, ສະມາ ຄົມສຸຂະພາບຊຸມຊົນ ແລະ ການມີສ່ວນ (CHIAS) ແລະ ສະມາຄົມພັດທະນາກະສິກຳ ແລະ ສິ່ງແວດ ລ້ອມແບບຢືນຢົງ (SAEDA) ຈັດຕັ້ງປະຕິບັດໂຄງການປ້ອງກັນ ແລະ ຫລຸດຜ່ອນຄວາມສ່ຽງ ພະຍາດໂຄວິດ-19 ໃນ ສປປ ລາວ ເພື່ອໂຕ້ຕອບການລະບາດ ຂອງພະຍາດດັ່ງກ່າວ, ໂດຍເນັ້ນໃສ່ກຸ່ມເປົ້າໝາຍ ທີ່ໄດ້ຮັບຜົນກະທົບທາງສຸຂະພາບ, ເສດຖະກິດ-ສັງຄົມ ໂດຍສະເພາະຊຸມຊົນທ້ອງຖິ່ນຢູ່ເຂດຊົນນະບົດຫ່າງໄກສອກຫລີກ, ໂດຍການສະໜອງທຶນ ຂອງສະຫະພາບເອີຣົບ ມູນຄ່າ 2,5 ລ້ານ ເອີໂຣ.
ພິທີເປີດໂຄງການດັ່ງກ່າວ, ໄດ້ຈັດຂຶ້ນ ໃນວັນທີ 18 ສິງຫາ 2020 ທີ່ນະຄອນຫລງວຽງຈັນ, ໂດຍ ທ່ານ ໄບຣອັນ ອຸປະທູດ ອີຢູປະຈຳລາວ ກ່າວວ່າ: ໂຄງການດັ່ງກ່າວ, ເປັນສ່ວນໜຶ່ງໃນການສະໜັບສະໜູນລັດຖະບານລາວ ໃນການຕອບໂຕ້ການລະບາດ ຂອງພະຍາດໂຄວິດ-19 ແນໃສ່ຫລຸດ ຜ່ອນຄວາມສ່ຽງ, ຜົນກະທົບທາງ ເສດຖະກິດ-ສັງຄົມ ແລະ ສຸຂະພາບ ຂອງປະຊາຊົນລາວ ບັນດາເຜົ່າ ຈາກການລະບາດຂອງໂຄວິດ-19.
ທ່ານ ນາງ ຈັນສີ ພິມມະຈັນ ປະທານຄະນະປະສານງານ ອົງການຈັດຕັ້ງທາງສັງຄົມລາວ ໄດ້ກ່າວວ່າ: ໂຄງການປ້ອງກັນ ແລະ ຫລຸດຜ່ອນຄວາມສ່ຽງພະຍາດ ໂຄວິດ-19 ໃນ ສປປ ລາວ ຈະເລີ່ມຈັດຕັ້ງປະຕິບັດ ໃນເດືອນກັນຍາ 2020 ຫາ ເດືອນສິງຫາ 2030 ຢູ່ 10 ແຂວງ, ໂດຍເນັ້ນໃສ່ໂຄສະນາເຜີຍແຜ່ການປ້ອງກັນ, ຫລຸດຜ່ອນຄວາມສ່ຽງ, ການປັບໂຕໃນຂັ້ນທ້ອງຖິ່ນ, ການສ້າງຄວາມເຂັ້ມແຂງໃນວຽກການວາງແຜນ ແລະ ຈັດຕັ້ງປະຕິບັດຂັ້ນບ້ານ, ເມືອງ ແລະ ແຂວງ, ຄາດວ່າປະ ຊາຊົນ ແລະ ແຮງງານ ທີ່ກັບມາຈາກປະເທດເພື່ອນບ້ານ ທີ່ອາໃສຢູ່ໃນກຸ່ມເປົ້າໝາຍ ຂອງໂຄງການຈະໄດ້ຜົນປະໂຫຍດ, ເຊິ່ງໂຄງການນີ້ເປັນໜຶ່ງໃນຕົວຢ່າງ ທີ່ສະທ້ອນໃຫ້ເຫັນການປະສານງານ ຂອງຄູ່ຮ່ວມພັດທະນາ ສະຫະພາບເອີຣົບ ໃນການສະໜັບສະໜູນ ການຕອບໂຕ້ການລະບາດ ໂດຍເນັ້ນຟື້ນຟູ ທາງດ້ານເສດຖະກິດ ແລະ ປັບປຸງຊີວິດການເປັນຢູ່ ຂອງປະຊາຊົນຄືນໃໝ່, ເຊິ່ງສອດຄອງກັບການຮ່ວມມື ຂອງພວກເຮົາໃນ ສປປ ລາວ.
 | ເພີ່ມທະວີການຮ່ວມມືດ້ານປ້ອງກັນຊາດ ລະຫວ່າງຫວຽດນາມ ແລະ ສະຫະພາບເອີຣົບ ຍສໝ - ອີງຕາມສັນຍາ FPA, ສະຫະພາບເອີຣົບ ໄດ້ເລືອກເອົາຫວຽດນາມ ເປັນປະເທດທີ່ທົດລອງໃນແຜນຍຸດທະສາດຂອງ ສະຫະພາບເອີຣົບ ກ່ຽວກັບການເພີ່ມທະວີການຮ່ວມມືດ້ານປ້ອງກັນຊາດ ແລະ ຄວາມໝັ້ນຄົງຢູ່ອາຊີ. |
 | ບໍລິສັດ DOW Chemical ຫວຽດນາມ ມອບອຸປະກອນດ້ານການແພດລວມມີມູນຄ່າຫຼາຍກວ່າ 100 ລ້ານດົ່ງໃຫ້ແກ່ໂຮງໝໍພະຍາດເຂດຮ້ອນ ສູນກາງ 2 ເພື່ອປ້ອງກັນ ແລະ ຄວບຄຸມ COVID - 19 ຍສໝ - ພິທີມອບຮັບອຸປະກອນດ້ານການແພດໄດ້ຈັດຕັ້ງປະຕິບັດໂດຍຫ້ອງການໂຄງການຂອງອົງການແລກປ່ຽນຊັບພະຍາກອນສາກົນ (REI) ປະຈຳ ຫວຽດນາມໂດຍຜ່ານການເຊື່ອມຕໍ່ຂອງຄະນະປະສານງານການຊ່ວຍເຫຼືອປະຊາຊົນ (PACCOM) ກັບ DOW ຫວຽດນາມ. |
 | ຫວຽດນາມ ແລະ ອິນໂດເນເຊຍ ໄດ້ຕີລາຄາສູງບົດບາດນຳໜ້າຂອງ ສະຫະພາບເອີຣົບ EU ຍສໝ - ຫວຽດນາມ ແລະ ອິນໂດເນເຊຍ ໄດ້ຕີລາຄາສູງບົດບາດຂອງສະຫະພາບເອີຣົບ EU ໃນການຮັກສາສັນຕິພາບ ແລະ ຄວາມໝັ້ນຄົງສາກົນ; ປາດຖະໜາຢາກໃຫ້ EU ປະສານສົມທົບກັບສະຫະປະຊາຊາດ ທີ່ສືບຕໍ່ຊຸກຍູ້ການຮ່ວມມືໃນຫຼາຍຂົງເຂດ. |
kpl.gov.la
