ທ່ານນາຍົກລັດຖະມົນຕີ ຫງວຽນຊວັນຟຸກ ໂອ້​ລົ​ມທາງໂທລະສັບ ກັບ ທ່ານນາຍົກລັດຖະມົນຕີຍີ່ປຸ່ນ

	ວຽກງານການຕ່າງປະເທດປະກອບສ່ວນຊຸກຍູ້ການທ່ອງທ່ຽວແຂວງບັກຢາງ ສສ.ຫວຽດນາມ
	ນຳສົ່ງພົນລະເມືອງຫວຽດນາມເກືອບ 300 ຄົນ ຈາກສະຫະລັດອາເມລິກາ ແລະ ຍີ່ປຸ່ນ ກັບຄືນປະເທດ

ທ່ານນາຍົກລັດຖະມົນຕີ ຫງວຽນຊວັນຟຸກ ໂອ້ລົມທາງ​ໂທ​ລະ​ສັບ ກັບ ທ່ານນາຍົກລັດຖະມົນຕີ ຍີ່​ປຸ່​ນ Abe Shinzo.(ພາບ: VGP)

ຕອນບ່າຍວັນ​ທີ 4 ສິງ​ຫາ, ທ່ານນາຍົກລັດຖະມົນຕີ ຫງວຽນຊວັນຟຸກ ແລະ ທ່ານນາຍົກລັດຖະມົນຕີ ຍີ່​ປຸ່​ນ Abe Shinzo ໄດ້ມີການໂອ້ລົມທາງ​ໂທ​ລະ​ສັບກ່ຽວກັບມາດຕະການຕ່າງໆເພື່ອຊຸກຍູ້ການພົວພັນສອງຝ່າຍກໍ່ຄືການຮ່ວມມືໃນບັນດາເວທີປາໄສສາກົນ ແລະ ພາກພື້ນ. ນີ້ແມ່ນການໂອ້ລົມທາງໂທລະສັບຄັ້ງທີ 2 ລະຫວ່າງນາຍົກລັດຖະມົນຕີສອງທ່ານໃນ 3 ເດືອນຜ່ານມາ.

ທ່ານນາຍົກລັດຖະມົນຕີຫງວຽນຊວັນຟຸກ ແລະ ທ່ານນາຍົກລັດຖະມົນຕີ Abe Shinzo ໄດ້ແບ່ງປັນປະສົບການຂອງ​ສອງ​ປະ​ເທດກ່ຽວກັບການປ້ອງກັນ​ໂລກພະຍາດ Covid -19, ໃນນັ້ນຫວຽດນາມ ​ພວມສືບຕໍ່ຜັນ​ຂະ​ຫຍາຍບັນດາມາດຕະການຢ່າງ​ແຮງ ແລະ ຄວບຄຸມພະຍາດຜ່ານເທື່ອລະກ້າວ. ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້​ສະ​ແດງ​ຄ​ວາມຂອບອົກຂອບໃຈ ທ່ານນາຍົກລັດຖະມົນຕີ Abe Shinzo ແລະ ລັດຖະບານຍີ່ປຸ່ນ ທີ່ໄດ້ສະໜັບສະໜູນຊາວຫວຽດນາມນັບ​ຮ້ອຍ​ພັນ​ຄົ​ນ​ທີ່​ພວມອາໄສ ແລະ ເຮັດວຽກ ຢູ່ ຍີ່ປຸ່ນທີ່ຖືກຜົນສະທ້ອນຈາກໂລກ​ລະ​ບາດ Covid - 19, ພ້ອມທັງໄດ້ໜູນຊ່ວຍດ້ານວັດ​ຖຸ, ອຸປະກອນການແພດ ໃຫ້​ແກ່ຫວຽດນາມໃນ​ການປ້ອງກັນ ແລະ ຄວບຄຸມ COVID-19.

ພ້ອມກັບການຍ້ອງຍໍຊົມເຊີຍຕໍ່ລັດຖະບານຫວຽດນາມ ໃນການຄວບຄຸມການລະບາດຂອງ​ໂລກ​ລະ​ບາດ COVID-19, ທ່ານນາຍົກລັດຖະມົນຕີ Abe Shinzo ໄດ້ສະ​ແດງ​ຄວາມ​ຂອບ​ອົກຂອບໃຈຕໍ່ລັດຖະບານ ແລະ ປະຊາຊົນຫວຽດນາມທີ່ໄດ້ສະໜັບສະໜູນ ລັດຖະບານ, ປະຊາຊົນ ຍີ່ປຸ່ນ ແລະຫ້ອງການຄະນະລັດຖະບານຍີ່ປຸ່ນ ດ້ານຜ້າ​ອັດ​ປາກ ແລະ ອຸປະກອນການແພດທີ່ໄດ້ຜະລິດ ຢູ່ ປະເທດຫວຽດນາມ. ຈຳນວນ​ຜ້າ​ອັດ​ປາກ​ດັ່ງ​ກ່າວ​ພວມ​ໄດ້​ນຳໃຊ້ຢູ່ບ່ອນທີ່ຈຳເປັນທີ່ສຸດ. ທ່ານນາຍົກລັດຖະມົນຕີ Abe Shinzo ກໍ່ຢືນຢັນວ່າຍີ່ປຸ່ນພ້ອມ​ແລ້ວ​ທີ່​ຈະໜູນຊ່ວຍດ້ານການເງິນໃຫ້ແກ່ຫວຽດນາມເພື່ອແກ້​ໄຂ​ຜົນ​ຮ້າຍ​ຢ້ອນຫຼັງ​ຈາກໂລກລະ​ບາດ Covid-19 ແລະ ການຟື້ນຟູເສດຖະກິດ.

ທ່ານນາຍົກລັດຖະມົນຕີ ຫງວຽນຊວນຟຸກ ສະ​ແດງ​ຄວາມຊົມເຊີຍເລື່ອງຍີ່ປຸ່ນເລືອກເຟັ້ນຫວຽດນາມແມ່ນໜຶ່ງໃນບັນດາປະເທດ ທຳອິດຜ່ອນ​ຜັນຄວາມຈຳກັດໃນການເດີນທາງ ແລະ ສະເໜີໃຫ້ສອງຝ່າຍສືບຕໍ່ປຶກສາຫາລື ແລະ ເປີດສາຍ​ການ​ບິນການຄ້າຄືນ​ໃໝ່ໃນອະນາຄົດໃກ້ໆນີ້. ທ່ານນາຍົກລັດຖະມົນຕີ Abe Shinzo ​ກໍ່​ສະ​ແດງ​ຄວາມຂອບໃຈຕໍ່ລັດຖະບານຫວຽດນາມ ເມື່ອໄດ້ສ້າງເງື່ອນໄຂສະດວກໃຫ້ບັນດານັກ​ການ​ທູດ, ນັກລົງທຶນ, ຜູ້ບໍລິຫານ, ນັກທຸລະກິດ ແລະ ນັກຊ່ຽວຊານຍີ່ປຸ່ນກັບຄືນມາເຮັດວຽກ ຢູ່ ຫວຽດນາມ.

ວຽກງານການຕ່າງປະເທດປະກອບສ່ວນຊຸກຍູ້ການທ່ອງທ່ຽວແຂວງບັກຢາງ ສສ.ຫວຽດນາມ ຍສໝ - ດ້ວຍຄວາມມານະພະຍາຍາມໃນວຽກງານການຕ່າງປະເທດໄດ້ປະກອບສ່ວນຊຸກຍູ້ການພັດທະນາການທ່ອງທ່ຽວຂອງແຂວງ. ທີ່ດິນ ແລະ ຜູ້ຄົນແຂວງບັກຢາງເປັນທີ່ຮູ້ຈັກດີຈາກເພື່ອນມິດສາກົນຫຼາຍຄົນ. ຄາດວ່າໃນແຕ່ລະປີ, ແຂວງຕ້ອນຮັບແຂກສາກົນປະມານ 20.000 ເທື່ອຄົນ.

ນຳສົ່ງພົນລະເມືອງຫວຽດນາມເກືອບ 300 ຄົນ ຈາກສະຫະລັດອາເມລິກາ ແລະ ຍີ່ປຸ່ນ ກັບຄືນປະເທດ ຍສໝ - ເພື່ອຮັບປະກັນສຸຂະພາບຂອງພົນລະເມືອງ, ປ້ອງກັນການແຜ່ລະບາດຂອງພະຍາດ, ສາຍການບິນໄດ້ປະຕິບັດບັນດາມາດຕະການຢ່າງເຂັ້ມງວດກ່ຽວກັບຄວາມປອດໄພ ແລະ ສຸຂະອະນາໄມໂລກລະບາດໃນເວລາບິນ. ທັນທີຫຼັງຈາກລົງຈອດຢູ່ສະໜາມບິນ ກາມແລງ, ຜູ້ເຂົ້າຮ່ວມໃນຖ້ຽວບິນແມ່ນຢູ່ພາຍໃຕ້ການຕິດຕາມກວດກາດ້ານການແພດ ແລະ ປະຕິບັດການແຍກຫ່າງຕາມທີ່ໄດ້ກຳນົດໄວ້.

ນຳສົ່ງພົນລະເມືອງຫວຽດນາມ ຈາກຍີ່ປຸ່ນ, ອິນໂດເນເຊຍ ແລະ ບຣູໄນ ກັບມາປະເທດໂດຍຄວາມປອດໄພ ຍສໝ - ເມື່ອບໍ່ດົນມານີ້, ບັນດາອົງການທີ່ມີໜ້າທີ່ຂອງຫວຽດນາມ ໄດ້ສົມທົບກັບບັນດາອົງການທີ່ມີໜ້າທີ່ຂອງ ຍີ່ປຸ່ນ ຈັດຖ້ຽວບິນນຳສົ່ງພົນລະເມືອງຫວຽດນາມ 340 ຄົນຈາກຍີ່ປຸ່ນ ກັບມາປະເທດໂດຍຄວາມປອດໄພ.