ຫວຽດນາມ​ຊົມ​ເຊີຍຫຼັກໝັ້ນຂອງບັນດາ​ປະ​ເທດ​ກ່ຽວກັບ​ບັນຫາ​ທະ​ເລ​ຕາ​ເວັນ​ອອກ ​ແມ່ນ​ສອດ​ຄ່ອງ​ກັບກົດ​ໝາຍສາກົນ
	ທ່ານ ຮ່າກິມງອກ ໂອ້ລົມທາງໂທລະສັບກັບທ່ານ Ami Bera ສະມາຊິກສະພາຕ່ຳອາເມລິກາ

ປະເທດອົດສະຕາລີ ໄດ້ສົ່ງຈົດໝາຍທາງການຕໍ່ເລຂາທິການໃຫຍ່ສະຫະປະຊາຊາດ ແລະ ໄດ້ກ່າວເຖິງຫຼັກໝັ້ນຂອງຕົນກ່ຽວກັບບົດບັນທຶກ 5 ສະບັບ ທີ່ປະເທດຈີນສົ່ງໃຫ້ເລຂາທິການໃຫຍ່ສະຫະປະຊາຊາດ ກ່ຽວກັບບົດລາຍງານຊາຍແດນເຂດໄຫຼ່ທະວີບຂອງປະເທດມາເລເຊຍ.

ຈົດໝາຍທາງການກໍ່ຄັດຄ້ານຄຳຮຽກສິດຂອງຈີນ ສຳລັບບັນດາ ໂຄງສ້າງການພູມສາດຢູ່ໃຕ້ນ້ຳ ຫຼື ພົ້ນຂຶ້ນບົກຕາມຂໍ້ກຳນົດຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982. ລັດຖະບານອົດສະຕາລີ ກໍ່ບໍ່ຮັບຮອງຈົດໝາຍທາງການເຊິ່ງຈີນ ໄດ້ສົ່ງໃຫ້ສະຫະປະຊາຊາດເມື່ອວັນທີ 17 ເມສາ 2020, ໃນນັ້ນຢືນຢັນຄຳຮຽກສິດຂອງປະເທດນີ້ທີ່ມີຕໍ່ໝູ່ເກາະຮ່ວາງຊາ ແລະ ເຈື່ອງຊາ.

ກຳປັ່ນ Haiyang (ຂວາ) ແລະ ກຳປັ່ນ Wuhan ໃນທະເລຕາເວັນອອກໃນວັນທີ 18 ມິຖຸນາ. (ພາບ: PLA)

ຈົດໝາຍທາງການໄດ້ເນັ້ນໜັກວ່າ: ອົດສະຕາລີ ຄັດຄ້ານບັນດາຄຳຮຽກສິດກ່ຽວກັບສິດປະຫວັດສາດ ຫຼື ສິດເດີນທະເລ ກໍຄືສ້າງຕັ້ງບັນດາການເຄື່ອນໄຫວມີມີລັກສະນະປະຫວັດສາດຍາວນານຢູ່ທະເລຕາເວັນອອກ. ຄຳຕັດສິນຂອງສານຍຸຕິທຳກ່ຽວກັບທະເລຕາເວັນອອກເມື່ອປີ 2016 ໄດ້ຢືນຢັນບັນດາຄຳຮຽກສິດດັ່ງກ່າວແມ່ນບໍ່ເໝາະສົມກັບສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 ແລະ ບັນດາຄຳຮຽກສິດດັ່ງກ່າວແມ່ນ “ບໍ່ມີຄຸນຄ່າ”.

ຈົດໝາຍດັ່ງກ່າວຂອງອົດສະຕາລີ ໄດ້ຢືນຢັນວ່າ: ລັດຖະບານອົດສະຕາລີ ຄັດຄ້ານບໍ່ວ່າຄຳຖະແຫຼງໃດໆຂອງຈີນ ທີ່ບໍ່ເໝາະສົມກັບສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ພິເສດແມ່ນບັນດາຄຳຮຽກສິດທາງທະເລບໍ່ເຄົາລົບບັນດາຫຼັກການກ່ຽວກັບເສັ້ນພື້ນຖານ, ເຂດທະເລ ແລະ ຈັດແບ່ງບັນດາໂຄງສ້າງການພູມສາດ.

ກ່ອນໜ້ານີ້, ອາເມລິກາ ກໍ່ປະຕິເສດຄຳຮຽກສິດຂອງຈີນຢູ່ທະເລຕາເວັນອອກ. ບັນດາຖະແຫຼງການຂອງອາເມລິກາ ແລະ ອົດສະຕາລີ ໄດ້ຢັ້ງຢືນອີກເທື່ອໜຶ່ງວ່າ ຄຳຮຽກສິດຂອງຈີນຢູ່ທະເລຕາເວັນອອກ ບໍ່ໄດ້ຮັບການຮັບຮູ້ຈາກປະຊາຄົມໂລກ ແລະ ບໍ່ມີພື້ນຖານດ້ານກົດໝາຍ.

ຫາງສຽງສາກົນກ່ຽວກັບຖະແຫຼງການປະທານອາຊຽນ 2020 ຍສໝ - ຖະແຫຼງການປະທານອາຊຽນ 2020 ກ່ຽວກັບຜົນສຳເລັດຂອງກອງປະຊຸມສຸດຍອດອາຊຽນຄັ້ງທີ 36 ໄດ້ຖືວ່າ ທະເລຕາເວັນອອກແມ່ນບັນຫາສຳຄັນ ທີ່ກ່ຽວຂ້ອງກັບຄວາມໝັ້ນຄົງ ແລະ ຄວາມສະຫງົບຂອງພາກພື້ນ.

ລັດຖະມົນຕີການຕ່າງປະເທດອາເມລິກາ ສະໜັບສະໜູນຫຼັກໝັ້ນຂອງອາຊຽນກ່ຽວກັບທະເລຕາເວັນອອກ ໃນສື່ສັງຄົມ Twitter ສ່ວນຕົວ, ທ່ານ Mike Pompeo ໄດ້ຢືນຢັນວ່າ: “ອາເມລິກາ ຊົມເຊີຍບັນດາການນຳອາຊຽນ ທີ່ໄດ້ເຫັນດີນຳກັນວ່າ ບັນດາການຂັດແຍ້ງກັນຢູ່ທະເລຕາເວັນອອກ ຄວນໄດ້ແກ້ໄຂຕາມກົດໝາຍສາກົນ, ລວມທັງສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS 1982).

ຊ່ຽວຊານລັດເຊຍ: ນະໂຍບາຍການຕ່າງປະເທດຂອງຫວຽດນາມປະກອບສ່ວນຊຸກຍູ້ສັນຕິພາບ ແລະ ສະຖຽນລະພາບຢູ່ທະເລຕາເວັນອອກ ຍສໝ - ວັນທີ 20 ມິຖຸນາ, ຢູ່ມົດສະກູ, ສະຖາບັນຄົ້ນຄ້ວາທິດຕາເວັນອອກ (ສະພາບັນດິດວິທະຍາສາດລັດເຊຍ) ໄດ້ຈັດຕັ້ງກອງປະຊຸມສຳມະນາອອນລາຍ “ການຂັດແຍ້ງຢູ່ທະເລຕາເວັນອອກ - ສິ່ງທ້າທາຍ ແລະ ໄພນາບຂູ່ໃນປະຈຸບັນ” ດ້ວຍການເຂົ້າຮ່ວມຂອງນັກຊ່ຽວຊານ ແລະ ນັກຮຽນຮູ້ ແຖວໜ້າ ປະມານ 30 ຄົນ ກ່ຽວກັບພາກພື້ນອາຊີປາຊີຟິກ ທີ່ມາຈາກບັນດາສູນ, ສະຖາບັນຄົ້ນຄວ້າ ແລະ ສະຖາບັນການສຶກສາຂອງຣັດເຊຍ. ...