 |
| ທ່ານນາງ ຫງວຽນເຟືອງງາ ແລະ ທ່ານນາງ MaríaJesús Figa López-Palop.(ພາບ:TV) |
ກ່າວຄຳເຫັນທີ່ພິທີ, ທ່ານນາງ ຫງວຽນເຟືອງງາ ປະທານ VUFO ໄດ້ທົບທວນຄືນມູນເຊື້ອມິດຕະພາບ, ຄວາມສາມັກຄີແບບພິເສດລະຫວ່າງ ຫວຽດນາມ ແລະ ແອດສະປາຍ. ພິເສດ, ໃນຊຸມປີທີ່ຫຍຸ້ງຍາກໃນການຕໍ່ສູ້ປົດປ່ອຍຊາດ, ປະຊາຊົນຫວຽດນາມຍາມໃດກໍ່ໄດ້ຮັບການສະໜັບສະໜູນ ແລະ ການໜູນຊ່ວຍອັນລ້ຳຄ່າຈາກລັດຖະບານ ແລະ ປະຊາຊົນແອັດສະປາຍ. ນັບແຕ່ເມື່ອ ຫວຽດນາມ ແລະ ແອດສະປາຍ ສ້າງຕັ້ງການພົວພັນທາງການທູດໃນປີ 1977, ສອງປະເທດບັນລຸໄດ້ຜົນສຳເລັດທີ່ສຳຄັນຫຼາຍຢ່າງ, ໂດຍສະເພາະແມ່ນການສ້າງຕັ້ງສາຍພົວພັນຄູ່ຮ່ວມມືຍຸດທະສາດ, ປະຈຸບັນນຳເອົາສິດຜົນປະໂຫຍດຫຼາຍຢ່າງມາໃຫ້ແກ່ປະຊາຊົນຂອງສອງປະເທດ.
ທ່ານນາງ ຫງວຽນເຟືອງງາ ຢືນຢັນວ່າບັນດາໝາກຜົນທີ່ດີແມ່ນຍ້ອນມີຄວາມມານະພະຍາຍາມໃນການເຊື່ອມຕໍ່ ແລະຊຸກຍູ້ຂອງບັນດາເອກອັກຄະລັດຖະທູດ, ບັນດານັກການທູດ ແລະ ບັນດາອົງການມິດຕະພາບຂອງທັງສອງປະເທດ, ໃນນັ້ນມີ ທ່ານນາງ MaríaJesús Figa López-Palop. ທ່ານນາງ ຫງວຽນເຟືອງງາ ກໍ່ໄດ້ລະນຶກອີກວ່າທ່ານໄດ້ເຫັນປະຈັກຕາຄວາມພະຍາຍາມຢ່າງບໍ່ລົດລະຂອງທ່ານເອກອັກຄະລັດຖະທູດໃນການຊຸກຍູ້ການຮ່ວມມືລະຫວ່າງສອງ ປະເທດໃນທຸກຂົງເຂດ ຄື ເສດຖະກິດ, ການເມືອງ, ວັດທະນະທຳ ແລະ ສັງຄົມ, ສະໜັບສະໜູນການຮ່ວມມືຢ່າງແທ້ຈິງລະຫວ່າງວິສາຫະກິດຂອງສອງປະເທດໄປສູ່ການພັດທະນາແບບຍືນຍົງຢູ່ຫວຽດນາມ…
 |
| ບັນດາຜູ້ແທນຖ່າຍຮູບທີ່ລະນຶກ.(ພາບ:TV) |
ທ່ານນາງ ຫງວຽນເຟືອງງາ ປະທານ VUFO ເນັ້ນໜັກວ່າ: “ໃນຖານະນັກການທູດທີ່ມີປະສົບການ, ມີຄວາມຮູ້ດ້ານກົດໝາຍຢ່າງກວ້າງຂວາງ, ທ່ານນາງ ເອກອັກຄະລັດຖະທູດ MaríaJesús Figa López-Palop ໄດ້ສະໜັບສະໜູນຢ່າງຈິງຈັງ ແລະ ປະກອບສ່ວນເຂົ້າໃນການຮ່ວມມືລະຫວ່າງສອງປະເທດໃນຂົງເຂດກົດໝາຍ, ໂດຍສະເພາະຄວາມສະເໝີພາບລະຫວ່າງຍິງ - ຊາຍ ແລະ ການສ້າງຄວາມເຂັ້ມແຂງໃຫ້ແກ່ແມ່ຍິງ. ພິເສດ, ທ່ານນາງ ເອກອັກຄະລັດຖະທູດ ກໍ່ເອົາໃຈໃສ່ທີ່ສຸດເຖິງການຮັດແໜ້ນການພົວພັນລະຫວ່າງບັນດາອົງການຈັດຕັ້ງປະຊາຊົນ, ມີຄວາມສົນໃຈຫຼາຍໃນການສະໜັບສະໜູນ ສະມາຄົມມິດຕະພາບຫວຽດນາມ - ແອັດສະປາຍ, ພ້ອມກັບສະມາຄົມຈັດຕັ້ງການເຄື່ອນໄຫວຕົວຈິງຫຼາຍຢ່າງເພື່ອຊ່ວຍຊຸກຍູ້ການແລກປ່ຽນປະຊາຊົນ, ເພີ່ມພຸນຄູນສ້າງມິດຕະພາບ ລະຫວ່າງ ປະຊາຊົນ ຫວຽດນາມ ແລະ ແອດສະປາຍ”.
 | ສະມາຄົມມິດຕະພາບ ຫວຽດນາມ - ໄທ ຢູ່ ດານັງປະກອບສ່ວນຊຸກຍູ້ຂະແໜງການທ່ອງທ່ຽວ ຍສໝ - ວັນທີ 22 ກໍລະກົດ 2020, ກອງປະຊຸມໃຫຍ່ຄັ້ງທີ 4 ໄລຍະ 2020 - 2025 ຂອງສະມາຄົມມິດຕະພາບຫວຽດນາມ - ໄທ ນະຄອນດານັງໄດ້ຈັດຂຶ້ນ ຢູ່ ສຳນັກງານໃຫຍ່ຂອງສະຫະພັນບັນດາອົງການມິດຕະພາບນະຄອນດານັງ. |
 | ຊາວຫວຽດນາມເກືອບ 300 ຄົນ ຈາກເອີຣົບກັບຄືນປະເທດຢ່າງປອດໄພ ຍສໝ - ກ່ອນໜ້ານີ້, ຊາວຫວຽດນາມຖືກຕິດຄ້າງຢູ່ບັນດາປະເທດຄືໂຣມາເນຍ, ຍີ່ປຸ່ນ, ສະຫະລັດອາເມລິກາ, ມຽນມາ, ສິງກະໂປ, ຟີລິບປິນ... ເປັນເວລາດົນນານຍ້ອນວ່າ COVID-19 ໄດ້ກັບຄືນສູ່ຫວຽດນາມຢ່າງປອດໄພ ແລະປະຕິບັດການແຍກຫ່າງຕາມລະບຽບການ. |
 | ການທ່ອງທ່ຽວຂອງຫວຽດນາມ ໄດ້ຮັບການຄັດເລືອກເຂົ້າໃນ 11 ປະເພດການທ່ອງທ່ຽວແຖວໜ້າຂອງອາຊີ ຍສໝ - ຄະນະກຳມະການຈັດງານລາງວັນການທ່ອງທ່ຽວໂລກປີ 2020 (WTA) ໄດ້ປະກາດເວລາຄັດເລືອກເອົາ ໃນເຂດອາຊີໃນປີ 2020 ແຕ່ວັນທີ 15 ມິຖຸນາເຖິງວັນທີ 24 ກັນຍາ 2020. ໃນລະດູການນີ້, ການທ່ອງທ່ຽວຫວຽດນາມໄດ້ຮັບການຄັດເລືອກໃນ 11 ປະເພດການທ່ອງທ່ຽວ “ແຖວໜ້າຂອງອາຊີ”. |
ໄຊພອນ
