ລະດັບການເຕີບໂຕຂອງເສດຖະກິດ ຫວຽດນາມ ໃນປີ 2020 ອາດຈະບັນລຸໄດ້ 3,8%

	HAUFO ກຳນົດ 8 ເປົ້າໝາຍຫຼັກໃນ 6 ເດືອນທ້າຍປີ 2020
	ລາວ: ໃນປີ 2030 ປະຊາກອນ ຈະເພີ່ມຂຶ້ນເຖິງ 8.1 ລ້ານຄົນ

ຫວຽດນາມ ແມ່ນໜຶ່ງໃນຈຳນວນໜ້ອຍປະເທດໃນໂລກ ທີ່ມີລະດັບການເຕີບໂຕເສດຖະກິດເປັນບວກໃນໄຕມາດ 2 ປີ 2020, ບັນລຸ 0,36%.

ບົດລາຍງານຂອງ VEPR ໄດ້ຊີ້ແຈ້ງວ່າ ຫວຽດນາມ ແມ່ນໜຶ່ງໃນຈຳນວນໜ້ອຍປະເທດໃນໂລກ ທີ່ມີລະດັບການເຕີບໂຕເສດຖະກິດເປັນບວກໃນໄຕມາດ 2 ປີ 2020, ບັນລຸ 0,36%. ແງ່ຫວັງດ້ານເສດຖະກິດ ຫວຽດນາມ ໃນປີ 2020 ຈະອີງໃສ່ຄວາມສາມາດຄວບຄຸມໂລກພະຍາດ ບໍ່ພຽງແຕ່ຢູ່ພາຍໃນປະເທດເທົ່ານັ້ນ ຫາກນັບທັງຢູ່ຕ່າງປະເທດອີກດ້ວຍ. ລະດັບການເຕີບໂຕຂອງເສດຖະກິດ ຫວຽດນາມ ໃນປີ 2020 ອາດຈະບັນລຸໄດ້ 3,8%.

ກ່າວຄຳເຫັນທີ່ກອງປະຊຸມຄະນະຊີ້ນຳລະຫວ່າງຂະແໜງໃນການເຊື່ອມໂຍງເຂົ້າກັບສາກົນກ່ຽວກັບເສດຖະກິດທີ່ດຳເນີນໃນຕອນບ່າຍວັນທີ 20 ກໍລະກົດ ຢູ່ຮ່າໂນ້ຍ, ທ່ານຟ້າມບິ່ງມິງ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ, ຫົວໜ້າຄະນະຊີ້ນຳເນັ້ນໜັກວ່າ: ການເຊື່ອມໂຍງເສດຖະກິດສາກົນໃນໄລຍະຈະມາເຖິງແມ່ນຕ້ອງວາງຄາດໝາຍສູງສຸດແມ່ນຮັບໃຊ້ໃຫ້ແກ່ການຟື້ນຟູເສດຖະ ກິດ, ຊຸກຍູ້ການເຕີບໂຕ ແລະ ພັດທະນາແບບຍືນຍົງ, ເພີ່ມທະວີການເຂົ້າຮ່ວມຂອງປະຊາຄົມວິສາຫະກິດ ແລະ ບັນດາສະຫະສະມາຄົມ, ຂະແໜງສິນຄ້າໃນວິວັດການຜັນຂະຫຍາຍບັນດາຄຳໝັ້ນສັນຍາ, ສະເໜີວິທີການຍົກສູງກຳລັງຄວາມສາມາດແກ້ງແຍ້ງຂອງວິສາຫະກິດ, ຂະແໜງສິນຄ້າ, ການໜູນຊ່ວຍວິສາຫະກິດໃນການຈຳກັດການນຳເຂົ້າສິນຄ້າ.

ຕາມການຄາດຄະເນຂອງກົມໃຫຍ່ກະສິກຳ-ປ່າໄມ້, ກະຊວງກະສິກຳ ແລະ ພັດທະນາຊົນນະບົດຫວຽດນາມ ແລ້ວ, ດ້ວຍທ່າເຕີບໂຕໃນໄລຍະ 6 ເດືອນຕົ້ນປີ 2020, ການສົ່ງອອກເຄື່ອງປ່າຂອງດົງທັງປີ 2020 ຄາດວ່າຈະບັນລຸລະດັບ 11,75 – 12 ຕື້ USD.

ທ່ານ ຮ່າກົງຕ໊ວນ, ຮອງລັດຖະມົນຕີຜູ້ປະຈຳການກະຊວງກະສິກຳ ແລະ ພັດທະນາຊົນນະບົດຫວຽດນາມ ຖືວ່າ: ຂົງເຂດກະສິກຳ-ປ່າໄມ້ ໄດ້ປະກອບການເຕີບໂຕ ແລະ ການສົ່ງອອກສູງທີ່ສຸດໃນຂະແໜງກະສິກຳໃນໄລຍະ 6 ເດືອນຕົ້ນປີ 2020. ທ່ານ ຮ່າກົງຕ໊ວນ ສະເໜີວ່າ, ໃນໄລຍະຈະມາເຖິງ, ກົມໃຫຍ່ກະສິກຳ-ປ່າໄມ້ ຕ້ອງແນະນຳ, ກວດກາ, ສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງ ເພື່ອແນະນຳໃຫ້ວິສາຫະກິດແກ້ໄຂການຂັດແຍ້ງດ້ານການຄ້າ, ໂດຍສະເພາະແມ່ນບັນຫາກ່ຽວກັບໄມ້ຊະນິດຕ່າງໆ; ຕີລາຄາຜົນກະທົບຂອງບັນຫານີ້.

ຫວຽດນາມ ໄດ້ຍົກການບຸລິມະສິດເພື່ອຊຸກຍູ້ການເຊັນສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ໃນປີ 2020. ຍສໝ - ຕາມບັນດາຜູ້ຊ່ຽວຊານໃຫ້ຮູ້ວ່າ, ບັນດາວິສາຫະກິດ ຫວຽດນາມ ຕ້ອງປັບປຸງຄຸນນະພາບ, ຮູບແບບ ຂອງຜະລິດຕະພັນ ແລະ ການໂຄສະນາຮູບພາບ ເພື່ອເພີ່ມຄວາມສາມາດແກ່ງແຍ່ງ ໃນຕະຫຼາດ RCEP.

ຫວຽດນາມ - ລາວ ສູ້ຊົນໃຫ້ວົງເງິນການຄ້າເພີ່ມຂຶ້ນຢ່າງໜ້ອຍ 10-15% ໃນປີ 2020 ຍສໝ - ປີຜ່ານມາ, ການຄ້າ ແລະການລົງທຶນບັນລຸຜົນງານພົ້ນເດັ່ນທີ່ສຸດໃນການຮ່ວມມືສອງປະເທດ ດ້ວຍຈໍານວນໂຄງການລົງທຶນຂອງຫວຽດນາມ ຢູ່ລາວ ເພີ່ມຂຶ້ນ ແລະແມ່ນປະເທດຢືນອັນດັບທີ 3 ດ້ວຍເງິນລົງທຶນທັງໝົດເຂົ້າລາວ ບັນລຸກວ່າ 5 ຕື້ໂດລາສະຫະລັດ.

ຫວຽດນາມ - ລາວ ເອກະພາບທິດທາງການຮ່ວມມືຢ່າງຮອບດ້ານ ໃນປີ 2020 ໃນຕອນເຊົ້າວັນທີ 4 ມັງກອນ ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫງວຽນຊວນຟຸກ ແລະ ທ່ານນາຍົກລັດຖະມົນຕີ ສປປ ລາວ ທອງລຸນ ສີສຸລິດ ໄດ້ເປັນປະທານຮ່ວມກອງປະຊຸມຄັ້ງທີ 42 ຄະນະກຳມະການລະຫວ່າງ ລັດຖະບານ ຫວຽດນາມ -ລາວ.