| ສະຖານທູດອິດສະລາແອນ ປະຈຳຫວຽດນາມ ສະໜັບສະໜຸນເຂົ້າສານ 1 ໂຕນ ໃຫ້ຕູ້ ATM ເຂົ້າສານຮ່າໂນ້ຍ | |
| ສະໜາມບິນ ສາກົນໂນ້ຍບ່າຍຜະລິດ ຕູ້ຂ້າເຊື້ອ ທົ່ວຮ່າງກາຍເພື່ອປ້ອງກັນ ແລະ ສະກັດກັ້ນເຊື້ອພະຍາດ Covid-19 |
 |
| ຮູບການຕູ້ ATM ໄດ້ທະວີຄູນໃນທົ່ວປະເທດ. |
ໂລກລະບາດ Covid – 19 ໄດ້ເຮັດໃຫ້ທຸກໆການເຄື່ອນໄຫວຂອງສັງຄົມຖືກຢຸດສະງັກ, ພື້ນຖານເສດຖະກິດບໍ່ສາມາດເຄື່ອນໄຫວໄດ້. ໃນໄລຍະນັ້ນ, ຜູ້ທຸກຍາກແມ່ນເປົ້າໝາຍທີ່ຮັບຜົນສະທ້ອນຢ່າງຮ້າຍແຮງທີ່ສຸດ ເມື່ອການທຳມາຫາກິນຖືກທຳລາຍ. ໃນຈຸດເວລານັ້ນເນື້ອໃນຈິດໃຈທີ່ເປັນມູນເຊື້ອແມ່ນຊ່ວຍເຫຼືອກັນຂອງຊາວຫວຽດນາມໄດ້ປະກົດຂຶ້ນ, ແລະ ຕູ້ ATM ໄດ້ກຳເນີດ. ນີ້ແມ່ນຂໍ້ລິເລີ່ມທີ່ບໍ່ພຽງແຕ່ອີງຕາມຄວາມກ້າວໜ້າຂອງວິທະຍາສາດເຕັກໂນໂລຢີເທົ່ານັ້ນ, ຫາກຍັງແມ່ນອີງຕາມອາລົມຈິດນ້ຳໃຈລະຫວ່າງ ຄົນກັບຄົນອີກດ້ວຍ.
ວັນທີ 6 ເມສາ, ຕູ້ ATM ແຈກເຂົ້າສານການກຸສົນໃຫ້ແກ່ຜູ້ທຸກຍາກທຳອິດໄດ້ຮັບການຕິດຕັ້ງຢູ່ທີ່ຢູ່ເລກທີ 204B ຖະໜົນ ເວື່ອນລ່າຍ (ເມືອງເຕິນຟຸ, ນະຄອນໂຮ່ຈີມິນ). ຫຼັງຈາກນັ້ນ 2,3 ວັນ, ຂໍ້ລິເລີ່ມດັ່ງກ່າວໄດ້ແຜ່ຂະຫຍາຍໃນທົ່ວນະຄອນ, ແລະ ທະວີຄູນທົ່ວປະເທດ.
“ບໍ່ໃຫ້ຜູ້ໃດຖືກຕົກຢູ່ທາງຫຼັງ”
 |
| ຕູ້ ATM ແຈກເຂົ້າສານ ໄດ້ຊ່ວຍເຫຼືອຜູ້ທຸກຍາກເປັນຈຳນວນຫຼວງຫຼາຍ. |
ອ້າຍ ຮ່ວາງຕວັນແອັງ ຜູ້ປະດິດສ້າງຕູ້ ATM ເຂົ້າສານ ໂດຍເປັນໄວໜຸ່ມທີ່ໄດ້ເກີດໃນຄອບຄົວທີ່ດີ, ແຕ່ນ້ອນ ຕວັກແອງ ໄດ້ພໍ່ແມ່ສັ່ງສອນກ່ຽວກັບຄຸມຄ່າຂອງການອອກແຮງງານແລ້ວ. ລາວແບ່ງປັນວ່າ: “ຈຸດແຈກເຂົ້າສານນີ້ແຕ່ກ່ອນແມ່ນບ່ອນທີ່ຄອບຄົວຂ້າພະເຈົ້າເຮັດເປັນຟາມ. ນັບແຕ່ຄາວຍັງນ້ອຍ ຂ້າພະເຈົ້າຍັງໄປຕາມອີ່ພໍ່ມາເຮັດວຽກຢູ່ນີ້. ເພາະສະນັ້ນ, ແຕ່ຄາວນັ້ນ, ຂ້າພະເຈົ້າໄດ້ເຂົ້າໃຈຄວາມລຳບາກຂອງຜູ້ທີ່ປະສົບກັບຄວາມຫຍຸ້ງຍາກ. ຄວາມເຂົ້າໃຈດັ່ງກ່າວກາຍເປັນກຳລັງໜູນເພື່ອໃຫ້ຂ້າພະເຈົ້າມີຄວາມຫວັງຢາກແບ່ງປັນສ່ວນໜຶ່ງພາລະໜັກຂອງປະຊາຊົນໃນໄລຍະປັດຈຸບັນ”.
ຈຸດເວລານັ້ນ, ທົ່ວໂລກລ້ວນແຕ່ກ້າວເຂົ້າສູ່ວິກິດການຈາກໂລກລະບາດ. ຈຳນວນຜູ້ຕິດເຊື້ອນັບມື້ນັບເພີ່ມຂຶ້ນ, ພື້ນຖານເສດຖະກິດຖືກຢຸດສະຫງັກ. ບໍລິສັດຂອງ ຕວັກແອງ ກໍ່ຄືກັນ, ຕວັນແອງໃຫ້ຮູ້ຕື່ມອີກວ່າ:
“ຂ້າພະເຈົ້າຮູ້ສຶກວ່າຕົນເອງຍັງໂຊກດີກ່ວາບັນດາຜູ້ອອກແຮງງານທີ່ປະສົບຄວາມຫຍຸ້ງຍາກ. ປົກກະຕິ, ເຂົາເຈົ້າສາມາດເຮັດວຽກອື່ນເພື່ອຫາເງິນໄດ້ ແຕ່ໃນຈຸດເວລານັ້ນ, ບັນດາການບໍລິການລ້ວນແຕ່ຢຸດຊົວຄາວ, ດັ່ງນັ້ນເຂົາເຈົ້າຈະຫາກິນແນວໃດ”.
ເມື່ອຄິດແນວນັ້ນ, ຮ່ວາງຕວັນແອງ ໄດ້ລົງມືເຂົ້າການປະຕິບັດໂຄງການຢ່າງທັນທີ. ລາວຢາກຊື້ເຂົ້າສານມອບໃຫ້ຄົນທຸກຍາກເພື່ອຊ່ວຍເຫຼືອເຂົາເຈົ້າຫຼຸດພົ້ນອອກຈາກໄພອຶດຫິວ. ເຖິງຢ່າງໃດກໍ່ຕາມເມື່ອລົງມືປະຕິບັດ ລາວກໍ່ປະສົບກັບຄວາມຫຍຸ້ງຍາກຫຼາຍຢ່າງຍ້ອນວ່າໃນໄລຍະນັ້ນທົ່ວປະເທດພວມປະຕິບັດການແຍກແຫ່ງທົ່ວສັງຄົມ. ຖ້າຫາກວ່າເຮັດການກູ້ສົນ, ບໍ່ສາມາດຫຼີກລ້ຽງໄດ້ການເຕົ້າໂຮມເປັນຫຼາຍຄົນ.
 |
| ຕູ້ ATM ແຈກເຂົ້າສານໄດ້ຮັບການຊ່ວຍເຫຼືອຂອງຜູ້ໃຈບຸນເປັນຈຳນວນຫຼາຍ. |
“ຕ້ອງມີວິທີການເພື່ອາດຈະສົ່ງເຂົ້າສານທາງໄກ ແລະ ຈຳກັດສ່ວນໃດສ່ວນໜຶ່ງຂອງສະພາບການຄົນໜຶ່ງຮັບຫຼາຍຄັ້ງ”
“ຂ້າພະເຈົ້າຈົ່ງຄິດອອກຂໍ້ລິເລີ່ມກ່ຽວກັບ ຕູ້ ATM ເຂົ້າສານ”.
ຕູ້ ATM ແຈກເຂົ້າສານທຳອິດໄດ້ຕິດຕັ້ງຢູ່ທີ່ຢູ່ເລກທີ 204B ຖະໜົນເວື່ອນລາຍ (ເມືອງ ເຕິນຟູ, ນະຄອນໂຮ່ຈີມິນ). ໃນເບື້ອງຕົ້ນ, ຕວັນແອັງຄິດວ່າຈະແຈກຢາຍເຂົ້າສານ 500 ກິໂລ ຕໍ່ວັນຈົນໝົດເດືອນ, ລາວກໍ່ຫວັງວ່າຮອດທ້າຍເດືອນໂລກລະບາດຈະສິ້ນສຸດລົງ, ການດຳລົງຊີວິດຈະກັບຄືນສູ່ສະພາບທີ່ເປັນປົກກະຕິ. ເຖິງຢ່າງໃດກໍ່ຕາມ, ໂຄງການໄດ້ເລີ່ມມາຈາກນ້ຳໃຈອາລົມຈິດ, ດັ່ງນັ້ນໄດ້ແຜ່ຂະຫຍາຍໃນວົງກ້ວາງອອກສູ່ທົ່ວປະເທດຢ່າງໄວ.
ມີຜູ້ໃຈບຸນໃຈກຸສົນນັບຮ້ອຍຄົນ ມາປະກອບເຂົ້າສານພ້ອມກັບຫົວຂໍ້ຂອງຕູ້ ATM ແຈກເຂົ້າສານ. ຊຸມວັນນັ້ນ, ຕູ້ ATM ແຈກເຂົ້າສານຕ້ອງເພີ່ມຂຶ້ນ 3 ປະຕູ, ແລະ ເຄື່ອນໄຫວຕະຫຼອດ 24 ຊົ່ວໂມງເພື່ອຮັບໃຊ້ປະຊາຊົນ.
ພາຍຫຼັງ ຕູ້ ATM ແຈກເຂົ້າສານທຳອິດໄດ້ຮັບການຕິດຕັ້ງຢູ່ ນະຄອນໂຮ່ຈີມິນ, ວັນທີ 11 ເມສາ, ໂຄງການຕູ້ ATM ແຈກເຂົ້າສານໃຫ້ແກ່ຄົນທຸກຍາກໄດ້ທະວີຄູນຢູ່ຮ່າໂນ້ຍ.
ທະວີຄູນ ຕູ້ ATM ແຈກເຂົ້າສານຢູ່ຮ່າໂນ້ຍ
ທ່ານຫງວຽໜແມັ້ງຮຸ່ງ (ອາຍຸ 55 ປີ, ຜູ້ມີຂໍ້ລິເລີ່ມກ່ຽວກັບຕູ້ ATM ແຈກເຂົ້າສານຢູ່ຮ່າໂນ້ຍ) ໃຫ້ຮູ້ວ່າ: ເມື່ອອ່ານຂ່າວກ່ຽວກັບຕູ້ ATM ແຈກເຂົ້າສານ, ຂ້າພະເຈົ້າຄິດວ່າ, ເປັນຫຍັງ ນະຄອນໂຮ່ຈີມິນເຮັດໄດ້ເຮົາເຮັດບໍ່ໄດ້? ຂ້າພະເຈົ້າພວມບໍລິຫານກຸ່ມກຸສົນກ່ຽວກັບໜັງສື, ດັ່ງນັ້ນເມື່ອແບ່ງປັນຄວາມຄິດດັ່ງກ່າວ, ທຸກໆຄົນໃນກຸ່ມຜູ້ໃດກໍ່ເຫັນດີເຫັນພ້ອມ. ດັ່ງນັ້ນ, ພວກຂ້າພະເຈົ້າເລີ່ມປະຕິບັດ”.
ພາຍຫຼັງຄົ້ນຄ້ວາມາເປັນເວລາ 48 ຊົ່ວໂມງ, ສຸດທ້າຍຮອດເວລາ 8 ໂມງ 30 ນາທີຂອງວັນທີ 11 ເມສາ, ເມັດເຂົ້າສານທຳອິດໄດ້ຄ່ອຍໆໄລ່ລົງຖົງຂອງຜູ້ທຸກຍາກ ຢູ່ຮ່າໂນ້ຍ. ເຄື່ອງຈັກໄດ້ຕິດຕັ້ງຢູ່ຫໍວັດທະນະທຳກິລາ ຕາແສງເງີຍເຕິນ (ເມືອງເກົ່າໄຢ, ຮ່າໂນ້ຍ).
ອ້າຍ ຢວານແທັງຕຸມ - ຜູ້ປະດິດສ້າງຕູ້ ATM ແຈກເຂົ້າສານຢູ່ຮ່າໂນ້ຍໃຫ້ຮູ້ວ່າ ຈຸດແຕກຕ່າງກັນຂອງຕູ້ ATM ແຈກເຂົ້າສານຢູ່ຮ່າໂນ້ຍເມື່ອທຽບໃສ່ກັບຕູ້ ATM ແຈກເຂົ້າສານແຫ່ງຕ່າງໆແມ່ນ, ຕູ້ໄດ້ດັດປັບ, ໃຊ້ຕິນຢຽບແທນທີ່ນີວມືກົດ.
“ໃນໄລຍະຕິດເຊື້ອພະຍາດຢ່າງງ່າຍດາຍ, ພວກຂ້າພະເຈົ້າເຫັນວ່າ ເລື່ອງໃສ່ມືກົດຕູ້ ATM ມັນສ້າງຄວາມສ່ຽງຕິດເຊື້ອພະຍາດ. ຈົນຮອດເວລາປະດິດສ້າງຕູ້, ພວກຂ້າພະເຈົ້າເຫັນວ່າຕ້ອງປະຕິບັດການເຄື່ອນໄຫວຂອງຕູ້ດ້ວຍການຢຽບຕີນແທນທີໃຊ້ມືກົດ”.
ເມັດເຂົ້າສົ່ງໄປ, ຮັບໄດ້ນ້ຳໃຈ
ທຸກໆວັນໄປເກັບຂີ້ເຫຍື້ອຢູ່ແຄມທາງຢູ່ຕາແສງເງີຍເຕິນ, ຫາກໍ່ຟັງໄດ້ໂທລະໂຄ່ງຂອງຕະແສງປະກາດ, ປ້າ ເຈິ່ນທິແລັ່ງ (ອາຍຸ 62 ປີ) ໄດ້ຖີບລົດມາຂໍເຂົ້າສານ. ເມື່ອຮັບໄດ້ຖົງເຂົ້າປະມານ 3 ກິໂລ, ປ້າ ແລັ່ງ ຄິດວ່າຈະກິນໄດ້ປະມານ 4 – 4 ຄາບ. ປ້າເວົ້າວ່າ: “ປົກກະຕິ, ການດຳລົງຊີວິດກໍ່ປະສົບກັບຄວາມຫຍຸ້ງຍາກແລ້ວ, ປັດຈຸບັນໂລກລະບາດເກີດຂຶ້ນຍິ່ງຫຍຸ້ງຍາກກ່ວາເກົ່າ. ຮັບໄດ້ເຂົ້າສານຄືຈັງຊີ້ກໍ່ຮູ້ສຶກວ່າມວນຫຼາຍ”.
 | ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII: ສສຊ ຮັບຮອງເອົາ 4 ມາດຕາໃນ 2 ຮ່າງກົດໝາຍ ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ໄດ້ດຳເນີນມາເປັນມື້ທີ 6 ໃນວັນທີ 1 ກໍລະກົດ 2020 ທີ່ສະພາແຫ່ງຊາດ (ຫຼັກ 6) ເປັນປະທານຂອງທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ມີທ່ານ ສົມມາດ ພົນເສນາ ລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ພ້ອມດ້ວຍສະມາຊິກສະພາໃນແຕ່ລະເຂດເລືອກຕັ້ງ ແລະ ... |
 | ກອງປະຊຸມທາບທາມຄຳເຫັນຂັ້ນສູນກາງຕໍ່ຮ່າງກົດໝາຍວ່າດ້ວຍ ຊາຍແດນແຫ່ງຊາດ ໃນວັນທີ 29 - 30 ມິຖຸນາ 2020 ທີ່ສູນການຮ່ວມມືສາກົນ ແລະ ຝຶກອົບຮົມ ICTC, ກະຊວງການຕ່າງປະເທດ ໄດ້ຈັດຕັ້ງກອງປະຊຸມທາບທາມ ຄຳເຫັນຂັ້ນສູນກາງ ຕໍ່ຮ່າງກົດໝາຍວ່າດ້ວຍ ຊາຍແດນແຫ່ງຊາດ ພາຍໃຕ້ການເປັນປະທານຂອງ ທ່ານ ທອງສະຫວັນ ພົມວິຫານ ຮອງລັດຖະມົນຕີ ກະຊວງການຕ່າງປະເທດ, ຫົວໜ້າຄະນະຮັບຜິດຊອບ ສ້າງຮ່າງກົດໝາຍ ໂດຍມີບັນດາທ່ານຮອງລັດຖະມົນຕີ ແລະ ຮອງຫົວໜ້າອົງການຂັ້ນສູນກາງ, ທ່ານ ຫົວໜ້າຫ້ອງການ, ຫົວໜ້າກົມ, ຮອງຫົວໜ້າກົມ ແລະ ຜູ້ຕາງໜ້າຈາກອົງການຈັດຕັ້ງຂັ້ນສູນກາງ ເຂົ້າຮ່ວມ. |
 | ສປປ ລາວ ຍັງບໍ່ພົບກໍລະນີຜູ້ຕິດເຊື້ອໂຄວິດ-19 ເພີ່ມຂຶ້ນໃໝ່ ນັບເປັນເວລາ 79 ມື້ແລ້ວ ປັດຈຸບັນ ສປປ ລາວ ໃນຂອບເຂດທົ່ວປະເທດ ມີສູນຈໍາກັດບໍລິເວນ ທັງໝົດ 89 ສູນ, ມີຜູ້ຖືກຈຳກັດບໍລິເວນຢູ່ສູນ 3.117 ຄົນ, ໄດ້ເກັບຕົວຢ່າງມາ ກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ. |
ບຸນຄົງ
