| ອິນເດຍມີຄວາມຫວັງຢາກຮ່ວມມືຢ່າງແໜ້ນແຟ້ນກັບຫວຽດນາມໃນຫຼາຍຂົງເຂດ | |
| ກອງປະຊຸມພິເສດລັດຖະມົນຕີເສດຖະກິດ ອາຊຽນ + 3 ທາງອອນລາຍກ່ຽວກັບການຮັບມືກັບໂລກລະບາດ Covid – 19 |
 |
| ພາບປະກອບ |
ວັນທີ 16 ມິຖຸນາ, ຄະນະຜູ້ຕາງໜ້າ ສ.ເກົາຫຼີ ປະຈຳ ອາຊຽນ ໄດ້ສົມທົບກັບກຸ່ມບໍລິຫານໂຄງການຮ່ວມມືພັດທະນາອາຊຽນ - ສ.ເກົາຫຼີ ໄດ້ເລີ່ມເຄື່ອນໄຫວລາຍການຍົກສູງກຳລັງຄວາມສາມາດຂອງອາຊຽນໃນການກວດຫາເຊື້ອ Covid – 19 ໂດຍໄວ. ໂດຍມີການເຂົ້າຮ່ວມຂອງ ທ່ານເຈິ່ນດຶກບິ່ງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳອາຊຽນ.
ກ່າວຄຳເຫັນໄຂລາຍການ, ທ່ານ Lim Jock Hoi ເລຂາທິການໃຫຍ່ ອາຊຽນໃຫ້ຮູ້ວ່າ: ໂຄງການດັ່ງກ່າວເພື່ອແນໃສ່ປະຕິບັດຄຳໝັ້ນສັນຍາໜູນຊ່ວຍອາຊຽນຮັບມືກັບໂລກລະບາດ Covid – 19, ໂດຍທ່ານ ປະທານາທິບໍດີ ສ.ເກົາຫຼີ Moon – Jea-inປະກາດ ທີ່ກອງປະຊຸມຂັ້ນສູງພິເສດ ອາຊຽນ + 3 ກ່ຽວກັບການຮັບມືກັບໂລກລະບາດ Covid – 19 ໂດຍໄດ້ຮັບການຈັດຕັ້ງໃນວັນທີ 14 ເມສາທີ່ຜ່ານມາ. ທ່ານ Lim Jock Hoi ໃຫ້ຮູ້ວ່າ ປົກກະຕິ, ວິວັດການໃຫ້ສັດຕະຍາບັນບັນດາໂຄງການ ແລະ ລາຍການຂອງ ກອງທຶນຮ່ວມມືອາຊຽນ - ສ.ເກົາຫຼີ ຕ້ອງເສຍເວລາປະມານ 6 ເດືອນຕາມຂໍ້ກຳນົດຕາມມາດຕະຖານ. ເຖິງຢ່າງໃດກໍ່ຕາມ, ຍ້ອນລັກສະນະຮີບດ່ວນ, ດັ່ງນັ້ນລາຍການດັ່ງກ່າວໄດ້ຮັບການໃຫ້ສັດຕະຍາບັນໃນຮອບເວລາ 1 ເດືອນ. ເນື່ອງໃນໂອກາດນີ້, ທ່ານ Lim ໄດ້ສົ່ງຄຳຂອບໃຈໄປຍັງຄະນະເລຂາອາຊຽນ ແລະ ຄະນະກຳມະການບັນດາຜູ້ຕາງໜ້າປະຈຳອາຊຽນ ໄດ້ສົມທົບກັນຜັນຂະຫຍາຍລາຍການ, ພ້ອມທັງເນັ້ນໜັກວ່າ ນີ້ແມ່ນ ຈຸດເວລາທີ່ຫັນວິກິດການກາຍເປັນກາລະໂອກາດ ເພື່ອແນໃສ່ຊຸກຍູ້ການຮ່ວມມືລະຫວ່າງ ສ.ເກົາຫຼີ ແລະ ອາຊຽນ. ທ່ານກ່າວວ່າ:
ນັບແຕ່ເວລາ ໂລກລະບາດ Covid – 19 ແຜ່ລາມໃນວົງກ້ວາງ, ການຮ່ວມມືຢ່າງແຮງ ໄດ້ສະແດງອອກໃນການຮ່ວມມືລະຫວ່າງ ບັນດາປະເທດອາຊຽນ ກັບ ບັນດາຄູ່ຮ່ວມພາຍນອກ. ການຮ່ວມມືລະຫວ່າງ ອາຊຽນ - ສ.ເກົາຫຼີ ໃນການຮັບມືກັບໂລກລະບາດ Covid – 19 ໄດ້ຮັກສາຢູ່ລະດັບຊາດ ແລະ ພາກພື້ນໃນຂົງເຂດສາທາລະນະສຸກ ແລະ ບັນດາຂົງເຂດທີ່ກ່ຽວຂ້ອງຕ່າງໆ. ເລື່ອງມອບບັນດາວັດຖຸ ແລະ ອຸປະກອນການແພດຈະເພີ່ມທະວີກຳລັງຄວາມສາມາດໃນການກວດກາ, ບົ່ງມະຕິພະຍາດ ແລະ ຕິດຕາມ ໃຫ້ຫຼາຍກ່ວາອີກໃນບັນດາປະເທດສະມາຊິກອາຊຽນ. ບັນດາຄຳໝັ້ນສັນຍາຂອງບັນດາການນຳ ອາຊຽນ ກັບ 3 ປະເທດຄູ່ຮ່ວມມື, ພິເສດແມ່ນ ສ.ເກົາຫຼີ ບໍ່ພຽງແຕ່ໄດ້ຮັບການປະຕິບັດໃນຂົງເຂດການເມືອງເທົ່ານັ້ນ ຫາກຍັງ ເປີດກ້ວາງ ດ້ານສະຫວັດດີການ ຂອງວົງຄະນະຍາດໃນພາກພື້ນອີກດ້ວຍ.
ສ່ວນທ່ານ ເຈິ່ນດຶກບິ່ງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳອາຊຽນ ຢັ້ງຢືນວ່າ ເລື່ອງ ສ.ເກົາຫຼີ ໜູນຊ່ວຍບັນດາອຸປະກອນວິເຄາະ ແລະ ເຄື່ອງປົກປ້ອງໃຫ້ແກ່ບັນດາປະເທດສະມາຊິກອາຊຽນແນ່ນອນວ່າ ຈະຊ່ວຍສະກັດກັ້ນການແຜ່ລາມຂອງເຊື້ອໄວຣັດໃນພາກພື້ນ. ທ່ານ ເຈິ່ນດຶກບິ່ງ ກໍ່ໄດ້ຢັ້ງຢືນວ່າ ດ້ວຍຖານະບົດບາດເປັນປະທານອາຊຽນ ປີ 2020, ຫວຽດນາມຈະມານະພະຍາຍາມປະຕິບັດຂໍ້ຕົກລົງຂອງບັນດາການນຳຂັ້ນສູງ ອາຊຽນ + 3 ທີ່ໄດ້ຍົກອອກມາໃນຖະແຫຼງການຮ່ວມຂອງກອງປະຊຸມ.
 | ຫວຽດນາມເຂົ້າຮ່ວມເວທີປາໄສທາງອອນລາຍ ອາຊຽນ - ອົດສະຕາລີ ຄັ້ງທີ 32 ຍສໝ - ທ່ານຫົວໜ້າຄະນະຝ່າຍອົດສະຕາລີ ຢັ້ງຢືນວ່າ ລັດຖະບານອົດສະຕາລີ ໃຫ້ຄຳໝັ້ນສັນຍາຈະໜູນຊ່ວຍ, ສ້າງເງື່ອນໄຂສະດວກໃຫ້ແກ່ພົນລະເມືອງ ແລະ ນັກສຶກສາບັນດາປະເທດ ອາຊຽນທີ່ພວມເຮັດວຽກ ແລະ ຮ່ຳຮຽນຢູ່ອົດສະຕາລີໃນໄລຍະປະສົບຄວາມຫຍຸ້ງຍາກນີ້. |
 | ຫວຽດນາມສຸມໃສ່ປະຕິບັດບົດບາດເປັນປະທານອາຊຽນປີ 2020 ໃຫ້ເປັນຢ່າງດີ ຍສໝ - ປັດຈຸບັດ, ຫວຽດນາມ ພວມສຸມໃສ່ເຂົ້າການປະຕິບັດບົດບາດເປັນປະທານອາຊຽນ 2020 ໃຫ້ເປັນຢ່າງດີ. ໄລຍະທີ່ຜ່ານມາ, ເຖິງວ່າປະສົບກັບຄວາມຫຍຸ້ງຍາກຍ້ອນການຜັນແປຢ່າງສັບສົນຂອງໂລກລະບາດ Covid – 19 ກໍ່ຕາມ, ແຕ່ ຫວຽດນາມ ໄດ້ ແລະ ພວມເສີມຂະຫຍາຍບົດບາດເປັນປະທານໃນການຊຸກຍູ້ຄວາມສາມັກຄີ, |
 | ຫວຽດນາມເປັນປະທານກອງປະຊຸມອອນລາຍກຸ່ມເຈົ້າຫນ້າທີ່ອາວຸໂສປ້ອງກັນປະເທດ ອາຊຽນ ຍສໝ - ກອງປະຊຸມເພື່ອແນໃສ່ຊຸກຍູ້ບັນດາຂໍ້ລິເລີ່ມຂອງຫວຽດນາມໃນປີເປັນປະທານອາຊຽນ ແລະ ກະກຽມໃຫ້ແກ່ກອງປະຊຸມທາງອອນລາຍກຸ່ມເຈົ້າຫນ້າທີ່ອາວຸໂສປ້ອງກັນປະເທດ ອາຊຽນ (ADSOM) ຊຶ່ງຈະໄດ້ຈັດຂຶ້ນໃນວັນທີ 15 ພຶດສະພາຈະມາເຖິງ. |
ບຸນຄົງ
