ຈຸດເລີ່ມຕົ້ນໃໝ່ໃນການພົວພັນລະຫວ່າງ ຫວຽດນາມ - EU

06:30 | 10/06/2020

ຍສໝ - ເລື່ອງສັນຍາ EVFTA ໄດ້ຮັບການໃຫ້ສັດຕະຍາບັນຈາກຫວຽດນາມ ແລະ ບັນດາສະມາຊິກ EU ແມ່ນຂີດໝາຍໃຫ້ແກ່ຈຸດເລີ່ມຕົ້ນໃໝ່ໃນການພົວພັນລະຫວ່າງ ຫວຽດນາມ ແລະ EU.

	ບາດກ້າວບຸກທະລຸໃນການພົວພັນລະຫວ່າງ ຫວຽດນາມ - EU
	ຄຳເຫັນຂອງວິສາຫະກິດກ່ຽວກັບສັນຍາ EVFTA

ຈ ດ ເລ ມ ຕ ນ ໃໝ ໃນ ການ ພ ວ ພ ນ ລະ ຫວ າງ ຫວຽດ ນາມ eu

ທ່ານ Nicolas Audier ປະທານຫ້ອງການການຄ້າ ເອີລົບປະຈຳຫວຽດນາມ (ພາບ: TTXVN)

ພາຍຫຼັງ ສະພາແຫ່ງຊາດຫວຽດນາມໃຫ້ສັດຕະຍາບັນສັນຍາການຄ້າເສລີ ລະຫວ່າງ ຫວຽດນາມ - ສະຫະພາບເອີລົບ (EVFTA) ແລະ ສັນຍາອາລັກຂາການລົງທຶນລະຫວ່າງ ຫວຽດນາມ - ສະຫະພາບເອີລົບ (EVIPA) ໃນຕອນເຊົ້າວັນທີ 8 ມິຖຸນາ, ທ່ານ Nicolas Audier ປະທານຫ້ອງການການຄ້າ ເອີລົບປະຈຳຫວຽດນາມ (Eurocham) ໃຫ້ຮູ້ວ່າ Eurocham ໄດ້ສະແດງຄວາມຊົມເຊີຍຕໍ່ເລື່ອງສະພາແຫ່ງຊາດຫວຽດນາມປ່ອນບັດຕັ້ງໜ້າໃຫ້ແກ່ສັນຍາສອງສະບັບດັ່ງກ່າວ.

ເລື່ອງສັນຍາ EVFTA ໄດ້ຮັບການໃຫ້ສັດຕະຍາບັນຈາກຫວຽດນາມ ແລະ ບັນດາສະມາຊິກ EU ແມ່ນຂີດໝາຍໃຫ້ແກ່ຈຸດເລີ່ມຕົ້ນໃໝ່ໃນການພົວພັນລະຫວ່າງ ຫວຽດນາມ ແລະ EU.

ຕາມທ່ານ Nicolas Audier ແລ້ວ, ຂໍ້ຕົກລົງປະຫວັດສາດນີ້ແມ່ນສັນຍະລັກໃຫ້ແກ່ການຮັບຮູ້ ແລະ ໄວ້ວາງໃຈຕໍ່ຫວຽດນາມ, ໃນຂະນະທີ່ປະເທດນີ້ແມ່ນປະເທດທີ 2 ໃນອາຊຽນ ເຊິ່ງ EU ລົງນາມໃນສັນຍາການຄ້າເສລີ. EVFTAຈະເປີດສັງກາດໃໝ່ກັບການຄ້າ ແລະ ເພີ່ມຂຶ້ນການລົງທຶນ, ເລີ່ມຕົ້ນວິວັດການລົບລ້າງເກືອບ 90% ພາສີອາກອນ ແລະ ຮົ້ວກີດຂວາງທາງການຄ້າໃນຮອບເວລາ 10 ປີຈະມາເຖິງ. ສັນຍານີ້ກໍຈະເປີດຕະຫຼາດໃໝ່ໃນການລົງທຶນ ແລະ ປ່ຽນແປງໃໝ່ຂອງ ເອີລົບ, ພ້ອມທັງຊຸກຍູ້ການພັດທະນາແບບຍືນຍົງຢູ່ຫວຽດນາມທ່ານ Nicolas Audier ໃຫ້ຂໍ້ສັງເກດວ່າ:

ປັດຈຸບັນ, ໃນສະພາບການບັນດາສົງຄາມການຄ້າ ແລະ ໂລກລະບາດ ທົ່ວໂລກພວມທຳລາຍບັນດາການເຄື່ອນໄຫວດຳເນີນທຸລະກິດຢູ່ຂອບເຂດຍັງບໍ່ເຄີຍມີມາກ່ອນ, ເລື່ອງປະຕິບັດສັນຍາ EVFTA ມີຄວາມສຳຄັນເໜືອກ່ວາເວລາໃດໝົດ. ການຄ້າເສລີ, ສະເໝີພາບ ແລະ ອີງໃສ່ຫຼັກການແມ່ນວິວັດການດີທີ່ສຸດໃຫ້ແກ່ການເຕີບໂຕເສດຖະກິດ. ຫວຽດນາມຈະມີສິດເຂົ້າຕະຫຼາດທີ່ມີຜູ້ບໍລິໂພກປະມານ 500 ລ້ານຄົນຂອງ EU, ກົງກັນຂ້າມບັນດາວິສາຫະກິດ ເອີລົບກໍ່ສາມາດດຳເນີນທຸລະກິດ ແລະ ລົງທຶນເຂົ້າປະເທດທີ່ມີຄວາມປອດໄພຂອງອາຊີຄືຫວຽດນາມ.

ບາດກ້າວບຸກທະລຸໃນການພົວພັນລະຫວ່າງ ຫວຽດນາມ - EU

ຍສໝ - ເລື່ອງສະພາແຫ່ງຊາດຫວຽດນາມປ່ອນບັດຮັບຮອງເອົາສັນຍາການຄ້າເສລີ EU - ຫວຽດນາມ (EVFTA) ແລະ ສັນຍາອາລັກຂາການລົງທຶນ (EVIPA) ແມ່ນບາດກ້າວບຸກທະລຸໃນການພົວພັນລະຫວ່ງ ສະຫະພາບເອີລົບ ແລະ ຫວຽດນາມ.

EVFTA – EVIPA ຈະນຳມາກະລາໂອກາດກາຍເປັນສູນຜະລິດໃນພາກພື້ນໃຫ້ແກ່ ຫວຽດນາມ

ຍສໝ - EVFTA – EVIPA ແມ່ນກາລະໂອກາດທີ່ໃຫຍ່ຫຼວງທີ່ສຸດໃຫ້ແກ່ການເຕີບໂຕນັບທັງການຄ້າ ແລະ ການລົງທຶນ, ກໍ່ຄືການເພີ່ມສະວັດດີການໃຫ້ແກ່ສັງຄົມ. ຫວຽດນາມອາດຈະໄດ້ຮັບຜົນປະໂຫຍດຢ່າງພຽງພໍເມື່ອບັນດາສັນຍານີ້ມີຜົນສັກສິດ.

EVFTA – EVIPA ນຳບັນດາຜົນປະໂຫຍດມາໃຫ້ພື້ນຖານເສດຖະກິດ ຫວຽດນາມ

ຍສໝ - ບົດຂຽນຍັງຖືວ່າ EVFTA ແລະ EVIPA ຈະນຳບັນດາຜົນປະໂຫຍດມາໃຫ້ພື້ນຖານເສດຖະກິດ ຫວຽດນາມ. ບັນດານັກສົ່ງອອກຂອງຫວຽດນາມແນ່ນອນວ່າຈະໄດ້ສຳຜັດກັບຕະຫຼາດ EU ເຊິ່ງມີມູນຄ່າ 18.000ຕື້ USD. ເມື່ອຕີລາຄາຢ່າງລະອຽດ, ສັນຍາສອງສະບັບດັ່ງກ່າວຈະຊ່ວຍເປີດກ້ວາງການຕະຫຼາດຂອງຫວຽດນາມຢູ່ EU ນັບທັງໄລຍະກາງ ແລະ ໄລຍະຍາວ.

ບຸນຄົງ