 |
| ເວບໄຊເພື່ອສະໜັບສະໜູນຄົນຕ່າງປະເທດກ່ຽວກັບ COVID-19 ຂອງກຸ່ມນັກສຶກສາຫວຽດນາມຢູ່ຍີ່ປຸ່ນ |
ອີງຕາມສຳນັກຂ່າວສານຫວຽດນາມ, ເວບໄຊໄດ້ສ້າງຂື້ນໂດຍມີຈຸດປະສົງເພື່ອສະໜັບສະໜູນຊາວຕ່າງປະເທດໃນປະເທດຍີ່ປຸ່ນໃຫ້ໄດ້ຮັບຂໍ້ມູນຂ່າວສານຢ່າງທັນເວລາ ກ່ຽວກັບສະພາບການ ໂລກລະບາດ COVID-19, ພ້ອມທັງບັນດາມາດຕະການ, ນະໂຍບາຍຂອງ ລັດຖະບານຍີ່ປຸ່ນໃນການປ້ອງກັນພະຍາດ.
ປະຈຸບັນເວບໄຊໄດ້ແປເປັນ 13 ພາສາເຊັ່ນ: ພາສາຍີ່ປຸ່ນ, ອັງກິດ, ຈີນ, ສ.ເກົາຫຼີ, ເຢຍລະມັນ, ຝຣັ່ງ, ແອສປາໂຍນ, ປອກຕຸຍການ, ຫວຽດນາມ, ອິນໂດເນເຊຍ ... ນີ້ກໍ່ແມ່ນໜຶ່ງ ໃນຊ່ອງຂໍ້ມູນຂ່າວສານທີເປັນໜ້າເຊື່ອຖືໄດ້ເພື່ອຊາວຫວຽດນາມຢູ່ຍີ່ປຸ່ນອັບເດັດຂໍ້ມູນຂ່າວສານທີ່ສຳຄັນທີ່ສຸດໂດຍສະເພາະແມ່ນໃນສະພາບການສັບສົນຂອງພະຍາດ COVID-19.
ໄລ່ຮອດເວລາ 8 ໂມງເຊົ້າວັນທີ 2 ມິຖຸນາ (ຕາມເວລາ ຫວຽດນາມ), ໂລກໄດ້ຢັ້ງຢືນມີຜູ້ຕິດເຊື້ອພະຍາດ Covid – 19 ແມ່ນ 6.365.173 ຄົນ ໃນນັ້ນມີ 377.397 ຄົນເສຍຊີວິດ. ຈຳນວນຜູ້ຕິດເຊື້ອໄດ້ຮັບການປິ່ນປົວຫາຍດີເປັນປົກກະຕິແມ່ນກ່ວາ 2,9 ລ້ານຄົນ.
ອາເມລິກາຍັງແມ່ນສູນກາງແຜ່ລະບາດໂລກລະບາດ ຂອງໂລກດ້ວຍຈຳນວນຜູ້ຕິດເຊື້ອແມ່ນ 1.859.299 ຄົນ ແລະ ຜູ້ເສຍຊີວິດແມ່ນເກືອບ 107.000 ຄົນ. ຢູ່ເອີລົບ, ກະຊວງສາທາລະນະສຸກແອັດສະປາຍໃຫ້ຮູ້ວ່າປະເທດນີ້ບໍ່ມີຜູ້ຕິດເຊື້ອໃໝ່ ແລະ ເສຍຊີວິດຕື່ມອີກໃນຮອບເວລາ 24 ຊົ່ວໂມງທີ່ຜ່ານມາ. ນີ້ແມ່ນຄັ້ງທຳອິດ ນັບແຕ່ຕົ້ນເດືອນມີນາມາຮອດປັດຈຸບັນ ແອັດສະປາຍບໍ່ມີຜູ້ຕິດເຊື້ອໃໝ່ຕື່ມອີກໃນຮອບເວລາ 24 ຊົ່ວໂມງ.
 | ຊຸກຍຸ້ການຄ້າ ຫວຽດນາມ - ອາເມລິກາ ໄລຍະຫຼັງ Covid – 19 ທີ່ກອງປະຊຸມ, ບັນດານັກຊ່ຽວຊານອາເມລິກາ ແລະ ຫວຽດນາມ ໄດ້ອັບເດດຂໍ້ມູນຂ່າວສານໃໝ່ຫຼ້າສຸດກ່ຽວກັບສະພາບການຕະຫຼາດເກີບອາເມລິກາ, ຕີລາຄາການກະທົບຂອງ Covid – 19 ທີ່ມີຕໍ່ຕະຫຼາດ ແລະ ຄວາມເປັນໄປໄດ້, ທ່າອ່ຽງພັດທະນາຂອງຕະຫຼາດໃນໄລຍະຈະມາເຖິງ, |
 | ຫວຽດນາມ ກຽມພ້ອມການແບ່ງປັນບົດຮຽນ ໃນການປ້ອງກັນ ສະກັດກັ້ນໂລກລະບາດ Covid -19 ກັບນອກແວ ຍສໝ - ການນຳ 2 ທ່ານໄດ້ເຫັນດີເພີ່ມທະວີການສົມທົບກັນຂຸດຄົ້ນບັນດາຄວາມສາມາດບົ່ມຊ້ອນໃນການພົວພັນລະຫວ່າງນອກແວ-ອາຊຽນ ໃນປີຫວຽດນາມ ດຳລົງຕຳແໜ່ງປະທານອາຊຽນ ແລະ ເພີ່ມທະວີການຮ່ວມມືຢູ່ສະຫະປະຊາຊາດໃຫ້ເປັນຢ່າງດີ. |
 | ທົ່ວໂລກມີຜູ້ຕິດເຊື້ອພະຍາດ Covid – 19 ເກືອບ 5,5 ລ້ານຄົນ ຍສໝ - ທົ່ວໂລກໄດ້ຢັ້ງຢືນມີຜູ້ຕິດເຊື້ອພະຍາດCovid -19 ເກືອບ 5,5 ລ້ານຄົນ, ໃນນັ້ນມີເກືອບ 346.500 ຄົນເສຍຊີວິດ. |
ໄຊພອນ
