 |
| ທ່ານຟ້າມບິ່ງມິງຮອງນາຍົກລັດຖະມົນຕີ, ລັດຖະມົນຕີ ກະຊວງການຕ່າງປະເທດ ຫວຽດນາມ (ພາບ: Baoquocte.vn) |
ທີ່ການໂອ້ລົມທາງໂທລະສັບ, ທ່ານຟ້າມບິ່ງມິງຮອງນາຍົກລັດຖະມົນຕີ, ລັດຖະມົນຕີ ກະຊວງການຕ່າງປະເທດ ຫວຽດນາມ ໄດ້ປະກາດບັນດາມາດຕະການ ທີ່ຫວຽດນາມພວມ ຜັນຂະຫຍາຍເພື່ອແນໃສ່ຄວບຄຸມໂລກລະບາດ ແລະ ພັດທະນາເສດຖະກິດໄລຍະຫຼັງ Covid – 19.
ທ່ານຟ້າມບິງມິງຢັ້ງຢືນວ່າ ຫວຽດນາມພ້ອມແລ້ວທີ່ຈະພ້ອມກັບອຽກລັງແລກປ່ຽນ, ແບ່ງປັນບົດຮຽນ, ປະສົບການ, ສົມທົບກັນ ຍົກສູງກຳລັງຄວາມສາມາດທາງດ້ານສາທາລະ ນະສຸກ, ຮັບມືກັບໂລກລະບາດ ແລະ ໜູນຊ່ວຍກັນໃນວຽກງານປົກປ້ອງພົນລະເມືອງ.
ສ່ວນທ່ານ Simon Coveney ຮອງນາຍົກລັດຖະມົນຕີ, ລັດຖະມົນຕີກະຊວງການ ຕ່າງປະເທດ ອຽກລັງ ໄດ້ຕີລາຄາສູງບັນດາມາດຕະການຢ່າງແຮງກໍ່ຄືຄວາມຕັ້ງໜ້າ, ຄວາມເປັນເຈົ້າການຂອງຫວຽດນາມໃນການຊຸກຍູ້ການຮ່ວມມືໃນພາກພື້ນ ແລະ ສາກົນ ເພື່ອຍູ້ໂລກລະບາດໃຫ້ຖອຍໄປໃນບົດບາດເປັນປະທານອາຊຽນ 2020 ແລະ ກຳມະການບໍ່ປະຈຳການຂອງສະພາຄວາມໝັ້ນຄົງ ສປຊ ອາຍຸການ 2020 – 2021. ທ່ານກໍ່ສະເໜີໃຫ້ສອງປະເທດສືບຕໍ່ເພີ່ມທະວີການສົມທົບກັນໃນການຮ່ວມມືລະຫວ່າງ ຫວຽດນາມ - EU, ອາຊຽນ - EU ກໍ່ຄືຢູ່ບັນດາເວລີປາໄສສາກົນເປັນຕົ້ນແມ່ນ ສປຊ ໃນບັນດາບັນຫາຕ່າງຝ່າຍຕ່າງມີຄວາມສົນໃຈ.
ທ່ານຟ້າມບິ່ງມິງຢັ້ງຢືນວ່າ ຫວຽດນາມແມ່ນຄູ່ຮ່ວມມືທີ່ມີຄວາມຮັບຜິດຊອບຂອງປະຊາຄົມ ສາກົນ, ຍາມໃດກໍ່ສົມທົບກັບບັນດາຄູ່ຮ່ວມມືຢ່າງແໜ້ນແຟ້ນກັບບັນດາຄູ່ຮ່ວມມືໃນນັ້ນມີ ອຽກລັງຢູ່ບັນດາເວທີປາໄສຫຼາຍຝ່າຍເພື່ອປະກອບສ່ວນເຂົ້າການຮັກສາສັນຕະພາບ, ຄວາມສະຖຽນລະພາບ ແລະ ຄວາມເຄົາລົບກົດໝາຍສາກົນກໍ່ຄືໃນການຮັບມືກັບບັນດາບັນ ຫາທົ່ວໂລກ
ເນື່ອງໃນໂອກາດນີ້, ທ່ານຟ້ານບິ່ງມິງ ໄດ້ສະແດງຄວາມຂອບໃຈອຽກລັງທີ່ໄດ້ສະໜັບ ສະໜູນການລົງນາມ ແລະ ໃຫ້ສັດຕະຍາບັນສັນຍາ EVFTA, EVIPA ສະເໜີໃຫ້ສອງປະເທດສົມທົບກັນຜັນຂະຫຍາຍ ແລະ ຍາດແຍ່ງກາລະໂອກາດມາຈາກ EVFTA ແລະ EVIPA, ໜູນຊ່ວຍໃຫ້ພື້ນຖານເສດຖະກິດສອງປະເທດຜ່ານຜ່າບັນດາສິ່ງ ທ້າທາຍໃນປັດຈຸບັນ.
ສອງຝ່າຍພ້ອມກັນຕີລາຄາສູງບັນດາຄວາມຄືບໜ້າຢ່າງຕັ້ງໜ້າໃນການພົວພັນສອງຝ່າຍໃນ ໄລຍະທີ່ຜ່ານມາ, ເຫັນດີເປັນເອກະພາບຈະສົມທົບກັນຜັນຂະຫຍາຍບັນດາການເຄື່ອນໄຫວ ເພື່ອສະເຫຼີມສະຫຼອງ 25 ປີແຫ່ງການພົວພັນລະຫວ່າງ ຫວຽດນາມ ແລະ ອຽກລັງ (1996 - 2021), ເພີ່ມທະວີການຮ່ວມມືໃນຫຼາຍດ້ານ, ພິເສດແມ່ນການຮ່ວມມືດ້ານເສດຖະກິດ, ການຄ້າ, ຮ່ວມມືພັດທະນາ, ສ້າງກຳລັງໜູນໃໝ່ໃຫ້ແກ່ການພົວພັນສອງຝ່າຍ.
 | ຫວຽດນາມ: 31 ມື້ຢ່າງລຽນຕິດບໍ່ມີຜູ້ຕິດເຊື້ອພະຍາດ Covid – 19 ໃນຊຸມຊົນ ຍສໝ - ໄລ່ມາຮອດຈຸດເວລານີ້ ຢູ່ ຫວຽດນາມມີຜູ້ຕິດເຊື້ອ Covid -19 ຈຳນວນ 260 ຄົນ ໄດ້ຮັບການປະກາດປິ່ນປົວຫາຍດີເປັນປົກກະຕິ ແລະ ໄດ້ອອກໂຮງໝໍແລ້ວ. |
 | ຫວຽດນາມແບ່ງປັນບົດຮຽນປະສົບການຮັບມືກັບໂລກລະບາດ Covid – 19 ກັບສະຖາບັນ ອາເມລິກາ - ອາຊີ ຍສໝ - ທ່ານຮອງສາດສະດາຈານ, ປອ.ເລືອງງອກເຂວ ໄດ້ແບ່ງປັນກ່ຽວກັບວຽກງານປ້ອງກັນ, ສະກັດກັ້ນໂລກລະບາດຢູ່ປະເທດຫວຽດນາມ ແລະ ວິທີການທີ່ລັດຖະບານບັນດາປະເທດຮັບມືກັບໂລກລະບາດ Covid – 19.ບັນດາໝາກຜົນເບື້ອງຕົ້ນໃນວຽກງານປິ່ນປົວ ແລະ ຄວບຄຸມໂລກລະບາດ, ກໍ່ຄືບົດຮຽນປະສົບການຈຳນວນໜຶ່ງເພື່ອບັນລຸຄວາມສຳເລັດໃນການປ້ອງກັນ, ສະກັດກັ້ນໂລກລະບາດ Covid – 19. |
 | ຫວຽດນາມ ໄດ້ ແລະ ພວມຕັ້ງໜ້າຮ່ວມມືກັບບັນດາປະເທດເພື່ອຄວບຄຸມໂລກລະບາດ Covid – 19 ແລະ ຟື້ນຟູການພັດທະນາເສດຖະກິດ - ສັງຄົມ ຍສໝ - ຫວຽດນາມເຊື່ອໝັ້ນວ່າ ຜ່ານບັນດາກົນໄກຮ່ວມມື, ແລກປ່ຽນ, ໂອ້ລົມທາງໂທລະສັບດ້ວຍຈິດໃຈສ້າງສັນ ແລະ ມີຄວາມຮັບຜິດຊອບ, ບັນດາປະເທດ ແລະ ປະຊາຄົມໂລກຈະພ້ອມກັນຄວບຄຸມ, ຍູ້ໂລກລະບາດໃຫ້ຖອຍໄປໂດຍໄວ ພ້ອມທັງຟື້ນຟູການພັດທະນາເສດຖະກິດ - ສັງຄົມເທື່ອລະກ້າວ. |
ບຸນຄົງ
