| EVFTA ຈະປະກອບສ່ວນຊຸກຍູ້ການເຕີບໂຕເສດຖະກິດ ຫວຽດນາມ ໄລຍະຫຼັງ Covid – 19 | |
| 8 ປະເທດໄດ້ຮັບການ ໜູນຊ່ວຍອຸປະກອນການແພດຈາກ ຫວຽດນາມ ເພື່ອຮັບມືກັບໂລກລະບາດ Covid -19 |
ທີ່ການສຳພາດ, ທ່ານຫງວຽນຊວນຟຸກ - ນາຍົກລັດຖະມົນຕີຫວຽດນາມ ຢືນຢັນວ່າ ຜົນສຳເລັດຂອງຫວຽດນາມ ແມ່ນຍ້ອນການຮັບຮູ້ ກ່ຽວກັບພະຍາດລະບາດຢ່າງໄວວາ, ໄດ້ປະຕິບັດມາດຕະການທີ່ຖືກຕ້ອງ, ທິດທາງຊີ້ນຳທີ່ໜັກແໜ້ນ, ຖືປະຊາຊົນເປັນໃຈກາງ ແລະ ໄດ້ຮັບການສະໜັບສະໜູນ ແລະຮ່ວມແຮງຮ່ວມໃຈໂດຍປະຊາຊົນເປັນຢ່າງດີ.
 |
| ທ່ານຫງວຽນຊວນຟຸກ - ນາຍົກລັດຖະມົນຕີຫວຽດນາມ. (ພາບ: VGP) |
ທ່ານນາຍົກລັດຖະມົນຕີ ກໍ່ໄດ້ເນັ້ນໜັກວ່າ "ຕໍ່ສູ້ກັບພະຍາດ ຄືການຕໍ່ສູ້ຕ້ານສັດຕູ"; ລະດົມກຳລັງອຳນາດ ແລະ ການສ່ວນຮ່ວມຂອງທັງລະບົບການເມືອງ, ຊຸມຊົນສັງຄົມ; ຖືເອົາການປ້ອງກັນການລະບາດເປັນບູລິມະສິດ, ສະກັດກັ້ນຄວາມສ່ຽງຂອງການລະບາດພະຍາດ ຈາກພາຍນອກ, ໄດ້ປະຕິບັດກຳນົດຈຳກັດ ເຂດແຜ່ລະບາດພາຍໃນປະເທດ, ປິ່ນປົວຄົນເຈັບຢ່າງມີປະສິດຕິຜົນ, ຍອມຮັບການເສຍສະຫຼະຜົນປະໂຫຍດທາງເສດຖະກິດສະເພາະໜ້າ ເພື່ອປົກປ້ອງສຸຂະພາບ, ຊີວິດຂອງປະຊາຊົນທີ່ດີທີ່ສຸດ.
ທ່ານນາຍົກລັດຖະມົນຕີ ກ່າວວ່າ ຕໍ່ໜ້າກັບຜົນກະທົບທີ່ເກີດຈາກການລະບາດພະຍາດ, ລັດຖະບານຫວຽດນາມ ຍັງໄດ້ປະຕິບັດຫຼາຍມາດຕະການ ເພື່ອສະໜັບສະໜູນດ້ານເສດຖະກິດ, ແກ້ໄຂ ຄວາມຫຍຸ້ງຍາກໃຫ້ແກ່ການຜະລິດ ແລະ ທຸລະກິດ, ພິເສດແມ່ນ ໄດ້ເອົາໃຈໃສ່ຊີວິດການເປັນຢູ່ຂອງປະຊາຊົນ, ມີບັນດາຊຸດສະໜັບສະໜູນຄົນງານ, ຮັບປະກັນຄວາມສະຫງົບປອດໄພສັງຄົມ. ສະນັ້ນ, ມາຮອດປະຈຸບັນ ຫວຽດນາມ ໄດ້ຄວບຄຸມການແຜ່ລະບາດໂດຍພື້ນຖານ, ພ້ອມກັນນັ້ນ ໄດ້ຮັກສາເສດຖະກິດມະຫາພາກ, ຕັດສິນໃຈເຕີບໂຕ GDP ໃນປີ 2020 ໄດ້ບັນລຸແມ່ນ 4,5-5%.
 |
| ຫວຽດນາມ ໄດ້ສະໜັບສະໜູນ ແລະ ຮ່ວມມືກັບບັນດາປະເທດ ແລະ ບັນດາອົງການຈັດຕັ້ງສາກົນ ໃນການປ້ອງກັນ ແລະ ຄວບຄຸມພະຍາດ COVID-19. (ພາບ: baoquocte) |
ແບ່ງປັນກ່ຽວກັບການຮ່ວມມືສາກົນຂອງ ຫວຽດນາມ ໃນການປ້ອງກັນ ແລະ ຄວບຄຸມພະຍາດ COVID-19, ທ່ານນາຍົກລັດຖະມົນຕີ ໃຫ້ຮູ້ວ່າ ຫວຽດນາມມີຫຼາຍກິດຈະກຳທີ່ແທດຈິງ ເພື່ອສະໜັບສະໜູນ ແລະ ຮ່ວມມືກັບບັນດາປະເທດ ແລະ ບັນດາອົງການຈັດຕັ້ງສາກົນ, ແລະ ໄດ້ຮັບການຕີລາຄາສູງໂດຍປະຊາຄົມສາກົນ, ເຊັ່ນ: ການສະໜັບສະໜູນຜ້າບັງປາກການແພດ, ເຄື່ອງໃຊ້ທາງການແພດ, ການແລກປ່ຽນຂໍ້ມູນຂ່າວສານ ແລະ ປະສົບການໃນການປ້ອງກັນ ແລະ ຄວບຄຸມພະຍາດ COVID-19 ຂອງຫວຽດນາມ.
ເນື່ອງໃນໂອກາດນີ້, ທ່ານຫງວຽນຊວນຟຸກ - ນາຍົກລັດຖະມົນຕີຫວຽດນາມ ໄດ້ຂອບອົກຂອບໃຈສຳລັບ ສື່ມວນຊົນສາກົນໃນໄລຍະຜ່ານມາ ທີ່ໄດ້ເອົາໃຈໃສ່ ແລະ ຕີລາຄາຢ່າງຮອບດ້ານ ແລະ ຢ່າງພາວະວິໄສທີ່ສຸດ ກ່ຽວກັບສະພາບການ ແລະ ໝາກຜົນຢ່າງຕັ້ງໜ້າ ໃນການປ້ອງກັນ ແລະ ຄວບຄຸມພະຍາດ COVID-19 ຂອງຫວຽດນາມ. ທ່ານຫງວຽນຊວນຟຸກ ຖືວ່າ ມັນເປັນກຳລັງໃຈອັນໃຫຍ່ຫຼວງ ສຳລັບລັດຖະບານ ແລະ ປະຊາຊົນຫວຽດນາມ ໃນການຕໍ່ສູ້ກັບພະຍາດ COVID-19.
 | ສະພາແຫ່ງຊາດ ກຳປູເຈຍ ສະແດງຄວາມຂອບໃຈຫວຽດນາມ ທີ່ມອບຂອງຂວັນການແພດ ເພື່ອສະກັດກັ້ນ COVID-19 ຍສໝ - ຕອນເຊົ້າວັນທີ 20 ພຶດສະພາ, ຜູ້ຕາງໜ້າອົງການນິຕິບັນຍັດ ປະເທດກຳປູເຈຍ ໄດ້ຈັດພິທີຮັບເອົາເຄື່ອງຊ່ວຍເຫຼືອການແພດ ຈຳນວນ 30.000 ຜ້າບັງປາກ ເຊິ່ງເປັນຂອງຂວັນຈາກສະພາແຫ່ງຊາດຫວຽດນາມ ມອບໃຫ້ສະພາແຫ່ງຊາດ ແລະ ສະພາສູງ ປະເທດກຳປູເຈຍ ເພື່ອປ້ອງກັນ ແລະ ສະກັດກັ້ນພະຍາດ COVID-19. |
 | ຫວຽດນາມ ມີລະດັບຄວາມໄວ້ວາງໃຈໃນການສື່ສານສູງທີ່ສຸດເມື່ອໃຫ້ຂ່າວກ່ຽວກັບ Covid – 1 ຍສໝ -ປະເທດທີ່ມີລະດັບຄວາມໄວ້ວາງໃຈສູງທີ່ສຸດແມ່ນ ຫວຽດນາມ ດ້ວຍ 89%ຈຳນວນຊາວຫວຽດນາມທີ່ຖືກຖາມລ້ວນແຕ່ມີຄວາມເຊື່ອໝັ້ນຕໍ່ການສື່ສານພາຍໃນປະເທດ. |
 | ທ່ານນາຍົກລັດຖະມົນຕີຫວຽດນາມ ໄດ້ເຂົ້າຮ່ວມກອງປະຊຸມອອນລາຍ ສະມັດຊາໃຫຍ່ອົງການອະນາໄມໂລກ ຄັ້ງທີ 73 ຍສໝ - ທ່ານນາຍົກລັດຖະມົນຕີ ຫງວຽນຊວນຟຸກ ແມ່ນໜຶ່ງໃນບັນດາຜູ້ນຳຈຳນວນໜ້ອຍ ທີ່ໄດ້ຮັບການເຊື້ອເຊີນກ່າວຄຳປາໄສໃນກອງປະຊຸມປີນີ້ ໂດຍຜູ້ອຳນວຍການໃຫຍ່ອົງການ WHO. ທ່ານນາຍົກລັດຖະມົນຕີ ໃຫ້ຮູ້ວ່າ, ຫວຽດນາມ ໄດ້ຮັບຮູ້ໄພອັນຕະລາຍຂອງພະຍາດ COVID-19 ແຕ່ເບື້ອງຕົ້ນ ແລະ ໄດ້ລະດົມບັນດາແຫຼ່ງກຳລັງເພື່ອຕ້ານໂລກລະບາດ. |
ຄຳຮຸ່ງ
