 |
ພາບຂ່າວຂອງສຳນັກຂ່າວ ສປປ ເກົາຫຼີ ເອົາຂື້ນໃນໜ້າຫຼັກຂອງໜັງສືພິມ. (ພາບ: Yonhap)
“ປະທານ ສປປ ເກົາຫຼີ Kim Jong-un ຂອບໃຈ ປະທານາທິບໍດີ ອາເມລິກາ Donald Trump ຍ້ອນຄວາມພະຍາຍາມອັນຕັ້ງໜ້າເພື່ອນຳມາດ້ວຍຜົນສຳເລັດຂອງ ກອງປະຊຸມ ແລະ ຄອຍຖ້າການພົບປະຕໍ່ໜ້າ. ນີ້ແມ່ນໂອກາດທີ່ສຳຄັນເພື່ອພັດທະນາ ສາຍພົວພັນ ອາເມລິກາ-ສປປ ເກົາຫຼີ, ຮັບໃຊ້ຜົນໂຫຍດຂອງປະຊາຊົນຂອງສອງປະເທດ, ປະກອບສ່ວນໃນການສ້າງສັນຕິພາບ ແລະ ຄວາມສະຫງົບ ໃນແຫຼມເກົາຫຼີ, ພູມມິພາກ ກໍ່ຄືໃນໂລກ”, ໜັງສືພິມສະບັບ Rodong Sinmun, ອົງການໂຄສະນາຂອງພັກ ແຮງງານ ສປປ ເກົາຫຼີ, ມື້ນີ້ໄດ້ອັບຂ່າວນີ້ຂື້ນ.
ບົດຂ່າວນີ້ໄດ້ຍົກໃຫ້ເຫັນຢ່າງລະອຽດກ່ຽວກັບກອງປະຊຸມສຸດຍອດ ອາເມລິກາ-ສປປ ເກົາຫຼີ ຢູ່ຮ່າໂນ້ຍ, ເຊິ່ງມີຮູບພາບຂອງປະທານ ກີມ ຈອງ ອູນ, ປະທານາທິບໍດີ Trump ແລະ ຄະນະການນຳຂອງສອງປະເທດ ທີ່ມີໃບໜ້າຍິ້ມແຍ້ມແຈ່ມໃສຮ່ວມກັນ ປະກອບຈຳນວນ 13ພາບ. ພາບທີ່ພົ້ນເດັ່ນທີ່ສຸດ ແມ່ນ ຮູບຂອງ ຜູ້ນຳອາເມລິກາ ແລະ ສປປ ເກົາຫຼີ ໃນການພົບປະສ່ວນຕົວ, ໃນຄະນະທີ່ ສະບັບທີ 2 ບັນລະຍາຍກ່ຽວກັບການຍ່າງເລາະໃນສວນດອກໄມ້ຂອງໂຮງແຮມ ຂອງສອງທ່ານ ແລະ ກອງປະຊຸມເປີດກວ້າງຮ່ວມກັບທີ່ປຶກສາທັງສອງຝ່າຍ.
ການທີ່ທັງສອງປະເທດບໍ່ສາມາດບັນລຸໄດ້ສົນທິສັນຍາໃດໆພາຍຫຼັງກອງປະຊຸມ, ກໍ່ຄືຄາບອາຫານທ່ຽງ ແລະ ພິທີຖະແຫຼງຂ່າວຮ່ວມ ຖືກຍົກເລິກ ບໍ່ໄດ້ຮັບຄວາມສົນໃຈແລະບໍ່ໄດ້ຍົກອອກມາໃນບົດຂຽນ ຂອງ Rodong Sinmun. ສິ່ງນີ້ໄດ້ຮັບການຕີລາຄາໃຫ້ເຫັນວ່າ ປຽງຢາງ ຈະຮັກສາການເຈລະຈາ ກັບ Washington ໃນອານາຄົດ.
ກອງປະຊຸມສຸດຍອດ ອາເມລິກາ-ສປປ ເກົາຫຼີ ຄັ້ງທີ 2 ຈົບລົງຢ່າງໄວວາ ກ່ອນກຳນົດ. ຫຼັງຈາກນັ້ນ ປະທານາທິບໍດີ ອາເມລິກາ ໄດ້ຈັດຖະແຫຼງຂ່າວໄວ ແລະ ໃຫ້ຮູ້ວ່າ ສາຍເຫດທີ່ເຮັດໃຫ້ບໍ່ມີການລົງນາມໃນສົນທິສັນຍາຍ້ອນ ສປປ ເກົາຫຼີ ຕ້ອງການທີ່ຈະປົດຄຳສັ່ງຂວຳ້ບາດທັງໝົດ, ແຕ່ ອາເມລິກາ ຍັງບໍ່ທັນສາມາດເຮັດແນວນັ້ນໄດ້.
ແຕ່ວ່າໃນການຖະແຫຼງຂ່າວໃນທ່ຽງຄືນຂອງມື້ວານນີ້, ລັດຖະມົນຕີກະຊວງການຕ່າງປະເທດ ສປປ ເກົາຫຼີ Ri Yong-ho ຢືນຢັນວ່າ: ປຽງຢາງ ພຽງແຕ່ຕ້ອງການໃຫ້ Washington ປົດຄຳສັ່ງຂວຳ້ບາດ 5 ໃນ 11 ສະບັບ, ແຕ່ ອາເມລິກາບໍ່ຍອມຮັບ.
（ຫັດທະບູນ）
