ວັນທີ 3 ມີນາ, ຢູ່ນະຄອນດານັງ, ກອງປະຊຸມປະຈຳປີຄັ້ງທີ 13 ແລະ ກອງປະຊຸມວົງແຄບຄັ້ງທີ 5 ຂອງ ເຄືອຂ່າຍ ສະຖາບັນຄົ້ນຄ້ວາປ້ອງກັນຄວາມສະຫງົບ ແລະ ຄວາມປອດໄພອາຊຽນ (NADI) ໄດ້ ດຳເນີນດ້ວຍການເຂົ້າຮ່ວມຂອງຜູ້ແທນເກືອບ 50 ຄົນ ຈາກບັນດາປະເທດສະມາຊິກ. ທ່ານພົນໂທ ຫງວຽນຈີວິ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ເປັນປະທານກອງປະຊຸມ.
ໃນເວລາ 2 ວັນຂອງກອງປະຊຸມ (ວັນທີ 3 ແລະ 4 ມີນາ), ບັນດາຜູ້ແທນ ໄດ້ໃຊ້ເວລາເພື່ອສົນທະນາ ແລະ ປຶກສາຫາລືຫຼາຍບັນຫາເຊັ່ນ: ການແກ່ງແຍ່ງຍຸດທະສາດລະຫວ່າງບັນດາປະເທດໃຫຍ່ ແລະ ການຍົກຍ້າຍພູມີສາດການເມືອງໃນພາກພື້ນ; ກາລະໂອກາດ ແລະ ສິ່ງທ້າທາຍຕໍ່ບົດບາດໃຈກາງຂອງອາຊຽນ; ສະຖານະການທາງດ້ານການເມືອງ ແລະ ຄວາມໝັ້ນຄົງຂອງໂລກ ແລະ ພາກພື້ນໃນເວລາທີ່ຜ່ານມາ, ແລະ ບັນຫາຄວາມປອດໄພທີ່ເກີດຂື້ນໃນພາກພື້ນ; ການຮ່ວມມືດ້ານປ້ອງກັນປະເທດ ສຳລັບອາຊຽນທີ່ມີຄວາມສາມັກຄີ.
 |
ບັນດາຜູ້ແທນໄດ້ຖ່າຍຮູບຮ່ວມກັນໃນກອງປະຊຸມ. (ພາບ: daidoanket)
ກ່າວຄຳເຫັນທີ່ພິທີເປີດ, ທ່ານພົນໂທ ຫງວຽນຈີວິ້ງ ໃຫ້ຮູ້ວ່າ: ສັນຕິພາບ, ການຮ່ວມມື ແລະ ການພັດທະນາຈະສືບຕໍ່ແມ່ນທ່າອ່ຽງສຳຄັນຂອງສະພາບການພາກພື້ນ ແລະ ທົ່ວໂລກ ໃນປີ 2019. ແຕ່ວ່າ, ຄວາມເຄັ່ງຕຶງດ້ານພູມສາດທາງການເມືອງຍັງແມ່ນບັນຫາຮ້ອນຂອງທົ່ວໂລກ. ໃນຖານະທີ່ເປັນປະທານອາຊຽນປີ 2020, ຫວຽດນາມ ເລືອກຫົວຂໍ້ “ການຮ່ວມມືດ້ານປ້ອງກັນປະເທດເພື່ອອາຊຽນທີ່ມີຄວາມສາມັກຄີ ແລະ ຕັ້ງໜ້າ”.
ທ່ານຮອງລັດຖະມົນຕີກະຊວງປ້ອງກັນປະເທດ ຫວຽດນາມ, ທ່ານພົນໂທ ຫງວຽນຈີວິ້ງ ໄດ້ສະແດງຄວາມຫວັງວ່າແນວຄວາມຄິດທີ່ໄດ້ປຶກສາຫາລື ແລະ ແລກປ່ຽນທີ່ກອງປະຊຸມ ຈະແມ່ນເນື້ອໃນປຶກສາຫາລືທີ່ສຳຄັນສຳລັບກອງປະຊຸມລັດຖະມົນຕີກະຊວງປ້ອງກັນປະເທດອາຊຽນ (ADMM).
ພາຍຫຼັງ 13 ປີ (ນັບແຕ່ມື້ສ້າງຕັ້ງ), ສະຖາບັນຄົ້ນຄ້ວາປ້ອງກັນຄວາມສະຫງົບ ແລະ ຄວາມປອດໄພອາຊຽນ ໄດ້ປະກອບສ່ວນແທດຈິງຫຼາຍຢ່າງ ເພື່ອຊຸກຍູ້ການຮ່ວມມືດ້ານປ້ອງກັນຊາດ ອາຊຽນ ໂດຍຜ່ານບັນດາຂໍ້ສະເໜີ, ແນະໃຫ້ກອງປະຊຸມເຈົ້າໜ້າທີ່ປ້ອງກັນປະເທດຂັ້ນສູງ ອາຊຽນ (ADSOM) ແລະ ກອງປະຊຸມລັດຖະມົນຕີປ້ອງກັນປະເທດອາຊຽນ (ADMM) ພ້ອມທັງຄຳແນະນຳດ້ານນະໂຍບາຍຕໍ່ລັດຖະບານ ອາຊຽນ.
（ຄຳຮຸ່ງ）
