ມອບຫຼຽນໄຊ ປະທານປະເທດແຫ່ງ ສປປ ລາວໃຫ້ແກ່ ບຸກຄົນ ແລະ ໝູ່ຄະນະ ຂອງແຂວງ ກວ້າງນີງ

ຕ່າງໜ້າປະທານປະເທດ ແຫ່ງ ສປປ ລາວ, ສະຫາຍ ຄຳຂັນ ຈັນທະວີສຸກ ກຳມະການສູນກາງພັກ, ເຂລາພັກແຂວງ ເຈົ້າແຂວງໆ ຫຼວງພະບາງ ເປັນກຽດມອບ ຫຼຽນໄຊແຮງງານຊັ້ນສອງ ໃຫ້ແກ່ ສະຫາຍ ຫງວ໋ຽນ ວັນ ດັອກ ເລຂາພັກແຂວງ ປະທານສະພາປະຊາຊົນແຂວງ.

ເນື່ອງໃນໂອກາດສະເຫຼີມສະຫຼອງວັນທີ່ ຄົບຮອບ 45 ປີຂອງເຊັນສົນທິສັນຍາມິດຕະພາບ ແລະ 55 ປີ ຂອງການສ້າງຕັ້ງການພົວພັນທາງການທູດ ລະຫວ່າງ ຫວຽດນາມ ແລະ ລາວ, ໃນຕອນບ່າຍວັນທີ 3, ທີ່ນະຄອນ ຫະ ລ໋ອງ, ຕ່າງໜ້າປະທານປະເທດ ແຫ່ງ ສປປ ລາວ, ແຂວງ ຫຼວງພະບາງ, ແຂວງ ໄຊຍະບູລີ ແລະ ແຂວງ ຫົວພັນ ມີການປະສານງານກັບແຂວງ ກວ້າງນີງ ໄດ້ຈັດພິທີມອບຫຼຽນໄຊຂອງປະທານປະເທດ ແຫ່ງ ສປປລາວ ໃຫ້ບັນດາໝູ່ຄະນະ ແລະ ບຸກຄົນໃນແຂວງ ກວ້າງນີງ.

ຈາກນັ້ນ, ຕ່າງໜ້າປະທານປະເທດ ແຫ່ງ ສປປ ລາວ ໄດ້ມອບຫຼຽນໄຊແຮງງານຊັ້ນສອງ ໃຫ້ແກ່ ທ່ານ ຫງ໋ວຽນ ວັນ ດ້ອກ , ເລຂາພັກແຂວງ, ປະທານສະພາປະຊາຊົນແຂວງ; ມອບຫຼຽນໄຊການແຮງງານຊັ້ນສາມ ໃຫ້ແກ່ ທ່ານນາງ ໂດ໊ ຖິ ຮ່ວາງ, ອະດີດຮອງເລຂາປະຈຳພັກແຂວງ ແລະ ທ່ານ ຫງ໋ວຽນ ດຶກ ລອງ , ອະດີດຮອງເລຂາພັກແຂວງ, ປະທານສະພາຜູ້ແທນປະຊາຊົນ ແຂວງ; ມອບຫຼຽນໄຊມິດຕະພາບ ໃຫ້ແກ່ 3 ໝູ່ຄະນະ: ມະຫາວິທະຍາໄລ ຫະລອງ, ພະແນກພົວພັນຕ່າງປະເທດຂອງແຂວງ ກວ້າງນີງ, ພະແນກສຶກສາ ແລະ ບຳລຸງສ້າງ ແຂວງກວ້າງນີງ.

ຜູ້ຕາງໜ້າມະຫາວິທະຍາໄລ ຫ້າລອງ, ພະແນກພົວພັນຕ່າງປະເທດຂອງແຂວງ ກວ໋າງນີ່ງ, ພະແນກສຶກສາ ແລະ ກໍ່ສ້າງ ແຂວງ ກວ໋າງນີ່ງ ໄດ້ຮັບຫຼຽນໄຊມິດຕະພາບຂອງປະທານປະເທດລາວ

ທ່ານປະທານສະພາຜູ້ແທນປະຊາຊົນ ແຂວງ ຫງ໋ວຽນ ວັນ ດ້ອກ ສະແດງຄວາມຂອບໃຈຢ່າງເລິກເຊິ່ງທີ່ຕໍ່ກັບ ພັກ ແລະ ລັດຖະບານລາວ ໄດ້ຮັບຮູ້ ແລະ ປະດັບຫຼຽນໄຊ ໃຫ້ແກ່ບັນດາໝູ່ຄະນະ ແລະ ບຸກຄົນໃນແຂວງ ກວ້າງນີງ; ສະແດງຄວາມຂອບໃຈ ທີ່ຕໍ່ກັບຄະນະຜູ້ນຳ ແຂວງ ຫຼວງພະບາງ, ແຂວງ ໄຊຍະບູລີ ແລະ ແຂວງ ຫົວພັນ ເຊິ່ງໄດ້ຄຽງບ່າຄຽງໄຫຼ່ ນຳຄະນະຜູ້ນຳແຂວງ ກວ້າງນີງ ໃນການເພີ່ມທະວີການສົ່ງເສີມການແລກປ່ຽນ ແລະ ການຮ່ວມມື ຢ່າງມີປະສິດທິຜົນ ລະຫວ່າງ 4 ແຂວງໃນໄລຍະຜ່ານມາ.

ທ່ານປະທານສະພາຜູ້ແທນປະຊາຊົນ ແຂວງ ຫງ໋ວຽນ ວັນ ດ້ອກ ເນັ້ນໜັກວ່າ: ໃນໄລຍະເວລາເກືອບ 8 ປີ, ໂຄງການຮ່ວມມືຂອງແຂວງກວ້າງ ນີງ ແລະ 3 ແຂວງພາກເຫນືອຂອງລາວໄດ້ຮັບການພັດທະນາ ແລະ ໄດ້ຮັບຜົນງານດີ, ໂດຍສະເພາະ ແມ່ນຜົນສຳເລັດຂອງການຮ່ວມມືໃນດ້ານການສຶກສາ ແລະ ການສະຫນັບສະຫນູນການກໍ່ສ້າງບັນດາໂຄງການສາທາລະນະ.

ທ່ານ ຫງ໋ວຽນ ວັນ ດ້ອກ ຢັ້ງຢືນວ່າ: ແຂວງ ກວ້າງນີງ ຈະສືບຕໍ່ສົ່ງເສີມ ແລະ ເພີ່ມທະວີຄວາມເຂັ້ມແຂງຂອງການພົວພັນຮ່ວມມືຮອບດ້ານ ກັບສາມແຂວງພາກເຫນືອຂອງລາວ ເຊິ່ງນັບມື້ນັບມີປະສິດຕິຜົນຍິ່ງກວ່າເກົ່າ, ປະກອບສ່ວນເສີມຂະຫຍາຍຄວາມສາມັກຄີພິເສດຂອງຫວຽດນາມ - ລາວ.

（ຄຳຮຸ່ງ）