ໂດຍໄດ້ຮັບຄໍາເຊີນຈາກທ່ານພົນເອກ ຈັນສະໝອນ ຈັນຍາລາດ, ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດລາວ, ທ່ານພົນເອກ ໂງຊວນລິກ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ນໍາໜ້າຄະນະຜູ້ແທນຫວຽດນາມ ໄປເຂົ້າຮ່ວມພິທີມິດຕິງ ແລະບັນດາການເຄື່ອນໄຫວສະເຫຼີມສະຫຼອງວັນມູນເຊື້ອທະຫານອາສາສະໝັກ ແລະຊ່ຽວຊານຫວຽດນາມ ປະຕິບັດໜ້າທີ່ສາກົນຊ່ວຍລາວ ຄົບຮອບ 70 ປີ ໃນລະຫວ່າງວັນທີ 25 – 26 ທັນວາ ຢູ່ ສປປ.ລາວ.
 |
ທ່ານພົນເອກ ໂງຊວນລິກ ແລະທ່ານພົນເອກ ຈັນສະໝອນ ຈັນຍາລາດ. (ພາບ: vietnamnet.vn)
ເລື່ອງເຂົ້າຮ່ວມພິທີມິດຕິງຂອງຄະນະຜູ້ແທນຫວຽດນາມໄດ້ສະແດງໃຫ້ເຫັນຄວາມຮູ້ບຸນຄຸນຕໍ່ກັບການປະກອບສ່ວນ, ການເສຍສະຫຼະຂອງທະຫານອາສາສະໝັກ ແລະຊ່ຽວຊານການທະຫານຫວຽດນາມ ທີ່ໄດ້ຊ່ວຍເຫຼືອລາວ, ປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈ ແລະປັບປຸງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະກອງທັບສອງປະເທດໃຫ້ຍິ່ງໆຂຶ້ນ.
（ແຫຼ່ງຂໍ້ມູນ： https://la.qdnd.vn）
