ໂດຍສືບຕໍ່ບັນດາການເຄື່ອນໄຫວໃນຂອບເຂດການຢ້ຽມຢາມ ລາວ, ຕອນເຊົ້າວັນທີ 29 ກັນຍາ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມງິນ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ, ໄດ້ພົບປະເຈລະຈາກັບທ່ານ ເລຂາທິການໃຫຍ່, ປະທານປະເທດ ສປປ.ລາວ ບຸນຍັງ ວໍລະຈິດ.
ທີ່ການພົບປະເຈລະຈາ, ທ່ານ ບຸນຍັງ ວໍລະຈິດ ຖືວ່າ ການຢ້ຽມຢາມສະແດງໃຫ້ເຫັນຈິດໃຈສາມັກຄີສະໜິດຕິດພັນ, ການຮ່ວມມືຢ່າງແໜ້ນແຟ້ນລະຫວ່າງ ສະພາແຫ່ງຊາດ ສອງປະເທດ, ປະກອບສ່ວນຍົກສູງການພົວພັນທີ່ເປັນມູນເຊື້ອອັນຍິ່ງໃຫຍ່, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ.
 |
ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ແລະ ທ່ານ ເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ. (ພາບ: quochoi.vn)
ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ຢັ້ງຢືນວ່າ: ພັກ, ລັດ ແລະ ປະຊາຊົນຫວຽດນາມ ຈະສະໜັບສະໜູນຢ່າງຮອບດ້ານ ຂະບວນການປ່ຽນໃໝ່ຂອງ ລາວ ແລະ ມີຄວາມເຊື່ອວ່າ ພາຍໃຕ້ການນຳພາຂອງພັກປະຊາຊົນປະຕິວັດລາວ, ການບໍລິຫານຂອງລັດຖະບານ, ການຕິດຕາມກວດກາຂອງສະພາແຫ່ງຊາດ ແລະ ອີງໃສ່ບົນພື້ນຖານການສົ່ງເສີມບັນດາຜົນງານ ແລະ ປະສົບການທີ່ມີຄຸນຄ່າພາຍຫຼັງ 30 ກວ່າປີແຫ່ງການປ່ຽນແປງໃໝ່, ປະເທດລາວຈະສືບຕໍ່ໄດ້ຮັບຜົນສຳເລັດໃໝ່ ແລະ ໃຫຍ່ຫຼວງກວ່າເກົ່າ. ຫວຽດນາມ ແລະ ພັກ, ລັດ ແລະ ປະຊາຊົນລາວ ຈະປົກປັກຮັກສາ, ເພີ່ມພູນຄູນສ້າງການພົວພັນພິເສດລະຫວ່າງສອງປະເທດ - ເປັນຊັບສິນທີ່ລ້ຳຄ່າຂອງສອງປະເທດ ໄດ້ນັບມື້ນັບເລິກເຊິ່ງ ແລະ ມີປະສິດທິຜົນໃນທຸກດ້ານ.
ທ່ານເລຂາທິການໃຫຍ່,ປະທານປະເທດລາວ ໄດ້ຕີລາຄາສູງຜົນສຳເລດການພົບປະເຈລະຈາຂອງສອງສຳນັກງານສະພາແຫ່ງຊາດ, ສະແດງຄວາມມ່ວນຊືນທີ່ຂໍ້ຕົກລົງຂອງການນຳຂັ້ນສູງລະຫວ່າງສອງພັກ ແລະ ຂໍ້ຕົກລົງການຮ່ວມມືລະຫວ່າງລັດຖະບານສອງປະເທດພວມໄດ້ຮັບການປະສານສົມທົບຢ່າງແໜ້ນແຟ້ນ ກັບບັນດາກະຊວງ, ສາຂາ ແລະ ທ້ອງຖິ່ນຕ່າງໆຂອງລາວ ໄດ້ຮັບຜົນສຳເລັດ.
ທ່ານເລຂາທິການໃຫຍ່, ປະທານປະເທດລາວຢືນຢັນວ່າ: ດ້ວຍບັນດາຄົງຄ້າງໃນວິວັດການຈັດຕັ້ງປະຕິບັດ, ລາວຈະສືບຕໍ່ເອົາໃຈໃສ່ ແລະ ຊີ້ນຳບັນດາອົງການຂອງລາວໃຫ້ເຮັດວຽກກັບຫວຽດນາມຢ່າງໃກ້ຊິດ ເພື່ອຈັດຕັ້ງປະຕິບັດບັນດາຂໍ້ຕົກລົງ ແລະ ສັນຍາດັ່ງກ່າວເປັນຢ່າງດີ ລະຫວ່າງສອງພັກເພື່ອ ຊອກຫາວິທີແກ້ໄຂຕາມກົດໝາຍ ຂອງແຕ່ລະປະເທດ ແລະ ສາຍພົວພັນພິເສດຫວຽດນາມ - ລາວ.
（ຄຳຮຸ່ງ）
