 |
ທ່ານ ລັດຖະມົນຕີ ຟຸ່ງຊວນຫຍະ ຕ້ອນຮັບ ທ່ານ ທອງສະຫວັນ ພົມວິຫານ.(ພາບ:baomoi.com)
ໃນພິທີຕ້ອນຮັບທ່ານ ລັດຖະມົນຕີ ຟຸ່ງຊວນຫຍະ ໄດ້ອວຍພອນໄຊມາຍັງທ່ານ ທອງສະຫວັນ ພົມວິຫານ ທີ່ໄດ້ມີຜົນສໍາເລັດຢ່າງຈົບງາມໃນການຈັດຕັ້ງປະຕິບັດໜ້າທີ່ໃນໂອກາດທີ່ປະຈໍາ ຢູ່ ສສ ຫວຽດນາມ, ທ່ານລັດຖະມົນຕີໄດ້ຕີລາຄາສູງຕໍ່ກັບການປະກອບສ່ວນຂອງທ່ານ ທອງສະຫວັນ ພົມວິຫານ ໃນການປະກອບສ່ວນຢ່າງເລິກເຊິ່ງຕໍ່ສາຍພົວພັນມິດຕະພາບນໍ້າໃຈສາມັກຄີພິເສດລະຫວ່າງສອງຊາດເວົ້າລວມ, ເວົ້າສະເພາະແມ່ນການຮ່ວມມືລະຫວ່າງກະຊວງສຶກສາທິການ ແລະ ກິລາ ສປປ ລາວ - ກະຊວງສຶກສາທິການ ແລະ ກໍ່ສ້າງ ສສ ຫວຽດນາມ. ເຊິ່ງໃນຫລາຍຊຸມປີທີ່ຜ່ານມາການພົວພັນຮ່ວມມື ລະຫວ່າງ 2 ກະຊວງ ແມ່ນໄດ້ມີການປັບປຸງ, ພັດທະນາຢ່າງກວ້າງຂວາງ ແລະ ເລິກເຊິ່ງ.
ທ່ານ ລັດທະມົນຕີຍັງໄດ້ໃຫ້ຮູ້ວ່າ: ປັດຈຸບັນນັກສຶກສາລາວ ທີ່ກໍາລັງສຶກສາຢູ່ທີ່ ສສ ຫວຽດນາມປັດຈຸບັນແມ່ນມີຈໍານວນ 16,644 ຄົນ. ໃນນັ້ນທຶນລັດຖະບານຫວຽດນາມຊ່ວຍເຫຼືອ ຈໍານວນ 4,228 ຄົນ, ທຶນຮ່ວມມືລະຫວ່າງກະຊວງ, ຂະແໜງການ ແລະ ທ້ອງຖິ່່ນ ຈໍານວນ 5,630 ຄົນ ແລະ ທຶນສ່ວນຕົວ ຈໍານວນ 6,728 ຄົນ.
ສະເພາະປີ 2019 ລັດຖະບານ ສສ ຫວຽດນາມ ໄດ້ສະໜອງທຶນການສຶກສາໃຫ້ເບື້ອງ ສປປ ລາວ ຈໍານວນ 1.271 ທຶນ ໃນນັ້ນກະຊວງສຶກສາທິການ ແລະ ກໍ່ສ້າງ ສສ ຫວຽດນາມຄຸ້ມຄອງໂດຍກົງຈໍານວນ 522 ທຶນ, ສ່ວນທຶນທີ່ຍັງເຫລືອແມ່ນນອນຢູ່ໃນຂົງເຂດປ້ອງກັນຊາດ ແລະ ປ້ອງກັນຄວາມສະຫງົບ ແລະ ຂົງເຂດປົກຄອງ.
ນອກຈາກນັ້້ນກະຊວງສຶກສາທິການ ແລະ ກໍ່ສ້າງ ສສ ຫວຽດນາມ ຍັງໄດ້ປະສານສົມທົບກັບກະຊວງສຶກສາທິການ ແລະ ກິລາ ລາວ ຈັດຕັ້ງການຮຽນການສອນພາສາຫວຽດ ຢູ່ບັນດາໂຮງຮຽນມັດທະຍົມທີ່ໄດ້ຮັບທຶນຊ່ວຍເຫຼືອກໍ່ສ້າງຈາກ ສສ ຫວຽດນາມ.
ປີ 2018 ກະຊວງສຶກສາທິການ ແລະ ກໍ່ສ້າງ ສສ ຫວຽດນາມ ໄດ້ແຕ່ງຕັ້ງຄູອາຈານ ເພື່ອໄປສິດສອນພາສາຫວຽດຢູ່ລາວ ຕາມບັນດາໂຮງຮຽນຂອງສະມະຄົມຫວຽດນາມ ແລະ ບັນດາໂຮງຮຽນທີ່ ສສ ຫວຽດນາມ ຊ່ວຍເຫລືອກໍ່ສ້າງປະຈຳສົກປີ 2018 – 2020 ຈໍານວນ 34 ຄົນ.
 |
(ພາບ:baomoi.com)
ໃຫ້ຄວາມສໍາຄັນທາງດ້ານພື້ນຖານດ້ານວັດທະນະທໍາກັບໂຄງການ “ຮຽບຮຽງຫລັກສູດການສິດສອນພາສາຫວຽດນາມ ແລະ ປຶ້ມຄູ່ມືການສອນພາສາຫວຽດ ຕັ້ງແຕ່ຊັ້ນປະຖົມປີທີ 1 ຈົນຮອດມັດທະຍົມຕອນປາຍ ໃຫ້ນັກຮຽນລາວ ແລະ ໄດ້ມອບປຶ້ມຄູ່ມືດ່ັງກ່າວໃຫ້ສະຖານທູດລາວ ປະຈໍາ ສສ ຫວຽດນາມ ທີ່ຮ່າໂນ້ຍເປັນທີ່ຮຽບຮ້ອຍ ນອກນີ້ບັນດາແຜນງານ, ໂຄງການທີ່ສຳຄັນກໍ່ກໍາລັງໄດ້ຮັບການຈັດຕັ້ງປະຕິບັດຢ່າງຕັ້ງໜ້າ.
ເນັ້ນໜັກເອົາໃຈໃສ່ ທາງດ້ານຄຸນນະພາບໃຫ້ນັກສຶກສາລາວຫຼາຍຂຶ້ນກວ່າເກົ່າ ທ່ານລັດຖະມົນຕີ ຫວັງວ່າໃນເວລາມໍ່ໆທີ່ຈະມາເຖິງນີ້ ທ່ານ ທອງສະຫວັນ ພົມວິຫານ ໄດ້ນໍາເອົາເນື້ອໃນຄໍາສະເໜີນີ້ໄປຮອດໄປເຖິງມື ທ່ານລັດຖະມົນຕີກະຊວງສຶກສາທິການ ແລະ ກໍ່ສ້າງ ສສ ຫວຽດນາມ ກ່ຽວກັບການອອກຂໍ້ກໍານົດຕົວຈິງ ວ່າດ້ວຍການຄັດເລືອກເອົານັກສຶກສາລາວທີ່ຮຽນທຶນນອກແຜນ; ຊັບຊ້ອນໃຫ້ນັກສຶກສາລາວທຶນນອກແຜນດັ່ງກ່າວໄດ້ເຂົ້າຮຽນກຽມພາສາຫວຽດ 4 ເດືອນຄືກັນກັບນັກສຶກສາທຶນລັດ ກ່ອນເຂົ້າຮຽນວິຊາຊີບ.
ຝ່າຍລາວໄດ້ໃຫ້ບູລິມະສິດຄັດເລືອກເອົາບັນດານັກຮຽນດີ-ຮຽນເກັ່ງເພື່ອສົ່ງເຂົ້າຮຽນຢູ່ບັນດາໂຮງຮຽນມັດທະຍົມທີ່ດີທີ່ສຸດຂອງ ສສ ຫວຽດນາມ ເພື່ອຮຽນຮູ້ທາງດ້ານວັດທະນະທໍາ, ຄວາມຮູ້ດ້ານວິຊາສະເພາະ, ພາສາຫວຽດ ແລະ ຊຶມເລິກເຂົ້າສູ່ຊີວິດ-ສັງຄົມ ຂອງ ສສ ຫວຽດນາມ ແລະ ສາມາດກາຍເປັນແກ່ນສານ ສືບຕໍ່ເສີມຂະ ຫຍາຍມູນເຊື້ອສາຍພົວພັນມິດຕະພາບລະຫວ່າງສອງຊາດ.
ທ່ານລັດຖະມົນຕີ ຍັງຮຽກຮ້ອງບັນດາມະຫາວິທະຍາໄລ, ບັນດາວິທະຍາໄລ ຫລັງຈາກຮັບນັກສຶກສາລາວເຂົ້າຮຽນແລ້ວ ຕ້ອງສ້າງເງື່ອນໄຂໃຫ້ນັກສຶກສາລາວໄດ້ຮຽນພາສາຫວຽດນາມ, ພ້ອມກັນນັ້ນກໍ່ຕ້ອງໄດ້ເພີ່ມຄວາມເຂັ້ມງວດການຮຽນ-ການສອນຂຶ້ນຕື່ມອີກ ເພື່ອຫລີກລ້ຽງບັນຫາທີ່ວ່າ ຍັງບໍ່ທັນເຂົ້າໃຈພາສາຫວຽດ ແຕ່ຊໍ້າພັດຮູ້ວັດທະນະທໍາຫວຽດກ່ອນ.
ຂໍສະແດງຄວາມຂອບອົກຂອບໃຈຢ່າງຈິງໃຈ ມາຍັງ ພັກ-ລັດ ກໍ່ຄືປະຊາຊົນຊາວຫວຽດນາມ ແລະ ກະຊວງສຶກສາທິການ ແລະ ກໍ່ສ້າງ ທີ່ໄດ້ເອົາໃຈໃສ່ຊ່ວຍເຫລືອ ສປປ ລາວ ໃນໄລຍະເວລາທີ່ຜ່ານມາ, ທ່ານ ທອງສະຫວັນ ພົມວິຫານ ຍັງໃຫ້ຮູ້ວ່າ ເມື່ອກັບຄືນປະເທດ ຫຼັງຈາກຮັບໜ້າທີ່ໃໝ່ແລ້ວ ຍັງຈະສືບຕໍ່ເອົາໃຈໃສ່ການຊຸກຍູ້ການພົວພັນຮ່ວມມືລະຫວ່າງສອງຊາດລາວ-ຫວຽດນາມ ເວົ້າລວມ, ເວົ້າສະເພາະລະຫວ່າງກະຊວງສຶກສາທິການ ແລະ ກໍ່ສ້າງຫວຽດນາມ ແລະ ກະຊວງສຶກສາທິການ ແລະ ກິລາ ລາວ ແນໃສ່ປະຕິບັດສໍາເລັດຂະບວນການປ່ຽນແປງໃໝ່ ແລະ ເຊື່ອມໂຍງສູ່ສາກົນທີ່ພັກຄອມມູນິດຫວຽດນາມ ແລະ ພັກປະຊາຊົນ ປະຕິວັດລາວ ວາງອອກ.
（ໄຊພອນ）
