ກ່າວຄຳເຫັນທີ່ການຮັບຕ້ອນ, ທ່ານພົນຈັດຕະວາ ຫງວຽນ ກ໋ວກ ຢຸງ, ຜູ້ບັນຊາການທະຫານກອງທັບຕາງ ໜ້າ ໃຫ້ພະນັກງານ, ທະຫານ, ກຳມະກອນ ແລະ ປະຊາຊົນຜູ້ທີ່ກຳລັງກໍ່ສ້າງອາຄານສະພາແຫ່ງຊາດ ລາວ, ໄດ້ສະແດງຄວາມຂອບໃຈຕໍ່ຄວາມສົນໃຈ ແລະ ຄວາມຟົດຟື້ນຫ້າວຫັນ ຂອງ ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວ ທີ່ໃນວັນຊາດຫວຽດນາມ ທີ່ມີຄວາມໝາຍພິເສດສຳລັບປະຊາຊາດຫວຽດນາມ.
 |
ທ່ານພົນຈັດຕະວາ ຫງວຽນ ກ໋ວກ ຢຸງ ຮັບຂອງຂວັນຂອງ ທ່ານນາງ ປານີ ຢາທໍ່ຕູ້ເນື່ອງໃນໂອກາດວັນຊາດ ຫວຽດນາມ. (ພາບ: vov.vn)
ທ່ານພົນຈັດຕະວາ ຫງວຽນ ກ໋ວກ ຢຸງ ໄດ້ລາຍງານຕໍ່ ທ່ານນາງປະທານສະພາແຫ່ງຊາດລາວ ກ່ຽວກັບຄວາມຄືບໜ້າການກໍ່ສ້າງ ແລະ ຢືນຢັນວ່າ, ພ້ອມດ້ວຍທີມງານວິສະວະກອນທີ່ມີປະສົບການ ແລະ ພະນັກງານທີ່ມີຄວາມຊຳນານງານ, ຈະຮັບປະກັນວ່າໂຄງການດັ່ງກ່າວບໍ່ພຽງແຕ່ໄດ້ຮັບປະກັນລະດັບຄວາມຄືບໜ້າ ຂອງການກໍ່ສ້າງເທົ່ານັ້ນ ແຕ່ຍັງຮັບປະກັນຄຸນນະພາບທີ່ດີທີ່ສຸດຂອງໂຄງການ, ຕອບສະໜອງ ມາດຖານທີ່ເຂັ້ມງວດທີ່ບໍລິສັດຕິດຕາມກວດກາສາກົນ ກຳລັງຈັດຕັ້ງປະຕິບັດ, ພ້ອມທັງຝ່າຍລາວສະເໜີ.
ກິດຈະການ ໄດ້ນຳໃຊ້ວິທະຍາສາດ ແລະ ເຕັກໂນໂລຢີທີ່ທັນສະໄໝທີ່ສຸດໃນປະຈຸບັນ, ທັງນຳເອົາວັດທະນະທຳ ປະເພນີຂອງລາວມາແຕ່ຍັງຮັບປະກັນການປະສົມປະສານກັບຄວາມທັນສະໄໝ ແລະ ຄວາມສະບາຍ.
ທ່ານປະທານສະພາແຫ່ງຊາດລາວ ທ່ານນາງ ປານີ ຢາທໍ່ຕູ້ ໄດ້ສົ່ງຄຳອວຍພອນອັນດີງາມມາຍັງບັນດາການ ນຳພັກ, ລັດ, ສະພາແຫ່ງຊາດ ແລະ ປະຊາຊົນຫວຽດນາມເນື່ອງໃນໂອກາດວັນຊາດ ແລະ ລະດົມພົນກຳລັງໃຈບັນດາພະນັກງານ, ນັກຮົບ ແລະ ປະຊາຊົນ ກຳລັງກໍ່ສ້າງອາຄານສະພາແຫ່ງຊາດລາວ.
ທ່ານປະທານສະພາແຫ່ງຊາດລາວ ທ່ານນາງ ປານີ ຢັ້ງຢືນວ່າ ນຳພາພັກ ແລະ ລັດ ສປປ. ລາວ, ໃນແຕ່ລະໄລຍະຕ່າງກໍ່ ຕີລາຄາຢ່າງສູງຕໍ່ຄວາມສາມັກຄີ ແລະ ການສະໜັບສະໜູນເຊິ່ງກັນ ແລະ ກັນຂອງປະຊາຊົນຫວຽດນາມ.
ກິດຈະການນີ້ບໍ່ພຽງແຕ່ແມ່ນຂອງຂວັນທາງດ້ານວັດຖຸເທົ່ານັ້ນ ແຕ່ຍັງແມ່ນຄຸນຄ່າທາງດ້ານຈິດໃຈເຊິ່ງບັນດາການນຳຂອງພັກ, ລັດ, ສະພາແຫ່ງຊາດ ແລະ ປະຊາຊົນລາວ ຍາມໃດກໍ່ສະຫງວນຄວາມເຄົາລົບນັບຖື.
（ຄຳຮຸ່ງ）
