ປະທານກໍາມາທິການການຕ່າງປະເທດສະພາແຫ່ງຊາດຫວຽດນາມ ຕ້ອນຮັບຄະນະຜູ້ແທນສະພາແຫ່ງຊາດ ສປປ ລາວ

ປະທານກໍາມາທິການການຕ່າງປະເທດສະພາແຫ່ງຊາດຫວຽດນາມ ຕ້ອນຮັບຄະນະຜູ້ແທນສະພາແຫ່ງຊາດ ສປປ ລາວ.(ພາບ:vov)

ທີ່ການຕ້ອນຮັບ, ທ່ານ ຫງວຽນວັນເຢົ່າ ແລະ ທ່ານ ເອກສະຫວ່າງ ວົງວິຈິດ ກໍ່ໄດ້ແລກປ່ຽນບາງເນື້ອໃນການຮ່ວມມືລະຫວ່າງກໍາມາທິການການຕ່າງປະເທດຂອງສະພາແຫ່ງຊາດສອງປະເທດໃນໄລຍະຈະມາເຖິງ. ທ່ານ ເອກສະຫວ່າງ ວົງວິຈິດ ໄດ້ຂອບໃຈຫວຽດນາມ ໄດ້ເປັນເຈົ້າພາບຈັດຕັ້ງກອງປະຊຸມ ຄັ້ງທີ 7 ກໍາມາທິການການຕ່າງປະເທດສະພາແຫ່ງຊາດ ກໍາປູເຈຍ-ລາວ-ຫວຽດນາມ ຢູ່ນະຄອນຮ້າລອງ, ແຂວງກວ໋າງນິງ; ຢັ້ງຢືນຄວາມປາດຖະໜາຢາກປະກອບກໍາລັງເຫື່ອແຮງ, ການສະໜັບສະໜູນເມື່ອຫວຽດນາມ ດໍາລົງຕໍາແໜ່ງເປັນປະທານ AIPA ແລະເປັນເຈົ້າພາບຈັດຕັ້ງ AIPA 41 ໃນປີ 2020.

ທີ່ການຕ້ອນຮັບ, ທ່ານ ຫງວຽນວັນເຢົ່າ ໄດ້ສະເແດງຄວາມຂອບອົກຂອບໃຈຄະນະຜູ້ແທນສະພາແຫ່ງຊາດ ລາວ ທີ່ ໄດ້ເຂົ້າຮ່ວມກອງປະຊຸມ ຄັ້ງທີ 7 ກໍາມາທິການການຕ່າງປະເທດສະພາແຫ່ງຊາດ ກໍາປູເຈຍ - ລາວ - ຫວຽດນາມ ແລະ ແລກປ່ຽນຫຼາຍບັນຫາສໍາຄັນຢູ່ເຂດສາມຫຼ່ຽມພັດທະນາເຊິ່ງສາມປະເທດກໍາລັງຜັນຂະຫຍາຍ, ກໍ່ຄືເປີດອອກບັນດາການກໍານົດທິດເພື່ອຮ່ວມມືໃນໄລຍະຈະມາເຖິງ.

（ໄຊພອນ）