ທີ່ພິທີລົງນາມ ຜູ້ຕາງໜ້າສະພາການຄ້າ ແລະອຸດສາຫະກໍາແຫ່ງຊາດລາວ ຢັ້ງຢືນວ່າ, 8 ທະນາຄານ, ໃນນັ້ນມີ 2 ທະນາຄານຮ່ວມທຸລະກິດກັບຫວຽດນາມ ເຊິ່ງສະພາການຄ້າ ແລະອຸດສາຫະກໍາແຫ່ງຊາດລາວ ເລື້ອກເອົາເພື່ອເຊັນສັນຍາໃນຄັ້ງນີ້ລ້ວນແຕ່ແມ່ນບັນດາທະນາຄານທີ່ມີອິດທິພົນຢູ່ ລາວ, ມີຄວາມສາມາດເຂົ້າຮ່ວມບັນດາໂຄງການໃຫ້ SME ກູ້ຢືມດ້ວຍດອກເບ້ຍບຸລິມະສິດຂອງບັນດາຝ່າຍໃຫ້ກູ້ຢືມຜ່ານສະພາການຄ້າ ແລະອຸດສາຫະກໍາແຫ່ງຊາດລາວ.
 |
ທ່ານ ຫງວຽນວັນບີ່ງ ຜູ້ອໍານວຍການໃຫຍ່ທະນາຄານ LaoVietBank (ຂວາ) ລົງນາມໃນຂໍ້ຕົກລົງກັບຜູ້ຕາງໜ້າສະພາການຄ້າ ແລະອຸດສາຫະກໍາແຫ່ງຊາດລາວ. (ພາບ: nhandan.com.vn)
ທ່ານ ຫງວຽນວັນບີ່ງ ຢັ້ງຢືນວ່າ, ການເຊັນສັນຍາມີຄວາມໝາຍຫຼາຍຢ່າງຍ້ອນວ່ານີ້ແມ່ນຄັ້ງທໍາອິດທີ່ສ້າງກົນໄກໜຶ່ງເພື່ອໃຫ້ SME ຢູ່ ລາວສາມາດສໍາຜັດກັບແຫຼ່ງທຶນພິເສດທີ່ອຸປະຖໍາຜ່ານທະນາຄານຕ່າງໆ, ຍ້ອນວ່າກ່ອນນີ້, ມີແຕ່ບັນດາບໍລິສັດໃຫຍ່ຈຶ່ງສາມາດສໍາຜັດກັບບັນດາແຫຼ່ງທຶນຈາກບັນດາທະນາຄານໄດ້ຢ່າງງ່າຍດາຍ.
ຂໍ້ຕົກລົງເຊິ່ງບັນດາທະນາຄານຫວຽດນາມ ຫາກໍ່ລົງນາມກໍ່ກໍານົດຢ່າງຈະແຈ້ງເລື່ອງບັນດາທະນາຄານຕ້ອງສ້າງຕັ້ງບັນດາກຸ່ມປະຕິບັດງານ ເພື່ອເຂົ້າຮ່ວມການຊ່ວຍເຫຼືອ, ໃຫ້ຄໍາປຶກສາ SME ຢູ່ ລາວ ໃນການກໍ່ສ້າງ, ຜັນຂະຫຍາຍແຜນການດໍາເນີນທຸລະກິດ, ແຜນການສໍາຜັດກັບແຫຼ່ງທຶນຢ່າງວ່ອງໄວ ແລະຖືກຕ້ອງຕາມນະໂຍບາຍ, ຂໍ້ກຳນົດຂອງບັນດາກົດໝາຍວ່າດ້ວຍການດໍາເນີນທຸລະກິດ, ການຄ້າຂອງລາວ.
ຕໍ່ກັບສະພາບຕົວຈິງທີ່ບັນດາວິສາຫະກິດ SME ຢູ່ ລາວ ຍັງບໍ່ທັນມີຖັນແຖວພະລາກອນທີ່ມີສີມືແຮງງານ ແລະຊຳນານໃນວຽກງານສ້າງແຜນການດໍາເນີນທຸລະກິດ ຫຼື ກໍານົດນະໂຍບາຍພື້ນຖານຂອງບໍລິສັດ, ເພາະສະນັ້ນ, ເລື່ອງບັນດາທະນາຄານຫວຽດນາມ ຢູ່ ລາວ ເຂົ້າຮ່ວມການເຊັນຂໍ້ຕົກລົງຮ່ວມມືກັບສະພາການຄ້າ ແລະອຸດສາຫະກໍາແຫ່ງຊາດລາວ ຈະຊ່ວຍໃຫ້ບັນດາທະນາຄານນີ້ມີເງື່ອນໄຂສໍາຜັດກັບບັນດາແຫຼ່ງທຶນໃຫ້ກູ້ຢືມ, ຄວບຄຸມບັນດາລູກຄ້າກູ້ຢືມທຶນກໍ່ຄືໃຫ້ຄຳປຶກສາໂດຍກົງໃຫ້ແກ່ລູກຄ້າກູ້ຢືມທຶນ, ຮັບປະກັນແຫຼ່ງທຶນໃຫ້ກູ້ຢືມເປັນປົກກະຕິ, ຊໍາລະສູງ ແລະຄວບຄຸມສະພາບການຂອງບັນດາແຫຼ່ງທຶນກູ້ຢືມເປັນຢ່າງດີ.
（ຄຳຮຸ່ງ）
