 |
ຕ້ອນຮັບ ທ່ານເລຂາທິການໃຫຍ່ສະພາແຫ່ງຊາດ - ຫົວໜ້າຫ້ອງວ່າການສະພາແຫ່ງຊາດ ຫງ໋ວຽນ ແຮັ້ງ ຟຸກ ແລະ ຄະນະປະຕິບັດງານຫ້ອງວ່າການສະພາແຫ່ງຊາດຫວຽດນາມ ມາຢ້ຽມຢາມ ແລະ ເຮັດວຽກ ກັບ ຫ້ອງວ່າການສະພາແຫ່ງຊາດ ແຫ່ງສປປ ລາວ.(ພາບ:quochoi.vn)
ເລຂາທິການສະພາແຫ່ງຊາດລາວ ທ່ານນາງ ສວນສະຫັວນ ວິຍາເກດ ໄດ້ໃຫ້ການຕ້ອນຮັບ ຄະນະຜູ້ແທນຫ້ອງວ່າການສະພາແຫ່ງຊາດຫວຽດນາມ ມາເຂົ້າຮ່ວມກອງປະຊຸມສຳມະນາ ແລະ ພົບປະແລກປ່ຽນ ລະຫວ່າງສອງຫ້ອງວ່າການສະພາແຫ່ງຊາດ, ນີ້ແມ່ນໂອກາດເພື່ອເຮັດໃຫ້ພະນັກງານ - ລັດຖະກອນ ຂອງສອງຫ້ອງວ່າການ ໄດ້ພົບປະ ແລະ ແລກປ່ຽນປະສົບການໃນການເຮັດວຽກ, ແລກປ່ຽນວັດທະນະທຳ, ສິລະປະ-ກິລາ; ຜ່ານວຽກງານດັ່ງກ່າວນັ້ນ ປະກອບສ່ວນເຂົ້າໃນການຮັດແໜ້ນ ຄວາມສາມັກຄີຊື່ສັດຈິງໃຈ, ມູນເຊື້ອ ລະຫວ່າງສະພາແຫ່ງຊາດຂອງສອງປະກທດເວົ້າລວມ ແລະ ຫ້ອງວ່າການສະພາແຫ່ງຊາດຫວຽດນາມ ແລະ ລາວເວົ້າສະເພາະ. ໂດຍຜ່ານກອງປະຊຸມສຳມະນາ ຫ້ອງວ່າການສະພາແຫ່ງຊາດລາວ ຈະຄົ້ນຄ້ວາ, ຮຽນຮູ້ ແລະ ນຳໃຊ້ປະສົບການກໍ່ຄືຖອດຖອນຈາກ ຫວຽດນາມໃນວຽກງານເສນາທິການ, ຍົກສູງຄຸນນະພາບການຈັດຕັ້ງປະຕິບັດວຽກງານ ຂອງສະພາແຫ່ງຊາດ; ໃນການຈັດຕັ້ງການເປັນເສນາທິການ ຊ່ວຍສະພາແຫ່ງຊາດ; ແລະພິເສດແມ່ນປະສົບການໃນການຄຸ້ມຄອງ, ດຳເນີນງານ ແລະ ນຳໃຊ້ຫ້ອງວ່າການສະພາແຫ່ງຊາດຫວຽດນາມ.
 |
ເລຂາທິການໃຫຍ່ສະພາແຫ່ງຊາດ - ຫົວໜ້າຫ້ອງວ່າການສະພາແຫ່ງຊາດ ຫງວ໋ຽນ ແຮັ້ງ ຟຸກ ເຮັດວຽກ ກັບ ທ່ານເລຂາທິການໃຫຍ່ສະພາແຫ່ງຊາດ ແຫ່ງ ສປປລາວ ສວນສະຫວັນ ວິຍາເກດ.(ພາບ: quochoi.vn)
ເນື້ອໃນຂອງກອງປະຊຸມສຳມະນາຄັ້ງນີ້ປະກອບມີ: ການຕີລາຄາສະພາບການຮ່ວມມື ລະຫວ່າງຫ້ອງວ່າການສະພາແຫ່ງຊາດຫວຽດນາມ ແລະ ລາວ ໃນສອງປີທີ່ຜ່ານມາ ແລະ ການວາງທິດທາງແຜນການ-ການຮ່ວມມື ໃນຕໍ່ໜ້າ; ບົດບາດຂອງຫ້ອງວ່າການສະພາແຫ່ງຊາດໃນການເສນາທິການ, ຍົກສູງຄຸນນະພາບການຈັດຕັ້ງປະຕິບັດວຽກງານ ຂອງສະພາແຫ່ງຊາດສອງປະເທດ; ການຈັດຕັ້ງການເສນາທິການຊ່ວຍສະພາຊົນເຜົ່າ ແລະ ບັນດາກຳມາທິການສະພາແຫ່ງຊາດຫວຽດນາມ; ບົດບາດຂອງຫ້ອງວ່າການສະພາແຫ່ງຊາດ ໃນການເສນາທິການປ່ຽນແປງໃໝ່, ຍົກສູງ ຄຸນນະພາບຂອງປະສິດທິຜົນໃນການຈັດຕັ້ງປະຕິບັດ ດ້ານນິຕິບັນຍັດ ເພື່ອຄວບຄຸມ, ຕັດສິນບັນຫາທີ່ສຳຄັນ; ປະສົບການໃນການຄຸ້ມຄອງ, ດຳ ເນີນງານ ແລະ ນຳໃຊ້ສະພາແຫ່ງຊາດຫວຽດນາມ; ປະສົບການໃນການສ້າງຫ້ອງປະເພນີຂອງສະພາແຫ່ງຊາດຫວຽດນາມ.
ກ່ອນໜ້ານີ້, ໃນໂອກາດການຢ້ຽມຢາມມິດຕະພາບຢ່າງເປັນທາງການ ຫວຽດນາມ ແຕ່ວັນທີ 5-10 ມີນາ 2017 ຂອງຄະນະຜູ້ແທນຂັ້ນສູງ ສະພາແຫ່ງຊາດລາວ ນຳໂດຍ ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວ, ໃນວັນທີ 6 ມີນາ 2017, ທີ່ຫ້ອງວ່າການສະພາແຫ່ງຊາດ, ຫ້ອງວ່າການສະພາແຫ່ງຊາດຫວຽດນາມ ແລະ ຫ້ອງວ່າການສະພາແຫ່ງຊາດລາວ ໄດ້ລົງນາມໃນຂໍ້ຕົກລົງການຮ່ວມມື ລະຫວ່າງສອງອົງການດັ່ງກ່າວ ໂດຍການເປັນສັກຂີພີຍານ ຂອງທ່ານນາງປະທານສະພາແຫ່ງຊາດ ຫງວ໋ຽນ ຖິ ກິມ ເງິນ ແລະ ປະທານສະພາແຫ່ງຊາດແຫ່ງ ສປປ ລາວທ່ານນາງ ປານີ ຢາທໍ່ຕູ້.
ອີງຕາມສັນຍາ, ຫ້ອງວ່າການສະພາແຫ່ງຊາດຫວຽດນາມ ແລະ ຫ້ອງວ່າການສະພາແຫ່ງຊາດລາວ ໄດ້ຕົກລົງເຫັນດີເປັນເອກະພາບກັນໃນການສືບຕໍ່ເພີ່ມທະວີຄວາມສາມັກຄີ ແລະ ຊຸກຍູ້ການຮ່ວມມືຜ່ານບັນດາລາຍການກໍ່ຄືໂຄງການຮ່ວມມື ທີ່ມີຫຼາຍຮູບຫຼາຍແບບ ເພື່ອຊຸກຍູ້ເພື່ອຮັບໃຊ້ສະພາແຫ່ງຊາດ, ບັນດາອົງການຂອງສະພາແຫ່ງຊາດ ຂອງສອງປະເທດ ປະຕິບັດບັນດາຢ່າງມີປະສິດທິຜົນ ບັນດາຄວາມສາມາດ, ພາລະກິດ ແລະ ສິດ ແລະ ໜ້າທີ່ສິດໃນລັດຖະທຳມະນູນ ແລະ ກົດ ໝາຍ ຂອງແຕ່ລະປະເທດ.
ໃນແຕ່ລະປີ, ສອງຝ່າຍຈະດຳເນີນການແລກປ່ຽນຄະນະຜູ້ແທນເພື່ອຄົ້ນຄວ້າຮຽນຮູ້, ຮໍ່າຮຽນ ແລະ ຖອດຖອນບົດຮຽນ ເຊິ່ງກັນ ແລະກັນ. ການແລກປ່ຽນຄະນະຜູ້ແທນດຳເນີນໄປໃນຮູບແບບ ການແລກປ່ຽນຂອງການນຳຫ້ອງວ່າການສະພາແຫ່ງຊາດ ແລະ ຄະນະພະນັກງານ, ນັກຄົ້ນຄວ້າຂອງ ຫ້ອງວ່າການສະພາແຫ່ງຊາດ. ສ່ວນປະກອບ, ແຜນງານ ໄປຈົນຮອດ, ໄລຍະເວລາ, ເນື້ອໃນ ຂອງການມາຢ້ຽມຢາມ ແລະ ເຮັດວຽກຂອງແຕ່ລະຄະນະ ແຕ່ລະຝ່າຍແມ່ນເຫັນດີ ໂດຍທັງສອງຝ່າຍໄດ້ຕົກລົງການ, ສອດຄ່ອງກັບ, ເໝາະສົມກັບຄວາມຮຽກຮ້ອງຕ້ອງການ ແລະ ສະພາບການຕົວຈິງຂອງສອງຝ່າຍ...
 |
ເລຂາທິການໃຫຍ່ສະພາແຫ່ງຊາດ - ຫົວໜ້າຫ້ອງວ່າການສະພາແຫ່ງຊາດ ຫງວ໋ຽນ ແຮັ້ງ ຟຸກ ເຮັດວຽກ ກັບ ທ່ານເລຂາທິການໃຫຍ່ສະພາແຫ່ງຊາດ ແຫ່ງ ສປປລາວ ສວນສະຫວັນ ວິຍາເກດ.(ພາບ: quochoi.vn)
ທີ່ກອງປະຊຸມພົບປະ ແລະ ເຮັດວຽກ, ທ່ານເລຂາທິການໃຫຍ່ສະພາແຫ່ງຊາດ - ຫົວໜ້າຫ້ອງວ່າການສະພາແຫ່ງຊາດ ຫງວ໋ຽນ ແຮັ້ງ ຟຸກ ໄດ້ປຶກສາຫາລືຫຼາຍກ່ວາອີກ ກ່ຽວກັບວຽກງານ ທີ່ສະພາແຫ່ງຊາດຫວຽດນາມ ກຳລັງຜັນຂະຫຍາຍເປັນຕົ້ນແມ່ນປັບປຸງກົດໝາຍ ວ່າດ້ວຍ ຈັດຕັ້ງອຳນາດການປົກຄອງທ້ອງຖິ່ນ; ທົດລອງການລວມ 3 ຫ້ອງການ ຂອງຄະນະຜູ້ແທນສະພາແຫ່ງຊາດ, ສະພາປະຊາຊົນ ແລະ ຫ້ອງວ່າການຄະນະ ກຳມະການປະຊາຊົນແຂວງ; ຂັ້ນຕອນໃນການສ້າງ ສະພາແຫ່ງຊາດເອເລັກໂຕຣນິກ(ສະພາດີຈິຕັ້ນ).
（ຫັດທະບູນ）
