ເຂົ້າຮ່ວມກອງປະຊຸມ, ເບື້ອງຫວຽດນາມ ມີບັນດາສະມາຊິກຄະນະກຳມະການ ການເງິນ - ງົບປະມານ; ຄະນະກຳມະການກົດໝາຍ ຂອງ ສະພາແຫ່ງຊາດ ແລະ ຕາງໜ້າກະຊວງ, ອົງການຈັດຕັ້ງຕ່າງໆທີ່ຂຶ້ນກັບກະຊວງການເງິນ ແລະ ອົງການກວດສອບແຫ່ງລັດ. ສ່ວນຝ່າຍ ສປປ ລາວ ມີບັນດາສະມາຊິກສະພາແຫ່ງຊາດ, ບັນດາສະມາຊິກຄະນະກຳມະການແຜນການ, ການເງິນ ແລະ ການກວດສອບສະພາແຫ່ງຊາດລາວ, ການນຳ ສະພາປະຊາຊົນນະຄອນຫຼວງວຽງຈັນ ແລະ ບັນດາແຂວງ, ຜູ້ຕາງໜ້າ ອົງການຕ່າງໆທີ່ຂື້ນກັບກະຊວງການເງິນລາວ ເຂົ້າຮ່ວມຢ່າງພ້ອມພຽງ.
 |
ຫົວໜ້າ ຄະນະກຳມະການ ການເງິນ - ງົບປະມານ ຂອງສະພາແຫ່ງຊາດຫວຽດນາມ ຫງວ໋ຽນ ດຶກ ຫ໋າຍ ແລະ ສະຫາຍ ວິໄລວົງ ບຸດດາຄຳ ຫົວໜ້າກຳມາທິການແຜນການ, ການເງິນ ແລະ ກວດສອບສະພາແຫ່ງຊາດລາວ ຮ່ວມເປັນປະທານກອງປະຊຸມ.(ພາບ: ສະພາແຫ່ງຊາດຫວຽດນາມ)
ທີ່ກອງປະຊຸມ, ຄະນະກຳມະການງົບປະມານສະພາແຫ່ງຊາດ, ກະຊວງການເງິນ-ກວດສອບແຫ່ງລັດຫວຽດນາມ ກໍ່ໄດ້ແລກປ່ຽນ ກັບ ຄະນະກຳມະການແຜນການ, ການເງິນ ແລະ ກວດສອບ ສະພາແຫ່ງຊາດລາວ ກ່ຽວກັບປະສົບການໃນການວາງແຜນນະໂຍບາຍ ດ້ານການເງິນ ຂອງຫວຽດນາມ, ໃນນັ້ນປະກອບມີ ຍຸດທະສາດການປະຕິຮູບລະບົບພາສີ; ປະສົບການ-ການກວດສອບແຫ່ງລັດ; ຂັ້ນຕອນ, ຂັ້ນຕອນໃນການສ້າງກົດໝາຍ; ປະສົບການໃນການກວດສອບການຄາດຄະເນ, ຈັດສັນ ແລະ ສະຫຼຸບງົບປະມານແຫ່ງລັດ.
 |
ຫົວໜ້າ ຄະນະກຳມະການ ການເງິນ - ງົບປະມານ ຂອງສະພາແຫ່ງຊາດຫວຽດນາມ ຫງວ໋ຽນ ດຶກ ຫ໋າຍ ແລະ ສະຫາຍ ວິໄລວົງ ບຸດດາຄຳ ຫົວໜ້າກຳມາທິການແຜນການ, ການເງິນ ແລະ ກວດສອບສະພາແຫ່ງຊາດລາວ ແລະ ບັນດາຜູ້ແທນອື່ນໆ ຖ່າຍຮູບທີ່ລະລຶກ.(ພາບ: ສະພາແຫ່ງຊາດຫວຽດນາມ)
ນີ້ແມ່ນກອງປະຊຸມແລກປ່ຽນປະສົບການທີ່ໄດ້ຈັດຂຶ້ນໃນທຸກໆສອງປີ ລະຫວ່າງ ຄະນະກຳມະການ-ການເງິນ ແລະ ງົບປະມານຂອງສະພາແຫ່ງຊາດຫວຽດນາມ ແລະ ຄະນະກຳມະການແຜນການ, ການເງິນ ແລະ ກວດສອບສະພາແຫ່ງຊາດລາວ ກ່ຽວກັບນະໂຍບາຍ ກົດໝາຍ ທີ່ກ່ຽວຂ້ອງກັບຂົງເຂດງົບປະມານການເງິນ, ງົບປະມານແຫ່ງລັດ. ຜ່ານກອງປະຊຸມແລກປ່ຽນປະສົບການ, ບັນດາສະມາຊິກຂອງຄະນະຜູ້ແທນສະພາແຫ່ງຊາດສອງປະເທດ ຫວັງເປັນຢ່າງຍິ່ງວ່າ ຈະຍົກສູງຄວາມຮັບຮູ້ໃນການດຳເນີນງານ ໃນຂົງເຂດການເງິນ ແລະ ງົບປະມານ, ພ້ອມກັນນັ້ນ ຮັດແໜ້ນສາຍພົວພັນມິດຕະພາບ, ຄວາມສາມັກຄີ ລະຫວ່າງ ສະພາແຫ່ງຊາດ ແລະ ປະຊາຊົນຫວຽດນາມ-ລາວ.
（ຫັດທະບູນ）
