 |
ໄຂງານວາງສະແດງພາບຖ່າຍ "ປະທານ ສຸພານຸວົງ - ເພື່ອນມິດທີ່ສະໜິດສະໜົມຂອງປະຊາຊົນຫວຽດນາມ".(ພາບ: baomoi.com)
ກ່າວຄໍາເຫັນທີ່ພິທີເປີດງານດັ່ງກ່າວ, ທ່ານ ຫວູແມ້ງຮ່າ ຜູ້ອຳນວຍການຫໍພິພິທະພັນໂຮ່ຈີມິງ ໄດ້ເນັ້ນໜັກວ່າ: ນີ້ແມ່ນງານວາງສະແດງທີ່ມີຄວາມໝາຍສຳຄັນທີ່ສຸດ. ອີກຄັ້ງໜຶ່ງໄດ້ຢັ້ງຢຶນເຖິງໄມຕີຈິດມິດຕະພາບລະຫວ່າງ ປະຊາຊົນ ຫວຽດນາມ ແລະ ປະຊາຊົນ ລາວ ເຊິ່ງໄດ້ຮັບການເພີ່ມພູນຄູນສ້າງຈາກບັນດາການນຳລຸ້ນຕ່າງໆ ແຕ່ສະໄໝ ປະທານໂຮ່ຈີມິນ, ປະທານສຸພານຸວົງ, ທ່ານເລຂາທິການໃຫຍ່ ໄກສອນ ພົມວິຫານ ແລະ ນ້ຳໃຈໄມຕີຈິດມິດຕະພາບນັ້ນນັບມື້ນັບໄດ້ຮັບການພັດທະນາ ແລະ ໝັ້ນຄົງ ທະນົງແກ່ນ ຊົ່ວກາລະນານ. ຜ່ານບັນດາຮູບພາບ, ເອກະສານນີ້ຈະສ້າງຄວາມສະໜິດຕິດພັນ, ຄວາມເຂົ້າໃຈເຊິ່ງກັນ ແລະ ກັນ ລະຫວ່າງປະຊາຊົນສອງປະເທດ ຫວຽດນາມ - ລາວ, ກໍ່ຄືເກັບກຳບັນດາເອກະສານຂອງບັນດານັກປະຕິວັດ ຫວຽດນາມ ແລະ ລາວຕື່ມອີກ".
ຜ່ານງານວາງສະແດງພາບຖ່າຍ "ປະທານ ສຸພານຸວົງ - ເພື່ອນມິດທີ່ສະໜິດສະໜົມຂອງປະຊາຊົນຫວຽດນາມ" ກໍ່ໄດ້ສະແດງໃຫ້ເຫັນນ້ຳໃຈໄມຕີຈິດມິດຕະພາບອັນຍາວນານ, ໝັ້ນແກ່ນລະຫວ່າງປະຊາຊົນສອງປະເທດອ້າຍນ້ອງ ລາວ - ຫວຽດນາມຕື່ມອີກ.
（ໄຊພອນ）
