ທ່ານ ສົມດີ ດວງດີ ຕ້ອນຮັບຄະນະຜູ້ແທນຂອງກະຊວງຖະແຫຼງຂ່າວ ແລະ ການສື່ສານ ສສ ຫວຽດນາມ

ທີ່ການພົບປະ ທ່ານ ຫງວຽນ ແມ້ງ ຮຸ່ງ ລັດຖະມົນຕີກະຊວງຖະແຫຼງຂ່າວ ແລະ ການສື່ສານ ຫວຽດນາມ ໄດ້ສະແດງຄວາມປາດຖະໜາວ່າທ່ານຮອງນາຍົກລັດຖະມົນຕີລາວຈະສືບຕໍ່ສ້າງເງື່ອນໄຂທີ່ດີໃຫ້ແກ່ບັນດາວິສາຫະກິດຫວຽດນາມຢູ່ລາວ, ໂດຍສະເພາະແມ່ນບັນດາວິສາຫະກິດທີ່ດໍາເນີນທຸລະກິດຢູ່ໃນຂົງເຂດເຕັກໂນໂລຢີ - ຖະແຫຼງຂ່າວ.

ທ່ານ ຮອງນາຍົກລັດຖະມົນຕີ ສົມດີ ດວງດີ ໄດ້ຕີລາຄາສູງໃນການຮ່ວມມືລະຫວ່າງກະຊວງຖະແຫຼງຂ່າວ ແລະ ການສື່ສານ ຫວຽດນາມ ແລະ ບັນດາກະຊວງ, ຂະແຫນງການຕ່າງໆຂອງລາວໃນໄລຍະຜ່ານມາ; ທ່ານ ຮອງນາຍົກລັດຖະມົນຕີ ສົມດີ ດວງດີ ກໍ່ໄດ້ເນັ້ນຫນັກວ່າການຢ້ຽມຢາມລາວໃນຄັ້ງນີ້ຂອງທ່ານ ຫງວຽນ ແມ້ງ ຮຸ່ງ ບໍ່ພຽງແຕ່ປັບປຸງ ແລະ ສ້າງຄວາມເຂັ້ມແຂງໃຫ້ແກ່ສາຍພົວພັນລະຫວ່າງກະຊວງຖະແຫຼງຂ່າວ ແລະ ການສື່ສານ ຫວຽດນາມ ແລະ ບັນດາກະຊວງ, ຂະແຫນງການຕ່າງໆຂອງລາວ, ໂດຍສະເພາະແມ່ນກັບກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວລາວ ແລະ ກະຊວງໄປສະນີ, ໂທລະຄົມມະນາຄົມ ແລະ ການສື່ສານຂອງລາວ, ແຕ່ກໍ່ຍັງຊ່ວຍໃຫ້ການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຢ່າງຮອບດ້ານລະຫວ່າງສອງພັກ, ສອງລັດ ແລະ ປະຊາຊົນຂອງສອງປະເທດ ລາວ - ຫວຽດນາມ ນັບມື້ນັບເກີດດອກອອກຜົນ, ນໍາເອົາຜົນປະໂຫຍດອັນເປັນຈິງມາໃຫ້ແກ່ປະຊາຊົນສອງປະເທດ.

ໃນຕອນທ້າຍຂອງການເຈລະຈາ, ທັງສອງຝ່າຍໄດ້ລົງນາມບັນດາບົດບັນທຶກການຮ່ວມມືລະຫວ່າງກະຊວງຖະແຫຼງຂ່າວ ແລະ ການສື່ສານ ຫວຽດນາມ ແລະ ກະຊວງໄປສະນີ, ໂທລະຄົມມະນາຄົມ ແລະ ການສື່ສານລາວ; ລະຫວ່າງກະຊວງຄວາມປອດໄພດ້ານຂໍ້ມູນ, ກະຊວງຖະແຫຼງຂ່າວ ແລະ ການສື່ສານ ຫວຽດນາມ ແລະ LaoCERT, ກະຊວງໄປສະນີ, ໂທລະຄົມມະນາຄົມ ແລະ ການສື່ສານລາວ; ລະຫວ່າງກຸ່ມບໍລິສັດໄປສະນີ, ໂທລະຄົມມະນາຄົມຫວຽດນາມ ແລະ ສູນລັດຖະບານໄປສະນີເອເລກໂຕນິກ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານລາວ.

（ໄຊພອນ）