ທີ່ກອງປະຊຸມເຮັດວຽກ, ປະທານສະພາແຫ່ງຊາດ ຫງວ໋ຽນ ຖິກີມເງິນ ຕີລາຄາສູງ ຄວາມໝາຍຂອງການຢ້ຽມຢາມ ເຊິ່ງສະແດງເຖິງຄວາມຈິງໃຈຂອງ ສະພາແຫ່ງຊາດລາວ ພ້ອມກັນນັ້ນ ກໍ່ເປັນສິ່ງພິສູດເຖິງຄວາມເຊື່ອໝັ້ນຂອງສະພາແຫ່ງຊາດລາວ ທີ່ມີຕໍ່ສະພາແຫ່ງຊາດຫວຽດນາມ. ສະພາແຫ່ງຊາດຫວຽດນາມ ຮັບຮູ້ຢ່າງເລິກເຊິ່ງວ່າ ການປັບປຸງ ແລະ ພັດທະນາສາຍພົວພັນ ຫວຽດນາມ-ລາວ ແມ່ນໜຶ່ງໃນບັນດາພາລະກິດ ຍຸດທະສາດ, ແມ່ນປັດໃຈສຳຄັນນອກຕົວ ສຳຄັນຕໍ່ການຄົງຕົວກໍ່ຄືສະຖຽນລະພາບ ຂອງຄວາມສະຫງົບ ແລະ ພັດທະນາຂອງແຕ່ລະປະເທດ.
 |
ປະທານສະພາແຫ່ງຊາດຫວຽດນາມ ທ່ານນາງ ຫງວ໋ຽນ ຖິກີມເງິນ ແລະ - ປະທານສະພາແຫ່ງຊາດລາວ ທ່ານນາງ ປານີ ຢາທໍ່ຕູ້.(ພາບ: quochoi.vn)
ປະທານສະພາແຫ່ງຊາດລາວ ທ່ານນາງ ປານີ ຢາທໍ່ຕູ້ ຂອບໃຈຕໍ່ການຕ້ອນຮັບອັນອົບອຸ່ນ ແລະ ໄມຕີຈິດ ຂອງສະພາແຫ່ງຊາດຫວຽດນາມ; ຢືນຢັນວ່າ ພັກ ແລະ ລັດຖະບານລາວ ແລະ ປະຊາຊົນລາວ ເຫັນໄດ້ຄວາມສຳຄັນຂອງ ການຢ້ຽມຢາມ ລາວ ຂັ້ນລັດຖະບານຂອງ ເລຂາທິການໃຫຍ່, ປະທານປະເທດ ຫງວ໋ຽນ ຟູ໋ຈ້ອງ . ການຢ້ຽມຢາມສະແດງເຖິງ ມູນເຊື້ອຂອງຄວາມສາມັກຄີ, ມິຕະພາບຂອງສອງປະເທດ ໃນໄລຍະຜ່ານມາ ແລະ ຍົກສາຍພົວພັນຂອງສອງປະເທດຂື້ນບາດກ້າວໃໝ່.
ປະທານສະພາແຫ່ງຊາດລາວ ໄດ້ສະແດງຄວາມຍິນດີກັບ ຫວຽດນາມ ໃນການຈັດກອງປະຊຸມສຸດຍອດ ອາເມລິກາ-ສປປ ເກົາຫຼີ ຄັ້ງທີ 2 ຢູ່ຮ່າໂນ້ຍ ທີ່ຫາກໍ່ຊິ້ນສຸດໄປ, ເຫດການດັ່ງກ່າວປະກອບສ່ວນຍົກສູງບົດບາດ, ສະຖານະ ຂອງ ປະເທດຫວຽດນາມ ບົນເວທີສາກົນກໍ່ຄືໃນພູມມິພາກ.
ເປົ້າໝາຍຂອງການຢ້ຽມຢາມ ຫວຽດນາມ ຄັ້ງນີ້ ປະທານສະພາແຫ່ງຊາດ ທ່ານນາງ ປານີ ຢາທໍ່ຕູ້ ແມ່ນຮ່ວມກັບສະພາແຫ່ງຊາດຫວຽດນາມ ສະຫຼຸບ, ຕີລາຄາຄືນຜົນສຳເລັດຂອງການຮ່ວມມື ລະຫວ່າງ ສະພາແຫ່ງຊາດຂອງສອງປະເທດ ໃນ 2 ປີທີ່ຜ່ານມາ ບົນພື້ນຖານສົນທິສັນຍາທີ່ໄດ້ເຊັນລົງນາມນຳກັນ ໃນເດືອນ 3/2017. ສະພາແຫ່ງຊາດທັງສອງຕີລາຄາສູງ ສາຍພົວພັນຮ່ວມມືຂອງສອງສະພາແຫ່ງຊາດ ທີ່ໄດ້ຮັບການຜັນຂະຫຍາຍຢ່າງຕັ້ງໜ້າ, ຕໍ່ເນື່ອງ, ແໜ້ນແຟ້ນ, ຮອບດ້ານ, ນັບມື້ນັບເປັນຈິງ, ກ້າວສູ່ລວງເລິກ ແລະ ມີປະສິດທິຜົນ.
ແລກປ່ຽນກ່ຽວກັບແຜນການຮ່ວມມືລະຫ່ວາງ ສະພາແຫ່ງຊາດຂອງສອງປະເທດໃນອານາຄົດ, ປະທານສະພາແຫ່ງຊາດລາວ ປານີ ຢາທໍ່ຕູ້ ສະເໜີໃຫ້ສະພາແຫ່ງຊາດທັງສອງສືບຕໍ່ຜັນຂະຫຍາຍປະຕິບັດບັນດາ ສົນທິສັນຍາຮ່ວມມື ທີ່ໄດ້ເຊັນລົງນາມ ລະຫວ່າງສອງສະພາແຫ່ງຊາດ; ເພີ່ມທະວີກວດກາ, ຕິດຕາມ ການຈັດຕັ້ງປະຕິບັດສັນຍາຮ່ວມມື ລະຫວ່າງ ລັດຖະບານທັງສອງປະເທດ ແລະ ເປີດກ້ວາງການຮ່ວມມືລະຫວ່າງ ຫ້ອງການ ຂອງສະພາແຫ່ງຊາດທັງສອງປະເທດ; ສະພາແຫ່ງຊາດຂອງສອງປະເທດ ປະສານສົມທົບຈັດຕັ້ງການຍ້ອງຍໍບັນດາສະຫາຍ ທີ່ມີການປະກອບສ່ວນດີເດັ່ນໃນສາຍພົວພັນລະຫວ່າງສອງປະເທດ; ສືບຕໍ່ແບ່ງປັນບົດຮຽນກໍ່ຄືປະສົບການຂອງການເຄື່ອນໄຫວອັນລຳ້ຄ່າຂອງສະພາແຫ່ງຊາດ, ສະພາປະຊາຊົນທຸກຂັ້ນຂອງຫວຽດນາມ ກັບສະພາແຫ່ງຊາດ, ສະພາປະຊາຊົນທຸກຂັ້ນຂອງລາວ...
ປະທານສະພາແຫ່ງຊາດ ຫງວ໋ຽນ ຖິກີມເງິນ ສະແດງຄວາມເປັນເອກກະພາບກັບບັນດາຄຳສະເໜີຂອງປະທານສະພາແຫ່ງຊາດລາວ ປານີ ຢາທໍ່ຕູ້
ປະທານສະພາແຫ່ງຊາດ ທັງສອງປະເທດ ຢືນຢັນວ່າ: ຄວາມໝາຍສຳຄັນຂອງ ໂຄງການກໍ່ສ້າງອາຄານສະພາບແຫ່ງຊາດລາວ ທີ່ພັກ, ລັດຖະບານ ແລະ ປະຊາຊົນຫວຽດນາມ ມອບໃຫ້ເປັນຂອງຂວັນ ໃຫ້ແກ່ ພັກ, ລັດຖະບານ ແລະ ປະຊາຊົນລາວ. ປະທານສະພາແຫ່ງຊາດລາວ ກ່າວວ່າ: ນີ້ແມ່ນຂອງຂວັນອັນລຳ້ຄ່າ, ເພາະຫວຽດນາມ ຊ່ວຍເຫຼືອລາວ ໃນສະພາບເງື່ອນໄຂທີ່ຫວຽດນາມຍັງພົບກັບຄວາມຫຍຸ້ງຍາກ. ອາຄານດັ່ງກ່າວເປັນສັນຍາລັກໃຫ້ແກ່່ແບບຢ່າງຂອງການກໍ່ສ້າງພື້ນຖານໂຄງລ່າງ ຢູ່ ປະເທດລາວ ດ້ວຍຄຸນນະພາບສູງ, ສັນຍາລັກຂອງສາຍພົວພັນລະຫວ່າງສອງປະເທດ.
ປະທານສະພາແຫ່ງຊາດ ຫງວ໋ຽນ ຖິກີມເງິນ ສະແດງຄວາມເປັນເອກກະພາບກັບບັນດາຄຳສະເໜີຂອງປະທານສະພາແຫ່ງຊາດລາວ ປານີ ຢາທໍ່ຕູ້
ປະທານສະພາແຫ່ງຊາດ ທັງສອງປະເທດ ຢືນຢັນວ່າ: ຄວາມໝາຍສຳຄັນຂອງ ໂຄງການກໍ່ສ້າງອາຄານສະພາບແຫ່ງຊາດລາວ ທີ່ພັກ, ລັດຖະບານ ແລະ ປະຊາຊົນຫວຽດນາມ ມອບໃຫ້ເປັນຂອງຂວັນ ໃຫ້ແກ່ ພັກ, ລັດຖະບານ ແລະ ປະຊາຊົນລາວ. ປະທານສະພາແຫ່ງຊາດລາວ ກ່າວວ່າ: ນີ້ແມ່ນຂອງຂວັນອັນລຳ້ຄ່າ, ເພາະຫວຽດນາມ ຊ່ວຍເຫຼືອລາວ ໃນສະພາບເງື່ອນໄຂທີ່ຫວຽດນາມຍັງພົບກັບຄວາມຫຍຸ້ງຍາກ. ອາຄານດັ່ງກ່າວເປັນສັນຍາລັກໃຫ້ແກ່່ແບບຢ່າງຂອງການກໍ່ສ້າງພື້ນຖານໂຄງລ່າງ ຢູ່ ປະເທດລາວ ດ້ວຍຄຸນນະພາບສູງ, ສັນຍາລັກຂອງສາຍພົວພັນລະຫວ່າງສອງປະເທດ.
ປະທານສະພາແຫ່ງຊາດ ຫງວ໋ຽນ ຖິກີມເງິນ ແລະ ປະທານສະພາແຫ່ງຊາດລາວ ປານີ ຢາທໍ່ຕູ້ ກໍ່ເຫັນດີເປັນເອກກະພາບໃນການຕີລາຄາການຈັດຕັ້ງປະຕິບັດວຽກງານໃນໄລຍະຜ່ານມາ, ສະພາແຫ່ງຊາດຂອງສອງປະເທດ ໄດ້ຈັດການກວດສອບລວມ ໃນການປະຕິບັດບົດບັນທຶກສັນຍາ ກ່ຽວກັບການແກ້ໄຂບັນຫາການຍົກຍ້າຍຖິ່ນຖານແບບເສລີ ແລະ ແຕ່ງດອງໂດຍບໍ່ໄດ້ຮັບອະນຸຍາດ ຢູ່ເຂດຊາຍແດນ ຫວຽດນາ-ລາວ. ການເຄື່ອນໄຫວຕິດຕາມກວດກາ ໄດ້ເຮັດໃຫ້ປະສົບຜົນສຳເລັດຕົວຈິງ ແລະ ເປັນຮູບປະທຳ. ທັງສອງຝ່າຍຕ້ອງໄດ້ຊຸກຍູ້ສາຍພົວພັນແລກປ່ຽນ, ຮ່ວມມື, ປະສານສົມທົບຢ່າງແໜ້ນແຟ້ນໃນການຈັດຕັ້ງປະຕິບັດ ບັນດາພາລະກິດລວມ ເພື່ອແນໃນ່ຮັບປະກັນຄວາມສະຫົງບຊາຍແດນກໍ່ຄືການຄຸ້ມຄອງພົນລະເມືອງໃນເຂດຊາຍແດນ.
（ຫັດທະບູນ）
