 |
ການຄ້າ ລາວ-ຫວຽດນາມ .
ຂະແໜງພະລັງງານໄຟຟ້າ ເປັນຂະແໜງການໜຶ່ງ ທີ່ມີຄວາມບົ່ມຊ້ອນຂອງການຮ່ວມມືສອງຝ່າຍ ທີ່ຈະເຮັດໃຫ້ມູນຄ່າການຄ້າຂອງສອງປະເທດ ປະຕິບັດໄດ້ລື່ນຄາດໝາຍ. ໃນນີ້, ເຂື່ອນໄຟຟ້າເຊຂະໝານ 1 ແລະ ເຊຂະໝານຊານໄຊ ໄດ້ດຳເນີນການຜະລິດ ຂາຍກະແສໄຟຟ້າໄປຫວຽດນາມ ແລະ ສ້າງລາຍຮັບເຂົ້າງົບປະມານໃຫ້ແກ່ ສປປ ລາວ ຈຳນວນໜຶ່ງ. ພ້ອມກັນນີ້, ການຮ່ວມກັນຈັດຕັ້ງຜັນຂະຫລາຍໂຄງການຮ່ວມມືພັດທະນາ ທ່າທຽບເຮືອຫວຸງອ່າງ 1, 2, 3 ແລະ ການຕົກລົງລາຄາຊື້-ຂາຍໄຟຟ້າ, ເຊິ່ງຈະເຮັດໃຫ້ມູນຄ່າການຄ້າສອງຝ່າຍເພີ່ມຂຶ້ນອີກ ຫລາຍສົມຄວນ.
ການຈັດຕັ້ງປະຕິບັດບັນດາໂຄງການ ທີ່ນໍາໃຊ້ທຶນຊ່ວຍເຫລືອ ກໍ່ໄດ້ມີຄວາມຄືບໜ້າດີສົມຄວນ,ໂດຍມີ 12 ໂຄງການໄດ້ສໍາເລັດ, ມອບ-ຮັບ ແລະ ໄດ້ນໍາໃຊ້ໃນ ປີ 2018. ພ້ອມດຽວກັນນີ້, ບັນດາກະຊວງ, ຂະແໜງການ, ອົງການຈັດຕັ້ງ, ທ້ອງຖິ່ນຕ່າງໆ ຂອງສອງຝ່າຍ ກໍໄດ້ເພີ່ມທະວີການພົບປະແລກປ່ຽນບົດຮຽນ ແລະ ເປີດກວ້າງການຮ່ວມມືຊ່ວຍເຫລືອເຊິ່ງກັນ ແລະ ກັນ ຢ່າງແທດເໝາະກັບຕົວຈິງ ແລະ ມີປະສິດທິຜົນ, ບັນດາກົນໄກ, ນະໂຍບາຍການຮ່ວມມື ກໍໄດ້ຮັບການພິຈາລະນາ, ປັບປຸງດັດແກ້ຢ່າງທັນການ ແລະ ສອດຄ່ອງກັບສະພາບຕົວຈິງ ຂອງແຕ່ລະປະເທດ ກໍຄື ລະບຽບການສາກົນ.
（ແຫຼ່ງຂໍ້ມູນ： ມະນີທອນ/ຂປລ）
