ທ່ານ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ແລະ ທ່ານ ຫງວ໋ຽນ ຟູ໋ຈ້ອງ ເລຂາທິການໃຫຍ່ແຫ່ງ ສສ ຫວຽດນາມ ຮ່່ວມເປັນສັກຂີພະຍານໃນການເຊັນສັນຍາຮ່ວມມື.
ໃນນັ້ນປະກອບມີສັນຍາວ່າດ້ວຍການຮ່ວມມືດ້ານການເງິນໄລຍະປີ 2019-2020; ສັນຍາວ່າດ້ວຍການພັດທະນາພະລັງງານໄຟຟ້າ ແລະ ບໍ່ແຮ່; ຂໍ້ຕົກລົງ ສອງລັດຖະບານລາວ ແລະ ຫວຽດນາມ ວ່າດ້ວຍການຂຸດຄົ້ນທ່າແຮງບົ່ມຊ້ອນໃນການກໍ່ສ້າງເສັ້ນທາງລົດໄຟ ວຽງຈັນ-ຫວຸ້ງອ້າງ; ບົດບັນທຶກການຮ່ວມມື ລະຫວ່າງ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມລາວ ແລະ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຫວຽດນາມ ໃນຂົງເຂດຕ້ານການປ່ຽນແປງສະພາບດິນໄຟຟ້າອາກາດ ແລະ ອະນຸລັກຊີວະນາໆພັນ ; ບົດບັນທຶກການມອບ-ຮັບໂຄງການສ້າງຖານຂໍ້ມູນຂ່າວສານພູມສັນຖານ ຮັບໃຊ້ການວາງແຜນພັດທະນາເສດຖະກິດ-ສັງຄົມ ແລະ ຕິດຕາມຊັບພະຍາກອນທຳມະຊາດ ແລະ ສິ່ງແວດລ້ອມ ຢູ່ ສປປ ລາວ ລະຫວ່າງກະຊວງພາຍໃນ ສປປ ລາວ ແລະ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ສສ ຫວຽດນາມ.
ທ່ານ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ແລະ ທ່ານ ຫງວ໋ຽນ ຟູ໋ຈ້ອງ ເລຂາທິການໃຫຍ່ແຫ່ງ ສສ ຫວຽດນາມ ຮ່່ວມເປັນສັກຂີພະຍານໃນການເຊັນສັນຍາຮ່ວມມື.
ບົດບັນທຶກການຮ່ວມມື ວ່າດ້ວຍຈັດຕັ້ງຜັນຂະຫຍາຍໂຄງການ “ປ່ຽນຖ່າຍອຸປະກອນ ໃຫ້ແກ່ສະຖານີວິທະຍຸກະຈາຍສຽງແຫ່ງ
ຊາດລາວ” ລະຫວ່າງກະຊວງຖະແຫຼ່ງຂ່າວ ວັດທະນະທຳ ແລະ ທ່ອງທ່ຽວ ສປປ ລາວ ແລະ ສະຖານີວິທະຍຸກະຈາຍສຽງ ຫວຽດນາມ ; ບົດບັນທຶກການມອບ-ຮັບ ໂຄງການກໍ່ສ້າງສູນສູນບໍລິການຕິກນິ
ກກະສິກຳແຂວງຫົວພັນ ລະຫວ່າງລັດຖະບານແຫ່ງ ສປປ ລາວ ແລະ ລັດຖະບານແຫ່ງ ສສ ຫວຽດນາມ ; ຂໍ້ຕົກລົງລະຫວ່າງ ຄະນະຮັບຜິດຊອບພິພິຕະພັນໄກສອນ ພົມວິຫານ ແລະ ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ວ່າດ້ວຍການປະຕິບັດສ້ອມແປງ, ຍົກລະດັບ ເຂດອະນຸສອນສະຖານ ປະທານໂຮ່ ຈິ ມິນ ຢູ່ບ້ານຊຽງຫວາງ, ເມືອງໜອງບົກ, ແຂວງຄຳມ່ວນ ສປປ ລາວ ; ແລະ ບົດບັນທຶກການມອບ-ຮັບໂຄງການເພີ່ມ
ທະວີຄວາມອາດສາມາດໃນການຄົ້ນຄວ້າວິ
ທະຍາສາດ ແລະ ພັດທະນາເຕັກໂນໂລຊີ ໃຫ້ແກ່ສະພາວິທະຍາສາດແຫ່ງຊາດລາວ ລະຫວ່າງ ສະພາວິທະຍາສາດແຫ່ງຊາດລາວ ແລະ ສະພາບັນດິດວິທະຍາສາດ-ເຕັກໂນໂລຊີ ຫວຽດນາມ.
（ແຫຼ່ງຂໍ້ມູນ： laoedaily.com.la）
