 |
ທ່ານນາງ ປານີ ຢາທໍຕູ້ ປະທານສະພາແຫ່ງຊາດ ລາວ ແລະ ທ່ານນາງ ຫງວ໋ຽນ ຖິກີມເງິນ ປະທານສະພາແຫ່ງຊາດ ຫວຽດນາມ.(ພາບ: ສຳນັກຂ່າວຫວຽດນາມ)
ທ່ານນາງ ຫງວ໋ຽນ ຖິກີມເງິນ ປະທານສະພາແຫ່ງຊາດ ຫວຽດນາມ ໄດ້ເນັ້ນໜັກ ວ່າ ສາຍພົວພັນຮ່ວມມືລະຫວ່າງ ສອງ ສະພາແຫ່ງຊາດໃນໄລຍະຜ່ານມາ ໄດ້ຮັບການຜັນຂະຫຍາຍຢ່າງຕັ້ງໜ້າ ແລະ ຮອບດ້ານ, ນັບມື້ນັບເຂົ້າສູ່ລວງເລິກ, ປະກົດເປັນຈິງ ແລະ ມີປະສິດທິຜົນ. ຜັນຂະຫຍາຍບັນດາສັນຍາການຮ່ວມມືທີ່ໄດ້ຮັບການລົງນາມ ລະຫວ່າງສອງສະພາແຫ່ງຊາດປີ 2017, ທັງສອງໄດ້ຮ່ວມກັນແບ່ງປັນປະສົບການກໍ່ຄືຖອດຖອນບົດຮຽນສຳຄັນໃນການສ້າງກົດໝາຍ.
ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວ ສະແດງຄວາມຂອບອົກຂອບໃຈມາຍັງ ສະພາແຫ່ງຊາດຫວຽດນາມ ທີ່ໄດ້ໃຫ້ການຊ່ວຍເຫຼືອ, ແລກປ່ຽນຂໍ້ມູນຂ່າວສານ, ປະສົບການອັນໃໝ່ ແລະ ຍົກສູງຄຸນນະພາບກອງປະຊຸມສະພາແຫ່ງຊາດ, ສະພາປະຊາຊົນ, ກໍ່ຄືການປະສານສົມທົບລະຫວ່າງ ສະພາແຫ່ງຊາດ ແລະ ລັດຖະບານໃນການເຮັດວຽກ.ຈາກຜົນສຳເລັດດັ່ງກ່າວນັ້ນປະທານສະພາແຫ່ງຊາດລາວ ຫວັງເປັນຢ່າງຍິ່ງວ່າ ໃນປີ 2019 ແລະ ໃນປີຕໍ່ໄປ, ສະພາແຫ່ງຊາດສອງປະເທດຈະສືບຕໍ່ຊຸກຍູ້ການຮ່ວມມືກໍ່ຄືການແລກປ່ຽນບັນຫາຕົວຈິງ.
ສະແດງຄວາມຍິນດີຕໍ່ມູນຄ່າການຄ້າສອງຝ່າຍນັບມື້ນັບເພີ່ມຂື້ນ, ປະທານສະພາແຫ່ງຊາດລາວ ຫວັງເປັນຢ່າງຍິ່ງວ່າ ບັນດາຄະນະວິຊາການຂອງສະພາແຫ່ງຊາດ ສອງປະເທດ ຮ່ວມກັນປະສານສົມທົບກວດກາ ວຽກງານຈັດຕັ້ງປະຕິບັດ ບັນດາຂໍ້ຜູກພັນສັນຍາ ຂອງການນຳຂັ້ນສູງ ຂອງສອງປະເທດ ເພື່ອແກ້ໄຂບັນຫາຂໍ້ຄົງຄ້າງຢ່າງທ່ວງທັນ, ສ້າງເງື່ອນໄຂສະດວກຂື້ນຕື່ມໃນການແກ້ໄຂບັນດາເອກກະສານ ຢູ່ ເຂດດ່ານຊາຍແດນຂອງສອງປະເທດ, ປະກອບສ່ວນໃນການເພີ່ມມູນຄ່າການຄ້າຫວຽດນາມ-ລາວ, ກໍ່ຄືການຊຸກຍູ້ສາຍພົວພັນເສດຖະກິດ-ການຄ້າ ຂອງສອງປະເທດນັບມື້ນັບພັດທະນາ.ທ່ານນາງ ຫງວ໋ຽນ ຖິກີມເງິນ ເຫັນດີເປັນເອກກະພາບ ກັບປະທານສະພາແຫ່ງຊາດລາວ ແລະ ໃຫ້ຮູ້ວ່າ ຈາກໝາກຜົນຂອງການຮ່ວມມື ລະຫວ່າງ ສອງສະພາ ປີ 2018, ທັງສອງສະພາແຫ່ງຊາດ ຈະມານະພະຍາຍາມຂື້ນຕື່ມອີກໃນປີ 2019. ຈາກນັ້ນ ສະພາແຫ່ງຊາດຫວຽດນາມ ກຽມພ້ອມທີ່ຈະແບ່ງປັນບົດຮຽນ, ແນະນຳວິຊາການຜູ້ຊ່ຽວຊານ ແບ່ງປັນບັນດາຫົວຂໍ້ຕົວຈິງໃນວຽກງານການອະພິປາຍ, ຄວບຄຸມກວດກາ ໃຫ້ແກ່ສະພາແຫ່ງຊາດລາວ; ແລກປ່ຽນແຕ່ລະຫົວຂໍ້ໃນການແລກປ່ຽນ ລະຫວ່າງ ຜູ້ແທນສະພາ ແຫ່ງຊາດຂອງສອງປະເທດ; ແລະ ຫວຽດນາມ ກຽມພ້ອມແບ່ງປັນບົດຮຽນ ໃນການເຄື່ອນໄຫວ ຂອງສະພາປະຊາຊົນ ລະຫວ່າງ ທ້ອງຖິ່ນຂອງສອງປະເທດ.
（ຫັດທະບູນ）
