 |
ຄະນະການນຳສະຖານທູດລາວ ປະຈຳສສ ຫວຽດນາມ ຢ້ຽມຢາມນ້ອງນັກຮຽນ ຢູ່ ແຂວງອຽນບ໋າຍ.
ໂຮງຮຽນ ສ້າງຄູຊັ້ນສູງ ອຽນບ໋າຍ ແມ່ນໂຮງຮຽນທີ່ມີປະສົບການໃນການກໍ່ສ້າງ ວິຊາສະເພາະ ເປັນເວລາກວ່າ 12 ປີ ແລະ ສອນພາສາຫວຽດ ໃຫ້ແກ່ນ້ອງນັກຮຽນລາວ ທີ່ມາຈາກແຂວວຽງຈັນ ແລະ ແຂວງໄຊຍະບູລີ.
ດ້ວຍເປັນໜຶ່ງໃນສອ ໂຮງຮຽນທີ່ ກໍ່ສ້າງນັກຮຽນລາວ ໃຫ້ແກ່ ສປປ ລາວ ຄື: ໂຮງຮຽນ ສ້າງຄູຊັ້ນສູງ ອຽນບ໋າຍ ແລະ ໂຮງຮຽນ ແພດຊັ້ນສູງ, ມາຮອດປະຈຸບັນ ຄືປີ 2018, ແຂວວອຽນບ໋າຍ ໄດ້ກໍ່ສ້າງນັກຮຽນລາວ ໄດ້ຈຳນວນ 338ຄົນ, ໃນນັ້ນ 270ຄົນ ແມ່ນຮຽນລະບົບຊັ້ນສູງ, ຊັ້ນກາງ; ອົບຮົບຂັ້ນສູງດ້ານພາສາຫວຽດ ໃຫ້ແກ່ພະນັກງານຄົນລາວ ຈຳນວນ 20 ຄົນ, ຂະແໜງຊັ້ນສູງ, ຊັ້ນກາງ, ການແພດ,.. ນັກຮຽນລາວທີ່ສຶກສາຮຳ່ຮຽນຢູ່ແຂວງອຽນບ໋າຍ ຍາມໃດກໍ່ໄດ້ຮັບການເອົາໃຈໃສ່, ສ້າງເງື່ອນໄຂໃນການຮຳ່ຮຽນ, ເຄື່ອນໄຫວກິດຈະກຳຕ່າງໆ; ມີນັກຮຽນເປັນຈຳນວນຫຼາຍທີ່ມີຜົນການຮຽນດີ ແລະ ໜ້າເພີ່ງພໍໃຈ.
ກ່າວຄຳເຫັນໃຫ້ການພົບປະດັ່ງກ່າວ ທ່ານ ຄຳສິງ ດວງວັນດີ ທີ່ປຶກສາການເມືອງ ທູດລາວ ປະຈຳ ສສ ຫວຽດນາມ ໄດ້ສະແດງຄວາມຂອບໃຈທີ່ແຂວງອຽນບ໋າຍ ໄດ້ໃຫ້ຄວາມເອົາໃຈໃສ່, ກໍ່ສ້າງຊັບພະຍາກອນມະນຸດ ໃຫ້ແກ່ ສປປ ລາວ. ພ້ອມກັນນັ້ນກໍ່ຢັ້ງຢືນວ່າ ນີ້ແມ່ນບົດພິສູດອັນແຈ່ມແຈ້ງເຖິງສາຍພົວພັນ, ຄວາມສາມັກຄີຮ່ວມມືຮັດແໜ້ນ ລະຫວ່າງ ບັນດາແຂວງຄື: ວຽງຈັນ, ໄຊຍະບູລີ ແລະ ອຽນບ໋າຍ.
ທ່ານ ຄຳສິງ ດວງວັນດີ ໄດ້ກ່າວຕໍ່ນ້ອງນັກຮຽນລາວ ທີ່ກຳລັງສຶກສາຮຳ່ຮຽນຢູ່ ທີ່ໂຮງຮຽນ ສ້າງຄູ ຊັ້ນສູງ ອຽນບ໋າຍ ພະຍາຍາມຊອກຮູ້ຮຳ່ຮຽນ, ຝຶກຝົນຫຼໍ່ຫຼອມເພື່ອຍົກສູງຄວາມຮູ້ຄວາມສາມາດ, ຄວາມຮັບຮູ້ເພື່ອກັບໄປປະກອບສ່ວນເຂົ້າໃນການສ້າງສາພັດທະນາປະເທດລາວ ໃຫ້ນັບມື້ຈະເລີນຮຸ່ງເຮືອງ ແລະ ສ້າງສາຍພົວພັນຮ່ວມມື ລະຫວ່າງ ແຂວງອຽນບ໋າຍ ກັບແຂວງ ໄຊຍະບູລີ ແລະ ແຂວງວຽງຈັນໃຫ້ນັບມື້ນັບມີຄວາມແໜ້ນແຟ້ນຂື້ນຕື່ມ.
 |
 |
 |
 |
ຄະນະນຳສະຖານທູດລາວ ໄດ້ຢ້ຽມຢາມ ແລະ ໃຫ້ກຳລັງໃຈ ນ້ອງນັກຮຽນລາວ ຢູ່ ແຂວງອຽນບ໋າຍ.
（ຫັດທະບູນ）
