ຕາມການຕີລາຄາທີ່ກອງປະຊຸມ, ໃນໄລຍະຜ່ານມາສອງຝ່າຍໄດ້ຈັດຕັ້ງ, ຊີ້ນໍາບັນດາກໍາລັງພົບປະ, ແລກປ່ຽນຂໍ້ມູນຂ່າວສານ, ກໍາແໜ້ນ ແລະແກ້ໄຂບັນດາບັນຫາທີ່ກ່ຽວຂ້ອງເຖິງຄວາມໝັ້ນຄົງດ້ານການເມືອງຢູ່ບໍລິເວນໃຫ້ຖືກຕ້ອງຕາມແຜນນະໂຍບາຍຂອງພັກ, ລັດ, ກະຊວງປ້ອງກັນປະເທດສອງປະເທດຢ່າງທັນການ; ຜັນຂະຫຍາຍກໍາລັງຊອກຫາກູ້ຊີບ, ກູ້ໄພ, ຊ່ວຍປະຊາຊົນເມືອງສະໜາມໄຊ, ແຂວງອັດຕະປື ແກ້ໄຂຜົນຮ້າຍຢ້ອນຫຼັງຈາກເຫດເຂື່ອນໄຟຟ້ານໍ້າຕົກເຊປຽນ-ເຊນໍ້ານ້ອຍ ແຕກຢ່າງທັນການ, ໄດ້ຮັບການຕີລາຄາສູງຈາກພັກ, ລັດ, ກະຊວງປ້ອງກັນປະເທດສອງປະເທດ. ບັນດາກົມກອງຂອງປະເທດເພື່ອນມິດໄດ້ຕັ້ງໜ້າຊ່ວຍເຫຼືອທະຫານເຂດ 5 ໃນການຊອກຫາ, ຂຸດຄົ້ນ ແລະທ້ອນໂຮມ, ສົ່ງອັດຖິນັກຮົບ, ທະຫານອາສາສະໝັກ ແລະນັກຊ່ຽວຊານຫວຽດນາມ ທີ່ເສຍສະຫຼະຊີວິດເພື່ອຊາດໃນປາງສົງຄາມກັບຄືນປະເທດ...
 |
ທ່ານພົນຕີ ຫງວຽນລອງກ໊າງ ແລະທ່ານພັນເອກ ວັນທອງ ບຸດທະວົງ ລົງນາມໃນບົດບັນທຶກກອງປະຊຸມ. (ພາບ: ຫວຽດຮຸ່ງ)
ໃນໄລຍະຈະມາເຖິງ, ສອງຝ່າຍຈະສືບຕໍ່ໂຄສະນາ, ສຶກສາອົບຮົມເພື່ອຍົກສູງຄວາມຮັບຮູ້ຂອງພະນັກງານ, ນັກຮົບ, ປະຊາຊົນ ແລະຮຸ່ນໜຸ່ມສອງປະເທດໃນການຮັກສາ, ເພີ່ມພູນຄູນສ້າງສາຍພົວພັນມິດຕະພາບ, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງສອງປະເທດ; ຊີ້ນໍາບັນດາກໍາລັງສົມທົບກັນແລກປ່ຽນຂໍ້ມູນຂ່າວສານ, ກໍາແໜ້ນກົນອຸບາຍ, ເຈດຕະນາຕ້ານ, ມ້າງເພທໍາລາຍຂອງບັນດາອິດທິກຳລັງທີ່ເປັນປໍລະປັກເພື່ອແກ້ໄຂຢ່າງທັນການ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຂອງແຕ່ລະປະເທດ; ສ້າງເສັ້ນຊາຍແດນ ຫວຽດນາມ-ລາວ ໃຫ້ສັນຕິພາບ, ມິດຕະພາບ, ສະຖຽນລະພາບ ແລະພັດທະນາ.
（ແຫຼ່ງຂໍ້ມູນ： ໄຊນີດາ/ກປ.ອອນໄລ）
