ຄະນະຜູ້ແທນຂອງແຂວງ ໄຊຍະບູລີ.

ໃນການເຈລະຈາ, ທ່ານ ໂດ້ ດຶກຢຸຍ - ປະທານ ຄະນະກຳມະການປົກຄອງ ແຂວງອຽນບ໋າຍໄດ້ລາຍງານໂດຍສັງເຂບ ກ່ຽວກັບ ສະພາບການພັດທະນາ ເສດຖະກິດ - ສັງຄົມ ຂອງ ແຂວງອຽນບ໋າຍ ໃນ 10 ເດືອນ ຕົ້ນປີ 2018.

ຄະນະຜູ້ແທນ ຂອງແຂວງ ອຽນບ໋າຍ.

ກ່ຽວກັບສາຍພົວພັນຮ່ວມມື ລະຫວ່າງ ແຂວງອຽນບ໋າຍ ແລະ ແຂວງໄຊຍະບູລີ, ທ່ານ ໂດ໋ ດຶກຢຸຍ ປະທານ ກຳມະການປົກຄອງແຂວງອຽນບ໋າຍ ໄດ້ເນັ້ນໜັກວ່າ: ວຽກງານການສ້າງຕັ້ງ ແລະ ຜັນຂະຫຍາຍ ສາຍພົວພັນຮ່ວມມື ລະຫວ່າງ ແຂວງອຽນບ໋າຍ - ໄຊຍະບູລີ ຕັ້ງແຕ່ປີ 2012 ແມ່ນໜຶ່ງໃນບັນດາວຽກງານ ທີ່ແທດເໝາະກັບຕົວຈິງ, ມີຄວາມໝາຍປະກອບສ່ວນຕັ້ງໜ້າ, ເຮັດໃຫ້ມູນເຊື້ອສາຍພົວພັນ, ຄວາມສາມັກຄີພິເສດ ແລະ ຮ່ວມມື ຮອບດ້ານ ລະຫວ່າງ ສອງລັດ, ສອງປະເທດ ແລະ ສອງຊາດ ຫວຽດນາມ - ລາວ ມີຄວາມເລິກເຊິ່ງ ແລະ ສະໜິດແໜ້ນຂື້ນກວ່າເກົ່າ.

ໃນ 6 ປີທີ່ຜ່ານມາ, ສອງແຂວງໄດ້ຜັນຂະຫຍາຍການເຄື່ອນໄຫວ ຮ່ວມມືແທດເໝາະກັບສະພາບຕົວຈິງຫຼາຍອັນຢ່າງມີປະສິດທິຜົນໃນຂົງເຂດຕ່າງໆເຊັ່ນ: ແລກປ່ຽນຄະນະ, ບໍາລຸງສ້າງ, ພັດທະນາຊັບພະຍາກອນມະນຸດ, ສາທາລະນະສຸກ, ກະສິກຳ ແລະ ການພັດທະນາຊົນນະບົດ, ເທັກໂນໂລຊີຂໍ້ມູນຂ່າວສານ ແລະ ການທະຫານ. ບັນດາໝາກຜົນຂອງການຮ່ວມມື ລະຫວ່າງ ສອງແຂວງໄດ້ປະກອບສ່ວນໃນການພັດທະນາ ເສດຖະກິດລວມຂອງສອງແຂວງ, ເພີ່ມພູນຄູນສ້າງໃຫ້ສາຍສຳພັນມິດຕະພາບການຮ່ວມມືພິເສດ ຫວຽດນາມ - ລາວ. ນີ້ແມ່ນປະຖົມປັດໄຈສຳຄັນ ເພື່ອໃຫ້ສອງແຂວງສືບຕໍ່ຜັນຂະຫຍາຍບັນດາການເຄື່ອນໄຫວ ຮ່ວມມືເລິກເຊິ່ງແລະກວ້າງຂວາງ, ແທດເໝາະ ກັບສະພາບຕົວຈິງຢ່າງມີປະສິດທິຜົນຍິ່ງຂຶ້ນໃນອະນາຄົດ

ທ່ານ ໂດ໋ ດຶກຢຸຍ ຢັ້ງຢືນວ່າ: ແຂວງອຽນບ໋າຍ ໃຫ້ຄວາມສຳຄັນຢ່າງສະໝໍ່າສະເໜີ, ຍາດເອົາບູລິມະສິດໃນວຽກງານການພັດທະນາ ສາຍສຳພັນຮ່ວມມື ກັບບັນດາທ້ອງຖິ່ນຂອງ ສປປ ລາວ ເວົ້າລວມ ແລະ ເວົ້າສະເພາະ ກໍ່ຄືແຂວງໄຊຍະບູລີ ເພື່ອການປັບປຸງພັດທະນາຢ່າງບໍ່ຢຸດຢັ້ງ, ເພີ່ມທະວີສາຍສຳພັນມິດຕະພາບອັນດັ່ງເດີມ, ຄວາມສາມັກຄີພິເສດ ແລະ ການຮ່ວມມືຮອບດ້ານນີ້.

ການນຳແຂວງ ອຽນບ໋າຍ ມອບພາບທຳມະຊາດ ນາຂັ້ນໄດ ມູ່ກາງຈ໋າວ ໃຫ້ການນຳແຂວງ ໄຊຍະບູລີ.

ປະທານ ຄະນະກຳມະການປົກຄອງແຂວງອຽນບ໋າຍ ໄດ້ສະເໜີວ່າ: ໃນອານາຄົດ ທັງສອງແຂວງ ຈະສືບຕໍ່ໃຫ້ບູລິມະສິດ, ຊຸກຍູ້ ແລະ ພັດທະນາຍິ່ງຂຶ້ນ ບັນດາການເຄື່ອນໄຫວໃນຂົງເຂດການສຶກສາ - ອົບຮົມກໍ່ສ້າງ, ສາທາລະນະສຸກ, ກະສິກຳ ແລະ ການທະຫານ. ພ້ອມກັນນັ້ນ ເພີ່ມທະວີແລກປ່ຽນຄະນະແນ່ໃສ່ຮັດແໜ້ນສາຍສຳພັນອັນສະໜິດສະໜົມແໜ້ນແຟ້ນ ລະຫວ່າ ສອງທ້ອງຖິ່ນກໍ່ຄືສອງແຂວງ.

ກ່າວຄຳປາໄສໃນການເຈລະຈາ ທ່ານ ພົງສະຫວັນ ສິດທະວົງ - ກຳມະການສູນກາງພັກປະຊາຊົນປະຕິວັດລາວ, ເລຂາພັກແຂວງ ເຈົ້າແຂວງໆໄຊຍະບູລີ ສະແດງຄວາມຂອບໃຈໃນການຕ້ອນຮັບອັນອົບອຸ່ນ ແລະ ເຕັມໄປດ້ວຍໄມຕີຈິດ ຂອງການນຳ ແຂວງ ອຽນບ໋າຍ ທີ່ມອບໃຫ້ແກ່ ຄະນະການນຳຂອງແຂວງໄຊຍະບູລີ.

ກ່ຽວກັບທິດທາງຮ່ວມມື ຕໍ່ໜ້າ, ທ່ານ ພົງສະຫວັນ ສິດທະວົງ - ກຳມະການສູນກາງພັກປະຊາຊົນປະຕິວັດບາວ, ເລຂາພັກແຂວງ ເຈົ້າແຂວງໆໄຊຍະບູລີ ໄດ້ສະເໜີ ການຊ່ວຍເຫຼືອ ດ້ານງົບປະມານ ຈາກແຂວງອຽນບ໋າຍ ໃນປີ 2019, ທີ່ແຂວງໄຊຍະບູລີ ຈະນຳໃຊ້ໃນການ ຊື້ເຄື່ອງຟອກໄຕ ແລະ ປະສານສົມທົບ ເພື່ອກໍ່ສ້າງ ສຳນັກງານຂອງພະແນກ ການພົວພັນຕ່າງປະເທດ ແຂວງໄຊຍະບູລີ; ພ້ອມກັນນັ້ນກໍ່ຫວັງວ່າ ແຂວງອຽນບ໋າຍ ຈະສ້າງເງື່ອນໄຂອຳນວຍຄວາມສະດວກໃຫ້ແກ່ບັນດາພະແນກການ, ອົງການຈັດຕັ້ງ ແລະ ຂະແໜງການຕ່າງໆຂອງແຂວງໄດ້ແລກປ່ຽນຄະນະ ເພື່ອຖອດຖອນບົດຮຽນ ແລກປ່ຽນປະສົບການ, ຊຸກຍູ້ບັນດາວິສາຫະກິດ ອຽນບ໋າຍ ມາສຳຫຼວດ ແລະ ລົງທຶນ ຢູ່ແຂວງໄຊຍະບູລີ.

ການນຳຂອງສອງແຂວງ ຮ່ວມເຊັນບົດບັນທຶກຄວາມເຂົ້າໃຈລະຫວ່າງສອງແຂວງ.

ບົນພື້ນຖານບັນດາໝາກຜົນທີ່ບັນລຸໄດ້ໃນສາຍສຳພັນຮ່ວມມື ລະຫວ່າງ ສອງແຂວງໃນ 6 ເດືອນຜ່ານມາ, ໃນຕໍ່ໜ້າ ສອງແຂວງ ຈະສືບຕໍ່ເຊັນສັນຍາ ຜັນຂະຫຍາຍບັນດາຂໍ້ຕົກລົງຮ່ວມມືກັນໃນຂົງເຂດຕ່າງໆຄື: ແລກປ່ຽນຄະນະ, ການທະຫານ, ການສຶກສາ ແລະ ບໍາລຸງສ້າງ, ເທັກໂນໂລຊີຂໍ້ມູນຂ່າວສານ, ກໍ່ສ້າງພື້ນຖານໂຄງລ່າງ ແລະ ການເຄື່ອນໄຫວອື່ນໆຕາກເນື້ອໃນລະອຽດ.

ຄະນະການນຳທັງສອງແຂວງ ຮ່ວມຖ່າຍຮູບເປັນທີ່ລະນຶກ.

（ຫັດ​ທະ​ບູນ）