“ເສັ້ນທາງຂອງການໄດ້ຮັບເປັນມໍລະດົກໂລກ” ຂອງຫວຽດນາມ ແລະ ລາວ

ກົງສຸນຫວຽດນາມ ປະຈຳ ແຂວງພາກເໜືອຂອງ ສປປ ລາວ ໄດ້ປະສານສົມທົບກັບ ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວແຂວງຫຼວງພະບາງ ຈັດກອງປະຊຸມຊຸກຍູ້-ຮ່ວມມື ດ້ານການທ່ອງທ່ຽວ ລະຫວ່າງບັນດາແຂວງຂອງຫວຽດນາມ ແລະ ບັນດາແຂວງພາກເໜືອຂອງລາວ ໃນຫົວຂໍ້: “ເສັ້ນທາງຂອງການໄດ້ຮັບເປັນມໍລະດົກໂລກ”.

ສອງຝ່າຍມອບບົດບັນທຶກການຮ່ວມມືດ້ານທ່ອງທ່ຽວລະຫວ່າງບັນດາທ້ອງຖິ່ນຂອງສອງປະເທດຫວຽດນາມ-ລາວ. (ພາບ: vov.vn)

ຢູ່ທີ່ກອງປະຊຸມ, ຝ່າຍຫວຽດນາມນຳໂດຍ ທ່ານ ວູ້ ດັງແມັງ ກົງສຸນໃຫຍ່ ແຫ່ງ ສສ ຫວຽດນາມ ປະຈຳ ແຂວງພາກເໜືອລາວ, ​ຜູ້ແທນ ພະແນກ ວັດທະນະທຳ - ກິລາ ຂອງ ແຂວງ ດ້ຽນບຽນ, ແຂວງລາຍເຈົ່າ, ລ່າວກາຍ ແລະ ຟູ໋ເຖາະ.

ທາງຝ່າຍລາວມີບັນດາຜູ້ແທນ ພະແນກ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ຂອງ ແຂວງຫຼວງພະບາງ, ແຂວງອຸດົມໄຊ, ແຂວງຫົວພັນ, ແຂວງບໍ່ແກ້ວ, ແຂວງຫຼວງນ້ຳທາງ ພ້ອມດ້ວຍບັດດາວິສາຫະກິດ ດຳເນີນທຸລະກິດທ່ອງທ່ຽວ ແລະ ບໍລິການ ຂອງສອງຝ່າຍເຂົ້າຮ່ວມ.
ບັນດາການນຳຂອງແຕ່ລະແຂວງ ໄດ້ແນະນຳສະເໜີ ສະພາບການ ຂອງ ການພັດທະນາ ເສດຖະກິດ - ສັງຄົມ, ຄວາມສາມາດບົມຊ້ອນ, ທ່າແຮງໃນການພັດທະນາ ທ່ອງທ່ຽວ ແລະ ແບ່ງປັນໂອກາດໃນການເຊື່ອມໂຍງ, ຮ່ວມມືພັດທະນາ ການທ່ອງທ່ຽວ ລະຫວ່າງ ບັນດາແຂວງພາກເໜືອລາວ ແລະ ບັນດາແຂວງພາກຕາເວັນຕົກສ່ຽງເໜືອຂອງຫວຽດນາມ.

ບັນຍາກາດກອງປະຊຸມ.

ດ້ວຍຕັ້ງພູມສັນຖານທີ່ອຳນວຍຄວາມສະດວກ, ຄວາມສາມາດບົມຊ້ອນທີ່ຫຼາກຫຼາຍ ແລະ ອຸດົມສົມບູນ, ສອງຝ່າຍສາມາດຮ່ວມມື ສ້າງ ທົວທ່ອງທ່ຽວ, ເສັ້ນທາງການທ່ອງທ່ຽວ, ດຶງດູດແຂກທ່ອງທ່ຽວ ຈາກບັນດາແຂວງພາກຕາເວັນອອກສ່ຽງເໜືອຂອງ ປະເທດໄທ ຜ່ານແຂວງບໍ່ແກ້ວ, ເຊື່ອມຕໍ່ກັບເມືອງເກົ່າຫຼວງພະບາງ; ຮ່ວມກັນພັດທະນາ ເສັ້ນທາງການທັດສະນະ, ຊົມທິວທັດທຳມະຊາດອັນໜ້າຊື່ນຊົມເປັນພິເສດຈາກ ແຂວງອຸດົມໄຊ ມາຍັງ ແຂວງດ້ຽນບຽນ ທ່ຽວຊົມ ສະຖານທີ່ທາງປະຫວັດສາດ, ວັດທະນະທຳ, ສຳຜັດກັບບັນຍາກາດທ່ອງທ່ຽວລະດູໜາວ, ທຳມະຊາດເມືອງຊາປາ ກັບມາ ຮ່າໂນ້ຍ... ແລະ ລາຍການທ່ອງທ່ຽວຈຳນວນອື່ນໆ.

ຕາມຫົວໜ້າກົມທ່ອງທ່ຽວຫວຽດນາມ ໄດ້ໃຫ້ຮູ້ວ່າ: ປີ 2017 ແຂກທ່ອງທ່ຽວ ເຂົ້າມາທ່ອງທ່ຽວ ໃນສອງປະເທດມີຫຼາຍກວ່າ 1 ລ້ານ ເທື່ອຄົນ ປະມານ 137 ຖ້ຽວ.

ໃນນັ້ນມີຈຳນວນນັກທ່ອງທ່ຽວຄົນລາວ ໄປທ່ຽວດ ຫວຽດນາມ ຫຼາຍກວ່າ 137 ຄັ້ງ ແລະ ແຂກຫວຽດນາມ ປະມານ 1 ລ້ານເທື່ອຄົນ ມາທ່ຽວ ສປປ ລາວ.

ນອກນັ້ນຈຳນວນແຂກທ່ອງທ່ຽວຈາກປະເທດທີ່ສາມ ທີ່ເຂົ້າມາທ່ອງທ່ຽວທັງລາວ ແລະ ຫວຽດນາມ ຫຼາຍເປັນ ອັນດັບໜຶ່ງ ແມ່ນ ບັນດາປະເທດເອີຣົບ, ອາເມລິກາ, ອອດສະເຕເລຍ ແລະ ຢີ່ປຸ່ນ, ຕາມເສັ້ນທາງທ່ອງທ່ຽວເຊື່ອມຕໍ່ກັນຂອງ ບັນດາສູນກາງມໍລະດົກຂອງລາວ ແລະ ຫວຽດນາມ ກໍ່ເພີ່ມຂຶ້ນຫຼາຍສົມຄວນ.

ນີ້ນແມ່ນໂອກາດອັນດີໃຫ້ແກ່ຂະແໜງການທ່ອງທ່ຽວ ຂອງສອງປະເທດ ຫວຽດນາມ ແລະ ລາວ ເວົ້າລວມ, ບັນດາແຂວງພາກຕາເວັນຕົກສ່ຽງເໜືອ ຫວຽດນາມ ແລະ ພາກເໜືອຂອງລາວ ເວົ້າສະເພາະ ໃນການເພີ່ມທະວີ ຮ່ວມມືພັດທະນາ ການທ່ອງທ່ຽວ.

（ຫັດ​ທະ​ບູນ）