 |
ບັນຍາກາດກອງປະຊຸມ ແລກປ່ຽນ ລະຫວ່າງ ນະຄອນຫຼວງວຽງຈັນ ແລະ ນະຄອນຫຼວງຮ່າໂນ້ຍ.
ການພົບປະ ແລະ ເຮັດວຽກຄັ້ງນີ້ ທັງສອງຝ່າຍໄດ້ຜັດປ່ຽນກັນຂຶ້ນລາຍງານ ສະພາບພົ້ນເດັ່ນຂອງການພັດທະນາເສດຖະກິດ ແລະ ການຈັດຕັ້ງປະຕິບັດວຽກງານກວດກາຂອງຕົນໃຫ້ແກ່ກັນຊາບ ໂດຍສະເພາະແມ່ນຂໍ້ສະດວກ ແລະ ຂໍ້ຫຍຸ້ງຍາກຂອງການຈັດຕັ້ງປະຕິບັດວຽກງານກວດກາ ແນໃສ່ເປັນການຖອດຖອນ ແລກປ່ຽນບົດຮຽນເຊິ່ງກັນ ແລະ ກັນ ປະກອບສ່ວນເຂົ້າໃນວຽກງານການຕ້ານ ແລະ ສະກັດກັ້ນການສໍ້ລາດບັງຫຼວງ ພ້ອມທັງປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງນະຄອນຫຼວງວຽງຈັນ ແລະ ນະຄອນຫຼວງຂອງ ສສ ຫວຽດນາມ ໃຫ້ມີຄວາມຈະເລີນສີວິໄລເປັນກ້າວໆ ນອກນັ້ນ ສຳລັບການຮ່ວມມືໃນຕໍ່ໜ້າ ທ່ານເຈົ້າຄອງນະຄອນຫຼວງວຽງຈັນ ໄດ້ສະເໜີຂໍການຮ່ວມມືແລກປ່ຽນບົດຮຽນວຽກງານກວດກາໃນລະດັບທ້ອງຖິ່ນ (ນະຄອນຫຼວງວຽງຈັນ ກັບ ຮ່າໂນ້ຍ ຫຼື ແຂວງອື່ນບ່ອນມີເງື່ອນໄຂ) ເປັນຕົ້ນ ການເກັບກຳຂໍ້ມູນ ການແກ້ໄຂຂໍ້ຂັດແຍ່ງ ຄຳຮ້ອງຄຳສະເໜີຂອງປະຊາຊົນ ການສືບສວນ-ສອບສວນ ການຕ້ານການສໍ້ລາດບັງຫຼວງ ແລະ ອື່ນໆ ນອກນັ້ນ ຍັງໄດ້ຕີລາຄາສູງຕໍ່ຜົນສຳເລັດ ແລະ ການຮ່ວມມືຊ່ວຍເຫຼືອເຊິ່ງກັນ ແລະ ກັນຮອບດ້ານ ລະຫວ່າງ ນະຄອນຫຼວງວຽງຈັນ ແລະ ນະຄອນຫຼວງຂອງ ສສ ຫວຽດນາມ ໄລຍະຜ່ານມາ ເຊິ່ງສິ່ງດັ່ງກ່າວ ມັນໄດ້ສະແດງໃຫ້ເຫັນເຖິງສາຍພົວພັນຄວາມສາມັກຄີແບບພິເສດ ລະຫວ່າງ ລາວ-ຫວຽດນາມ ທີ່ມີມາແຕ່ດົນນານ ພ້ອມທັງຈະສືບຕໍ່ການຮ່ວມມືພັດທະນາຢ່າງແຂງແຮງ ປະກອບສ່ວນສາຍພົວພັນຮ່ວມມືທຸກຂົງເຂດໃຫ້ມີການຂະຫຍາຍຕົວຍິ່ງໆຂຶ້ນ.
（ແຫຼ່ງຂໍ້ມູນ： vientianemai.net）
