 |
ມື້ວັນທີ 5 ພະຈິກ ກຳມະການສູນກາງພັກ ຫງວ໋ຽນ ຊົນຖັງ ໄດ້ໃຫ້ການຕ້ອນຮັບ ຮອງປະທານ ສະພາວິທະຍາສາດ ສັງຄົມ ແຫ່ງຊາດລາວ ທີ່ກຳລັງມາຢ້ຽມຢາມ ແລະ ເຮັດວຽກ ຢູ່ ຫວຽດນາມ.
ໃນການຕ້ອນຮັບ ສະຫາຍ ນາມ ວິຍາເກດ ຮອງປະທານສະພາ ວິທະຍາສາດ ສັງຄົມ ແຫ່ງຊາດລາວ ທີ່ກຳລັງຢ້ຽມຢາມ ແລະ ເຮັດວຽກ ຢູ່ ຫວຽດນາມ, ສະຫາຍ ຫງວ໋ຽນ ຊົນຖັງ ກຳມະການສູນກາງພັກ ປະທານສະພາ ທິດສະດີ ສູນກາງ ອຳນວຍການ ສະຖາບັນ ການເມືອງແຫ່ງຊາດ ໂຮ່ຈີ໋ມິງ ສະແດງຄວາມດີໃຈຕໍ່ບັນດາຜົນສຳເລັດອັນສຳຄັນ ທີ່ ລາວຍາດໄດ້ ພາຍຫຼັງ 30 ປີ ຂອງການປ່ຽນແປງໃໝ່ ແລະ 3 ປີ ແຫ່ງການຈັດຕັ້ງປະຕິບັດ ມະຕິ 10 ຂອງພັກ; ທ່ານຍັງຕີລາຄາສູງໝາກຜົນຂອງການຮ່ວມມືລະຫວ່າງ ສະພາວິທະຍາສາດ ສັງຄົມແຫ່ງຊາດລາວ ກັບ ສະພາທິດສະດີ ສູນກາງ ທີ່ຜ່ານມາ; ທ່ານ ເຊື່ອໝັ້ນວ່າໃນອານາຄົດອັນໄກ້ນີ້ ທັງສອງຝ່າຍຈະສືບຕໍ່ຮ່ວມມືຮັດແໜ້ນ ໃນແມ່ນການຈັດ ກອງປະຊຸມສຳມະນາ ທິດສະດີ ຄັ້ງທີ 7 ລະຫວ່າງ ສອງພັກ ຢູ່ ສສ ຫວຽດນາມ.
ສະຫາຍ ຫງວ໋ຽນ ຊົນຖັງ ກໍ່ເຊື່ອໝັ້ນວ່າທັງສອງຝ່າຍຈະຈັດຕັ້ງປະຕິບັດດີຂື້ນຕື່ມ ກ່ຽວກັບວຽກງານ ການຄົ້ນຄວ້າວິທະຍາສາດ, ຕື່ນຕົວ, ຕັ້ງໜ້າ ເສນາທິການໃຫ້ສອງພັກ, ສອງລັດ ກ່ຽວກັບວຽກງານ ແນວຄິດ, ທິດສະດີ, ປະກອບສ່ວນຢ່າງຕັ້ງໜ້າເຂົ້າໃນການ ກຳນົດທິດທາງພັດທະນາ ຂອງສອງພັກ ແລະ ສອງລັດ.
（ຫັດທະບູນ）
