ນາຍົກລັດຖະມົນຕີຫວຽດນາມ ຕ້ອນຮັບ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກ

ນາຍົກລັດຖະມົນຕີຫວຽດນາມ ຕ້ອນຮັບ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກ. (ພາບ: Chinhphu.vn)

ທ່ານນາຍົກລັດຖະມົນຕີ ຫງວ໋ຽນຊົນ ຟຸກ ຊົມເຊີຍ ລັດຖະມົນຕີ ເພັດ ພົມພິພັກ ທີ່ມາຢ້ຽມຢາມ ແລະ ເຮັດວຽກ ຢູ່ ຫວຽດນາມ ປະກອບສ່ວນໃນການຊຸມຍູ້ສາຍພົວພັນມິດຕະພາບ ລະຫວ່າງ ສອງປະເທດ.

ຕີລາຄາສູງຕໍ່ກັບຜົນສຳເລັດຂອງການເຮັດວຽກ ລະຫວ່າງ ລັດຖະມົນຕີ ເພັດ ພົມພິພັກ ແລະ ລັດຖະມົນຕີ , ຫົວໜ້າ ຫ້ອງວ່າການລັດຖະບານ ຫວຽດນາມ ມາຍຕ໋ຽນ ຢຸ໋ງ, ສະເໜີໃຫ້ທັງສອງກະຊວງ ສືບຕໍ່ປະສານສົມທົບໃນການພັດທະນາ ຜັນຂະຫຍາຍ ບັນດາເນື້ອໃນຮ່ວມມື ລະຫວ່າງ ສອງອົງການ ກໍ່ຄືບັນດາສົນທິສັນຍາຮ່ວມມືລະຫວ່າງສອງຊາດ ລາວ-ຫວຽດນາມ.

ທ່ານລັດຖະມົນຕີ ເພັດ ພົມພິພັກ ໄດ້ນຳສົ່ງຂໍ້ຄວາມສະແດງຄວາມເສຍໃຈຢ່າງສຸດຊື້ງ ແບ່ງປັນຄວາມທຸກໂສກ ຂອງພັກ, ລັດ ແລະ ປະຊາຊົນ ມາຍັງ ການນຳຂອງພັກ, ລັດ ແລະ ປະຊາຊົນຫວຽດນາມ ຕໍ່ການຈາກໄປ ຂອງ ສະຫາຍອາດີ ເລຂາທິການໃຫຍ່ ໂດ໋ເມື່ອຍ.

ທ່ານລັດຖະມົນຕີ ເພັດ ພົມພິພັກ ໄດ້ກ່າວລາຍງານ ແກ່ ທ່ານນາຍົກລັດຖະມົນຕີ ຫວຽດນາມ ຫງວ໋ຽນຊົນ ຟຸກ ກ່ຽວກັບຜົນສຳເລັດຂອງການຮ່ວມມື ລະຫວ່າງ ຫ້ອງວ່າການສຳນັກງານນາຍຍົກລັດຖະມົນຕີ ລາວ ແລະ ຫ້ອງວ່າການສຳນັກງານລັດຖະບານ ຫວຽດນາມ ໃນໄລຍະທີ່ຜ່ານມາ.

ທ່ານລັດຖະມົນຕີ ເພັດ ພົມພິພັກ ໄດ້ໃຫ້ຮູ້ວ່າ ລັດຖະບານລາວ ມີຄວາມມຸ້ງມາດປາດຖະໜາເປັນຢ່າງຍິ່ງວ່າ ລັດຖະບານຫວຽດນາມ ຈະສືບຕໍ່ໃຫ້ການຮ່ວມມື, ແບ່ງປັນບົດຮຽນກໍ່ຄືປະສົບການໃນການ ບໍລິຫານ, ຄຸ້ມຄອງເສດຖະກິດມະຫາພາກ, ໃນນັ້ນມີການສົ່ງຊ່ຽວຊານທີ່ເກັ່ງເພື່ອຮ່ວມມືກັບຊ່ຽວຊານ ຂອງ ສປປ ລາວ.

ທ່ານນາຍົກລັດຖະມົນຕີ ຫງວ໋ຽນຊົນ ຟຸກ ແຫ່ງ ສສ ຫວຽດນາມ ໃຫ້າກຽດຖ່າຍຮູບເປັນທີ່ລະນືກກັບ ຄະນະພະນັກງານຂອງ ສປປ ລາວ.

ຕ່າງໜ້າໃຫ້ການນຳຂອງພັກ, ລັດ ແລະ ປະຊາຊົນຫວຽດນາມ ທ່ານນາຍົກລັດຖະມົນຕີ ຫງວ໋ຽນຊົນ ຟຸກ ໄດ້ສະແດງຄວາມຂອບອົກຂອບໃຈ ນຳ ການນຳພັກ, ລັດ ແລະ ປະຊາຊົນຫວຽດນາມ ທີ່ໄດ້ສົ່ງຂໍ້ຄວາມແບ່ງປັນຄວາມທຸກໂສກ ຕໍ່ການຈາກໄປຂອງສະຫາຍ ອາດີດ ເລຂາທິການໃຫຍ່ ໂດ໋ເມື່ອຍ.

ທ່ານນາຍົກລັດຖະມົນຕີ ຕີລາຄາສູງຜົນສຳເລັດອັນກ້າວໜ້າເປັນທີ່ໜ້າເພິ່ງພໍໃຈຂອງ ເສດຖະກິດ-ສັງຄົມ ລາວ ໃນໄລຍະທີ່ຜ່ານມາ ແລະ ເຫັນດີເປັນເອກກະພາບຕໍ່ການສະເໜີຂອງທ່ານລັດຖະມົນຕີ ກ່ຽວກັບວຽກງານການແບ່ງປັນບົດຮຽນກໍ່ຄືປະສົບການ, ໃນການບໍລິຫານ, ພັດທະນາເສດຖະກິດ-ສັງຄົມ ກັບ ສປປ ລາວ.

ທ່ານນາຍົກລັດຖະມົນຕີໄດ້ມອບໝາຍໃຫ້ບັນດາການນຳຂອງແຕ່ລະກະຊວງ, ຂະແໜງການ ສືບຕໍ່ຍູ້ແຮງການຮ່ວມມືກັບພະນັກງານກະຊວງ, ຂະແໜງການ ຂອງ ສປປ ລາວ ແລະ ມີຄວາມມຸ້ງມາດປາດຖະໜາເປັນຢ່າງຍິ່ງວ່າ ທັງສອງຝ່າຍຈະຮ່ວມກັນຊຸກຍູ້ບັນດາ ໂຄງການ, ປືກສາຫາລື ແລະ ບັນດາໂຄງການທີ່ກຳລັງລົງມືເຮັດໃນປະຈຸບັນ.

（ຫັດ​ທະ​ບູນ）