 |
ພາບປະກອບຈາກ: kongthap.gov.la
ໂດຍການເຂົ້າຮ່ວມຂອງສະຫາຍພົນຈັດຕະວາ ສຸລິນພອນ ຄຳພະຈັນ ກຳມະການຄະນະປະຈຳພັກແຂວງ ຫົວໜ້າການເມືອງກອງບັນຊາການທະຫານແຂວງຫົວພັນແຫ່ງ ສປປ.ລາວ ແລະສະຫາຍພັນເອກພິເສດ ຮວາງດິງເຕື່ອງ ຫົວໜ້າການເມືອງກອງບັນຊາການທະຫານແຂວງເຊິນລາ ແຫ່ງ ສສ.ຫວຽດນາມ ພ້ອມດ້ວຍຄະນະທັງສອງຝ່າຍເຂົ້າຮ່ວມນຳ. ກອງປະຊຸມຄະນະຜູ້ແທນທັງສອງຝ່າຍໄດ້ຜັດປ່ຽນກັນຂຶ້ນລາຍງານສະພາບການເຄື່ອນໄຫວວຽກງານດ້ານຕ່າງໆ ແລະການຮ່ວມມືຮອບດ້ານຂອງສອງກົມກອງໃຫ້ກັນໄດ້ຮັບຊາບໃນນີ້ໄດ້ຍົກໃຫ້ເຫັນເຖິງວຽກງານປ້ອງກັນຊາດ-ປ້ອງກັນຄວາມສະຫງົບ, ການພັດທະນາເສດຖະກິດ, ວັດທະນະທຳ-ສັງຄົມ, ໃນປີ 2018 ນີ້ເຫັນວ່າສະພາບມີຄວາມສະຫງົບເປັນປົກກະຕິ, ມີສະຖຽນລະພາບທາງດ້ານການເມືອງ, ສັງຄົມມີຄວາມເປັນລະບຽບຮຽບຮ້ອຍ, ພື້ນຖານເສດຖະກິດມີການຂະຫຍາຍຕົວຢ່າງຕໍ່ເນື້ອງ, ສຸມໃສ່ປັບປຸງກົມກອງໃຫ້ມີຄວາມເຂັ້ມແຂງ, ເອົາໃຈໃສ່ແກ້ໄຂຊີວິດການເປັນຢູ່ຂອງນາຍ ແລະພົນທະຫານໃຫ້ດີຂຶ້ນເທື່ອລະກ້າວດ້ວຍຈິດໃຈເພິ່ງຕົນເອງ, ກຸ້ມຕົນເອງ ແລະສ້າງຄວາມເຂັ້ມແຂງດ້ວຍຕົນເອງ, ເພີ່ມທະວີການຮ່ວມມືຮອບດ້ານກັບເພື່ອນມິດຍຸດທະສາດ-ສາກົນ ແກ້ໄຂຄວາມບໍ່ສະຫງົບທາງດ້ານການເມືອງ, ຄວາມບໍ່ເປັນລະບຽບຮຽບຮ້ອຍລຽບຕາມເສັ້ນຊາຍແດນ ແລະປາກົດການຫຍໍ້ທໍ້ຕ່າງໆໃຫ້ໝົດໄປ, ກ່ຽວກັບການຮ່ວມມືສອງກອງບັນຊາການທະຫານແຂວງ ຫົວພັນ-ເຊີນລາ ໄດ້ສືບຕໍ່ສ່ອງແສງລາຍງານ ແລກປ່ຽນບົດຮຽນເພື່ອພ້ອມກັນສະກັດກັ້ນການເຄື່ອນຍ້າຍໄປມາ, ການຄ້າຂາຍເຖື່ອນ, ການຂຸດຄົ້ນຊັບພະຍາກອນທຳມະຊາດຕັ້ງພູມລຳເນົາທີ່ບໍ່ຖືກຕ້ອງຕາມລະບຽບກົດໝາຍ, ພ້ອມທັງໃຫ້ການຊ່ວຍເຫຼືອເຊິ່ງກັນ ແລະກັນ, ທັງນີ້ກໍ່ເພື່ອເປັນການຢັ້ງຢືນເຖິງຄວາມສາມັກຄີ ແລະຜົນງານອັນໃຫຍ່ຫຼວງການພົວພັນຮ່ວມມືແບບພິເສດລະຫວ່າງສອງພັກ, ສອງຊາດລາວ-ຫວຽດນາມ ໂດຍສະເພາະແມ່ນການພົວພັນສອງກອງບັນຊາການທາະຫານແຂວງ ຫົວພັນ-ເຊິນລາ ຈົ່ງໝັ້ນຄົງທະນົງແກ່ນຕະຫຼອດກາລະນານ. ທັງສອງຝ່າຍໄດ້ລົງນາມບົດບັນທຶກຊ່ວຍຈຳຮ່ວມມືນຳກັນ ແລະໃນໂອກາດດັ່ງກ່າວຄະນະຜູ້ແທນກອງບັນຊາການທະຫານແຂວງເຊີນລາ ຍັງໄດ້ລົງຢ້ຽມຢາມໂຮງຮຽນທະຫານທ້ອງຖິ່ນໂຮງໝໍທະຫານແຂວງອີກດ້ວຍ.
（ແຫຼ່ງຂໍ້ມູນ： ໄຜ່ຄຳ ແກ້ວສອນພຽນ/ກປ.ອອນໄລ）
