 |
ພະນະທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ຫງ໋ວຽນຮວາ ບິງ ເລຂາທິການສູນກາງພັກ, ປະທານສານປະຊາຊົນສູງສຸດແຫ່ງ ສສ.ຫວຽດນາມ.
ໃນໂອກາດດັ່ງກ່າວ, ທ່ານ ບຸນຍັງ ວໍລະຈິດ ໄດ້ສະແດງຄວາມຍິນດີຕ້ອນຮັບ ແລະ ຕີລາສູງຕໍ່ ທ່ານ ຫງ໋ວຽນຮວາ ບິງ ພ້ອມດ້ວຍຄະນະ ໃນການເດີນທາງມາຢ້ຽມຢາມ ສປປ ລາວ ໃນຄັ້ງນີ້, ເຊິ່ງເປັນ ການປະກອບ ສ່ວນອັນສຳຄັນ ເຂົ້າໃນການເສີມຂະຫຍາຍມູນເຊື້ອ ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ໂດຍສະເພາ ະໃນຂົງ ເຂດວຽກງານ ສານ ປະຊາຊົນສູງສຸດ ລາວ-ຫວຽດນາມ ໃຫ້ນັບມື້ແຕກດອກອອກຜົນຈະເລິນງອກງາມຍິ່ງໆຂຶ້ນ.
ພ້ອມນີ້, ທ່ານ ຫງ໋ວຽນ ຮວາ ບິງ ກໍໄດ້ສະແດງຄວາມຂອບໃຈ ຕໍ່ ທ່ານ ບຸນຍັງ ວໍລະຈິດ ທີ່ໃຫ້ການຕ້ອນຮັບຢ່າງອົບອຸ່ນໃນຄັ້ງນີ້, ພ້ອມທັງແຈ້ງສະພາບການເດີນທາງມາຢ້ຽມຢາມ ແລະ ເຮັດວຽກ ໃນການສືບ ຕໍ່ພົບປະແລກປ່ຽນເຊິ່ງກັນ ແລະ ກັນ ໃນວຽກງານຕ່າງໆ ລະຫວ່າງ ສານປະຊາຊົນສູງສຸດຫວຽດນາມ-ລາວ. ພ້ອມສະແດງຄວາມຢືນຢັນວ່າ ຈະສືບຕໍ່ເສີມຂະຫຍາຍສາຍພົວພັນ ແລະ ການຮ່ວມມືອັນເປັນມູນເຊື້ອ ລະຫວ່າງ 2 ປະເທດຫວຽດນາມ-ລາວ, ລາວ-ຫວຽດນາມ ໃຫ້ແຕກດອກອອກຜົນ ແລະ ແໜ້ນແຟ້ນຍິ່ງຂຶ້ນ.
（ແຫຼ່ງຂໍ້ມູນ： ຂປລ）
