 |
ສະຫາຍ ຈິ້ງວັນຈ໋ຽນ ກຳມະການສູນກາງພັກ, ເລຂາພັກແຂວງ ປະທານສະພາປະຊາຊົນແຂວງ ມອບຊໍ່ດອກໄມ້ຕ້ອນຮັບ ພະນະທ່ານ ເລຂາທິການໃຫຍ່ ປະທານປະເທດ ສປປ ລາວ ບຸນຍັງ ວໍລະຈິດ. (ພາບ:baothanhhoa.vn)
ຮ່ວມຄະນະມີສະຫາຍ ກຳມະການກົມການເມືອງ: ບຸນທອງ ຈິດມະນີ ກຳມະການສູນກາງພັກ, ຮອງນາຍົກລັດຖະມົນຕີ , ຫົວໜ້າກຳມະການ ກວດກາສູນກາງ, ປະທານກວດກາພັກ-ລັດ; ສະຫາຍ ຈັນສະໝອນ ຈັນຍະລາດ, ລັດຖະມົນຕີ ກະຊວງປ້ອງກັນປະເທດ; ບັນດາສະຫາຍ ໃນກົມການເມືອງສູນກາງພັກ; ຕ່າງໜ້າບັນດາກະຊວງ, ທະບວງ ສູນກາງ ແຫ່ງ ສປປ ລາວ.
ຮ່ວມຄະນະ ຝ່າຍ ສູນກາງ ສສ ຫວຽດນາມ ມີບັນດາສະຫາຍ ກຳມະການສູນກາງພັກ; ທ່ານ ຮວ່າງບິ່ງກົນ, ຫົວໜ້າການຕ່າງປະເທດ ສູນກາງ; ທ່ານ ດ່າວຫວຽດຈຸງ ຫົວໜ້າຫ້ອງການປະທານປະເທດ; ການນຳຂອງກະຊວງ, ທະບວງ ສູນກາງ.
ຕ້ອນຮັບສະຫາຍ ເລຂາທິການໃຫຍ່ ປະທານປະເທດ ສປປ ລາວ ບຸນຍັງ ວໍລະຈິດ ແລະ ຄະນະ ຝ່າຍ ແຂວງ ແທັງຫວ໋າ ມີບັນດາສະຫາຍ ຈິ້ງວັນຈ໋ຽນ ກຳມະການສູນກາງພັກ, ເລຂາພັກແຂວງ ປະທານສະພາປະຊາຊົນແຂວງ; ທ່ານ ໂດ໋ຈ້ອງຮຶງ ຮອງເລຂາປະຈຳພັກແຂວງ, ຫົວໜ້າ ຄະນະຜູ້ແທນສະພາແຫ່ງຊາດແຂວງ; ຫງວ໋ຽນດີ່ງຊືງ ຮອງເລຂາພັກແຂວງ, ເຈົ້າແຂວງແທັງຫວ໋າ; ເລທິທິ່ນ ກຳມະການປະຈຳພັກແຂວງ ຮອງເຈົ້າແຂວງ; ແລະ ຕ່າງໜ້າການນຳຂອງພະແນກການຕ່າງໆຂັ້ນແຂວງ.
 |
ເລຂາທິການໃຫຍ່ ປະທານປະເທດ ສປປ ລາວ ບຸນຍັງ ວໍລະຈິດ ເຮັດວຽກກັບແຂວງ ແທັງຫວ໋າ.(ພາບ:baothanhhoa.vn)
ທີ່ການຕ້ອງຮັບ ຕ່າງໜ້າກຳມະການພັກແຂວງ, ອຳນາດການປົກຄອງ ແລະ ປະຊາຊົນບັນດາເຜົ່າຂອງແຂວງ ແທັງຫວ໋າ, ສະຫາຍ ຈິ້ງວັນຈ໋ຽນ ກຳມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງ ສະແດງຄວາມຍິນດີ ຊົມເຊີຍທີ່ໄດ້ຕ້ອນຮັບ ທ່ານເລຂາທິການໃຫຍ່ ປະທານປະເທດ ສປປ ລາວ ບຸນຍັງ ວໍລະຈິດ ແລະ ຄະນະ ມາຢ້ຽມຢາມ ແລະ ເຮັດວຽກຢູ່ແຂວງ ແທັງຫວ໋າ ໃນຂອບເຂດການຢ້ຽມຢາມມິດຕະພາບ ຫວຽດນາມຢ່າງເປັນທາງການ . ພ້ອມກັນນັ້ນ ຢັ້ງຢືນວ່າ ການຢ້ຽມຢາມຄັ້ງນີ້ຂອງສະຫາຍ ເລຂາທິການໃຫຍ່ ຈະຮັດແໜ້ນສາຍພົວພັນ, ເຊື່ອໝັ້ນ ລະຫວ່າງການນຳຂັ້ນສຸງຂອງພັກ-ລັດ. ຈາກນັ້ນ ສະຫາຍເລຂາພັກແຂວງ ແຂວງແທັງຫວ໋າ ໄດ້ລາຍງານໂດຍຫຍໍ້ ກ່ຽວກັບພູມສັນຖານ, ບັນດາຜົນສຳເລັດທີ່ບັນລຸໄດ້ໃນການພັດທະນາເສດຖະກິດ-ສັງຄົມ, ຮັບປະກັນຄວາມສະຫງົບພາຍໃນແຂວງແທັງຫວ໋າ ແລະ ສາຍພົວພັນຮ່ວມມື ລະຫວ່າງ ແຂວງແທັງຫວ໋າ ແລະ ແຂວງຫົວພັນ ໃນຊຸມປີຜ່ານມາ. ບັນລຸໄດ້ຜົນສຳເລັດດັ່ງກ່າວມານັ້ນ ຄຽງຄູ່ກັບການສ້າງເງື່ອນໄຂສະດວກຊ່ວຍເຫຼືອຂອງສູນກາງ, ຍັງໄດ້ຮັບຄວາມເອົາໃຈໃສ່, ໃຫ້ກຳລັດໃຈປະສານສົມທົບ ອັນໜັກແໜ້ນຂອງ ສປປ ລາວ, ພິເສດແມ່ນແຂວງຫວົພັນ. ພ້ອມກັນນັ້ນ ຫວັງເປັນຢ່າງຍິ່ງວ່າ ດ້ວຍຄວາມຊື່ສັດ ຄຽງບ່າຄຽງໄລ່ ແລະ ຊ່ວຍເຫຼືອເຊິ່ງກັນແລະກັນ ຂອງສອງພັກ, ສອງຊົນເຜົ່າ ລາວ-ຫວຽດນາມເວົ້າລວມ, ແຂວງແທັງຫວ໋າ ແລະ ແຂວງຫົວພັນເວົ້າສະເພາະ ທັງສອງຝ່າຍຈະເສີມສ້າງ ສາຍພົວພັນນັບມື້ນັບມີຄວາມຮັດແໜ້ນ, ໜັກແໜ້ນ ແລະ ພັດທະນາ ຂື້ນສູ່ລະດັບໃໝ່; ພ້ອມກັນນັ້ນສະແດງຄວາມຕ້ອງການສືບຕໍ່ໄດ້ຮັບຄວາມເອົາໃຈໃສ່, ຊ່ວຍເຫຼືອ ຂອງ ສະຫາຍ ເລຂາທິການໃຫຍ່ ປະທານປະເທດ ສປປ ລາວ, ຈາກສູນກາງພັກ, ສະພາແຫ່ງຊາດ, ລັດຖະບານ, ບັນດາກະຊວງ ທະບວງ ຂອງ ສປປ ລາວ ໃຫ້ແຂວງແທັງຫວ໋າພັດທະນາຂື້ນກວ່າເກົ່າ.
 |
 |
ສະຫາຍເລຂາທິການໃຫຍ່ ປະທານປະເທດ ສປປ ລາວ ແລະ ສະຫານ ກຳມະການສູນກາງພັກ, ເລຂາພັກແຂວງ ປະທານສະພາປະຊາຊົນແຂວງ ມອບຂອງທີ່ລະລຶກທີ່ມີຄວາມໝາຍໃຫ້ກັນ. (ພາບ:baothanhhoa.vn)
ມື້ຕໍ່ມາ ສະຫາຍເລຂາທິການໃຫຍ່ ປະທານປະເທດ ສປປ ລາວ ບຸນຍັງ ວໍລະຈິດ ພ້ອມຄະນະສືບຕໍ່ການຢ້ຽມຢາມ ແລະ ເຮັດວຽກ ຢູ່ແຂວງ ແທັງຫວ໋າ ໂດຍການຢ້ຽມຢາມ ໂຮງງານ ກັ່ນ ແລະ ຜິດນ້ຳມັນ ງີເຊີນ ແຂວງແທັງຫວ໋າ.
 |
ເລຂາທິການໃຫຍ່ ປະທານປະເທດ ສປປ ລາວ ພ້ອມຄະນະ ຢ້ຽມຢາມ ໂຮງງານ ກັ່ນ-ຜລິດນ້ຳມັນ ງີເຊີນ ແຂວງແທັງຫວ໋າ. (ພາບ:baothanhhoa.vn)
ຄະນະຕ້ອນຮັບໃນການຢ້ຽມຢາມ ແລະ ເຮັດວຽກດັ່ງກ່າວມີ: ສູນກາງ ສສ ຫວຽດນາມ ມີບັນດາສະຫາຍ ກຳມະການສູນກາງພັກ; ທ່ານ ຮວ່າງບິ່ງກົນ, ຫົວໜ້າການຕ່າງປະເທດ ສູນກາງ; ທ່ານ ດ່າວຫວຽດຈຸງ ຫົວໜ້າຫ້ອງການປະທານປະເທດ; ສະຫາຍ ຈິ້ງວັນຈ໋ຽນ ກຳມະການສູນກາງພັກ, ເລຂາພັກແຂວງ ປະທານສະພາປະຊາຊົນແຂວງ; ທ່ານ ໂດ໋ຈ້ອງຮຶງ ຮອງເລຂາປະຈຳພັກແຂວງ, ຫົວໜ້າ ຄະນະຜູ້ແທນສະພາແຫ່ງຊາດແຂວງ; ຫງວ໋ຽນດີ່ງຊືງ ຮອງເລຂາພັກແຂວງ, ເຈົ້າແຂວງແທັງຫວ໋າ; ເລທິທິ່ນ ກຳມະການປະຈຳພັກແຂວງ ຮອງເຈົ້າແຂວງ; ແລະ ຕ່າງໜ້າການນຳຂອງພະແນກການຕ່າງໆຂັ້ນແຂວງ.
 |
ຕ່າງໜ້າ ໂຮງງານ ກັ່ນ-ຜລິດນ້ຳມັນ ງີເຊີນ ແຂວງແທັງຫວ໋າ ລາຍງານ ໂດຍຫຍໍ້ກ່ຽວກັບຂັ້ນຕອນການຜລິດ ແລະ ຂະໜາດກຳລັງການຜລິດຂອງໂຮງງານ. (ພາບ:baothanhhoa.vn)
ສະຫາຍເລຂາທິການໃຫຍ່ ປະທານປະເທດ ສປປ ລາວ ບຸນຍັງ ວໍລະຈິດ ຂອບອົກຂອບໃຈຕໍ່ການຕ້ອນຮັບອັນອົບອຸ່ນ ຂອງການນຳແຂວງແທັງຫວ໋າທີ່ມອບໃຫ້ຄະນະ, ພ້ອມກັນນັ້ນ ສະແດງຄວາມຍິນດີຊົມເຊີຍຕໍ່ບັນດາຜົນສຳເລັດ ໃນການພັດທະນາເສດຖະກິດ-ສັງຄົມ ຂອງແຂວງແທັງຫວ໋າ ທີ່ບັນລຸໄດ້ໃນຊຸມປີທີ່ຜ່ານມາ. ສະຫາຍເລຂາທິການໃຫຍ່ ສປປ ລາວ ເຊື່ອໝັ້ນທັງສອງປະເທດເວົ້າລວມ ແລະ ສອງແຂວງ ແທັງຫວ໋າ-ຫົວພັນ ເວົ້າສະເພາະ ຈະສືບຕໍ່ຊ່ວຍເຫຼືອເຊິ່ງກັນແລະກັນພັດທະນາ, ຍ້ອນເປົ້າໝາຍ ປະຊາຊົນຮັ່ງມີ, ປະເທດເຂັ້ມແຂງ, ປະຊາທິປະໄຕ, ເທົ່າທຽມ ແລະ ຈະເລີນຮຸ່ງເຮືອງ. ພ້ອມກັນນັ້ນ ສະຫາຍ ຕີລາຄາສູງສາຍພົວພັນຮ່ວມມືລະຫວ່າງ ສອງແຂວງ ແທັງຫວ໋າ-ຫົວພັນ ໃນຊຸມປີທີ່ຜ່ານມາ ແລະ ຫວັງເປັນຢ່າງຍິ່ງວ່າຈະສືບຕໍ່ໄດ້ຮັບຄວາມເອົາໃຈໃສ່, ຊ່ວຍເຫຼືອຈາກແຂວງແທັງຫວ໋າ ໃນຫຼາຍປີຕໍ່ໜ້າ ປະກອບສ່ວນເພີ່ມທະວີຄວາມສາມັກຄີມິດຕະພາບລະຫວ່າງສອງແຂວງ ແລະ ປະຊາຊົນທັງສອງແຂວງ. ທ່ານເລຂາທິການໃຫຍ່ ປະທານປະເທດ ແຫ່ງ ສປປ ລາວ ຢັ້ງຢືນວ່າ ຈະສືບຕໍ່ເສີມສ້າງຄວາມສາມັກຄີ, ມິດຕະພາບ ແລະ ສາຍພົວພັນ ຮ່ວມມືຮອບດ້ານ ລະຫວ່າງ ສອງປະເທດ ລາວ-ຫວຽດນາມ ນັບມື້ນັບພັດທະນາ, ເກີດດອກອອກຜົນ; ຊຸກຍູ້ການໂຄສະນາກວ້າງຂວາງສູ່ປະຊາຊົນທຸກຊັ້ນຄົນສະເພາະແມ່ນໄວໜຸ່ມລຸ້ນຫຼັງຂອງສອງຊາດ ກ່ຽວກັບມູນເຊື້ອສາຍພົວພັນສາມັກຄືພິ ເສດລາວ-ຫວຽດນາມ ເວົ້າລວມ, ແລະ ສອງແຂວງ ແທັງຫວ໋າ-ຫົວພັນ ເວົ້າສະເພາະ.
 |
ຕອນແລງຂອງມື້ດຽວກັນ ສະຫາຍ ຈິ້ງວັນຈ໋ຽນ ກຳມະການສູນກາງພັກ, ເລຂາພັກແຂວງ ປະທານສະພາປະຊາຊົນແຂວງ ຮ່ວມກັບການນຳຂັ້ນແຂວງ ໄດ້ສົ່ງທ່ານ ເລຂາທິການໃຫຍ່ ບໍລິຫານງານ ສູນກາງພັກ ປະຊາຊົນປະຕິວັດລາວ, ປະທານປະເທດ ສປປ ລາວ ບຸນຍັງ ວໍລະຈິດ ພ້ອມຄະນະ ຊິ້ນສຸດການຢ້ຽມຢາມແຂວງແທັງຫວ໋າຢ່າງຈົບງາມ.
（ຫັດທະບູນ）
