 |
ທ່ານຮອງປະທານປະເທດຫວຽດນາມຖ່າຍຮູບເປັນທີ່ລະລຶກກັບສະມາຄົມມິດຕະພາບລາວ-ຫວຽດ.
ໃນການພົບປະ, ທັງສອງຝ່າຍໄດ້ສະແດງຄວາມຍິນດີໃນການພັດທະນາອັນດີງາມ ມູນເຊື້ອແຫ່ງສາຍພົວພັນ ມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ-ລາວ, ໃນນັ້ນມີການປະກອບອັນຕັ້ງໜ້າຂອງ ສະມາຄົມມິດຕະພາບ ລາວ-ຫວຽດນາມ, ແລະ ຫວຽດນາມ-ລາວ. ທັງສອງຝ່າຍຕີລາຄາສູງຜົນສຳເລັດແຫ່ງປີ ສາມັກຄີມິດຕະພາບ ລາວ-ຫວຽດນາມ 2017 ດ້ວຍຂະບວນການເຄື່ອນໄຫວທີ່ສຳຄັນ, ຂຳນັບຮັບຕ້ອນ 55 ປີ ວັນສ້າງຕັ້ງສາຍພົວພັນການທູດ ແລະ 40ປີ ວັນເຊັນສົນທິສັນຍາ ມິດຕະພາບ ແລະ ຮ່ວມມື ຫຽວນາມ-ລາວ.
ຮອງປະທານປະເທດ ດັ້ງທິຫງ໋ອກຖິ້ງ ມີຄວາມມຸ້ງມາດປາດຖະໜາໃນອານາຄົດ ທັງສອງສະມາຄົມຈະສືບຕໍ່ປະສານສົມທົບໃຫ້ດີຂື້ນ ໃນການໂຄສະນາເຜີຍແຜ່ ກ່ຽວກັບຄວາມສາມັກຄີພິເສດ ຫວຽດນາມ-ລາວ ໄປສູ່ທຸກໆຊັ້ນຄົນ, ພິເສດແມ່ນອະນຸຊົນລຸ້ນຫຼັງຂອງທັງສອງຊາດ. ທ່ານຮອງປະທານປະເທດຍັງຢັ້ງຢືນວ່າ: ພັກ-ລັດ ຫວຽດນາມຈະສ້າງເງື່ອນໄຂສະດວກໃຫ້ແກ່ສອງສະມາຄົມມິດຕະພາບຫວຽດນາມ-ລາວ ຮ່ວມກັນປະສານສົມທົບກັບ ສະມາຄົມມິດຕະພາບ ລາວ-ຫວຽດ ເສີມຂະຫຍາຍບົດບາດການເຊື່ອມຕໍ່, ຊຸກຍູ້ສົ່ງເສີມການເຄື່ອນໄຫວຮ່ວມມື, ແລກປ່ຽນປະຊາຊົນລະຫວ່າງສອງປະເທດ.
ໃນຕອນເຊົ້າຂອງວັນດຽວກັນ, ທ່ານຮອງປະທານປະເທດ ດັ້ງທິຫງ໋ອກຖິ້ງ ພ້ອມກັບຄະນະໄດເຂົ້າຮ່ວມການນຳສົ່ງ ຂອງສະຫາຍ ພັນຄຳ ວິພາວັນ, ຮອງປະທານປະເທດ ລາວ ເປັນປະທານ, ສຳເລັດການຢ້ຽມຢາມ ແລະ ເຮັດວຽກ ຢູ່ທີ່ນະຄອນຫຼວງ ວຽງຈັນ ອອກເດີນທາງໄປຢ້ຽມຢາມ ແຂວງ ຫຼວງພະບາງ.
ໃນການພົບປະກັບ ສະຫາຍ ຄຳຂັນ ຈັນທະວີສຸກ, ເລຂາພັກແຂວງ-ແຂວງຫຼວງພະບາງ, ຮອງປະທານປະເທດ ໄດ້ສະແດງຄວາມຮູ້ສຶກປະທັບໃຈຢ່າງສຸດເຊິ່ງ ໃນຄວາມງາມງາມຂອງອັນເກົ່າແກ່ຂອງນະຄອນຫຼວງເກົ່າ,ເມືອງມໍລະດົກໂລກ ແລະ ສູນກາງແຫ່ງການທ່ອງທ່ຽວທີ່ມີຊື່ສຽງຂອງລາວ.
ທ່ານຮອງປະທານປະເທດ ໄດ້ສະແດງຄວາມຍິນດີ ຕໍ່ຜົນສໍາເລັດ ອັນໃຫຍ່ຫຼວງທາງດ້ານ ເສດຖະກິດ - ສັງຄົມ ຂອງຫຼວງພະບາງ, ບໍ່ຢຸດຢ່ອນການຍົກລະດັບ ຊີວິດການເປັນຢູ່ ທາງດ້ານວັດຖຸ ແລະ ຈິດໃຈ ຂອງປະຊາຊົນພາຍໃນແຂວງ, ປະກອບສ່ວນສຳຄັນເຂົ້າໃນການຈັດຕັ້ງປະຕິບັດ ບັນດາໄຊຊະນະ , ເປົ້າໝາຍຂອງມະຕິກອງປະຊຸມພັກປະຊາຊົນປະຕິວັດລາວ ຄັ້ງທີ 10 ແລະ ທິດທາງແຜນພັດທະນາເສດຖະກິດ - ສັງຄົມ 5 ປີ ຄັ້ງທີ 8; ຊົມເຊີຍແຂວງຫລວງພະບາງ ທີ່ໄດ້ຮັບການຮັບຮອງເປັນ ນະຄອນໃນເດືອນເມສາທີ່ຜ່ານມາ.
ທ່ານຮອງປະທານປະເທດຢັ້ງຢືນວ່າ: ບົນຈິດໃຈທີ່ຖືເປັນສຳຄັນ ແລະ ມອບບູລິມະສິດສູງສຸດໃນການປັງປຸງ ແລະ ເພີ່ມທະວີ ສາຍພົວພັນ ຫວຽດ-ລາວ, ພັກ-ລັດຖະບານຫວຽດນາມ ສ້າງທຸກເງື່ອນໄຂສະດວກທາງດ້ານກົງຈັກ, ນະໂຍບາຍເພື່ອຊຸກຍູ້, ເພີ່ມທະວີ ສາຍພົວພັນມິດຕະພາບ ຮ່ວມມືລະຫວ່າງ ບັນດາທ້ອງຖິ່ນຂອງສອງປະເທດ ໃນນັ້ນແມ່ນ ບັນດາແຂວງຫວຽດນາມກັບ ແຂວງຫຼວງພະບາງ.
（ຫັດທະບູນ）
