ໃນການຕ້ອນຮັບ, ທ່ານປະທານປະເທດ ເຈິ່ນດ໋າຍກວາງ ໄດ້ຕີລາຄາສູງທີ່ ຄະນະຜູ້ນຳຂັ້ນສູງ ກະຊວງປ້ອງກັນຄວາມສະຫງົບລາວ ທ່ານຮອງລັດຖະມົນຕີ ກະຊວງປ້ອງກັນຄວາມສະຫງົບ ໄດ້ນຳພາຄະນະເຂົ້າຮ່ວມ ກອງປະຊຸມການຮ່ວມມືດ້ານຄວາມສະຫງົບ ຄັ້ງທີ 9 ທີ່ ສສ ຫວຽດນາມ ໃນປີ 2018.
ທ່ານປະທານປະເທດ ໄດ້ກ່າວວ່າ: ການທີ່ ທັງສອງກະຊວງຮັກສາ ກອງປະຊຸມການຮ່ວມມືດ້ານຄວາມປອດໄພລະດັບສູງປະຈໍາປີ, ຄຽງຄູ່ກັບຮູບແບບຂອງການພົບປະ, ແລກປ່ຽນບົດຮຽນ ປະສົບການຕາມ ຫົວຂໍ້ຕ່າງໆ, ເພື່ອຮ່ວມມືໃນການຝຶກອົບຮົມ ກໍ່ສ້າງ, ບຳລຸງພະນັກງານ ... ສະແດງຄວາມສາມັກຄີເປັນຫນຶ່ງດຽວ ແລະ ,ມີນ້ຳໃຈຮັບຜິດຊອບ ຂອງກໍາລັງປ້ອງກັນຄວາມສະຫງົບສອງຊາດ.
ທ່ານປະທານປະເທດ ໄດ້ຕີລາສູງຕໍ່ການຮ່ວມມືໃນວຽກງານປ້ອງກັນຊາດ - ປ້ອງກັນຄວາມສະຫງົບລະຫວ່າງສອງປະເທດ ດ້ວຍຈິດໃຈດັ່ງກ່າວ, ທ່ານປະທານປະເທດ ໄດ້ຮຽກຮ້ອງໃຫ້ກຳລັງຕໍາຫຼວດ ຂອງສອງປະເທດຕ້ອງໄດ້ ເພີ່ມທະວີ ປະສານງານ ຈັດຕັ້ງປະຕິບັດ ນະໂຍບາຍຂອງຜູ້ນໍາຂັ້ນສູງຂອງ ສອງພັກ, ສອງລັດ ໃນການຮັບປະກັນຄວາມຫມັ້ນຄົງແຫ່ງຊາດ, ຮັກສາກົດລະບຽບ, ສັງຄົມມີຄວາມປອດໄພໃນທຸກສະພາບການ.
 |
ທ່ານປະທານປະເທດ ເຈິ່ນດ໋າຍກວາ ຕ້ອນຮັບ ທ່ານ ພົນໂທ ກົງທອງ ພົງພິຈິດ.
ທ່ານປະທານປະເທດ ຫວັງເປັນຢ່າງຍິ່ງວ່າ: ກຳລັງຕໍາຫຼວດຂອງສອງປະເທດ ຈະສືບຕໍ່ພັດທະນາ ການຮ່ວມມືອັນເກົ່າແກ່ໜ້ນແຟ້ນ, ເປັນຮູບປະທຳກວ່າເກົ່າ, ຕັດສິນໃຈບໍ່ໃຫ້ມີຄວາມຫວັ່ນໄຫວ ຕົກໃຈຕໍ່ກັບ ແຜນການທຳລາຍມ້າງເພ ຄວາມສະຫງົບແຫ່ງຊາດ ແລະ ເພື່ອແບ່ງແຍກຄວາມສະມັກຄີມິດຕະພາບແບບພິເສດ ລະຫວ່າງຫວຽດນາມ - ລາວ ຂອງກໍາລັງປໍລະປັກ, ປະຕິການ.
ພ້ອມກັນນັ້ນ ກໍາລັງຕໍາຫຼວດຂອງສອງປະເທດຕ້ອງໄດ້ສຶບຕໍ່ເສີມຂະຫຍາຍມູນເຊື້ອສາຍພົວພັນຮ່ວມມືຮອບດ້ານ, ຮັກສາການພົບປະລະຫວ່າງການນໍາຂອງສອງກະຊວງ, ການນໍາຂອງບັນດາກົມກອງ, ຕໍາຫຼວດຂອງບັນດາຖ້ອງຖິ່ນ ດ້ວຍຮູບການທີ່ອຸດົມສົມບູນ ແລະ ວອງໄວເພື່ອການແລກປ່ຽນຂໍ້ມູນ, ບົດຮຽນໃນການເຮັດວຽກ, ວ່ອງໄວໃນການແກ້ໄຂບັນຫາເກີດຂຶ້ນ ກ່ຽວຂ້ອງເຖິງຄວາມສະຫງົບ, ຄວາມເປັນລະບຽບຮຽບຮ້ອຍ ຂອງແຕ່ລະປະເທດ ທັນທີ່ຢູ່ຂັ້ນພື້ນຖານ, ໂດຍສະເພາະແມ່ນບັນຫາການຍ້າຍຖິ່ນແບບອິດສະຫຼະຂອງປະຊາຊົນ, ການແຕ່ງງານທີ່ບໍ່ມີການຍອມຮັບຈາກກົດໝາຍປະຊາຊົນໃນເຂດຊາຍແດນ, ຕໍ່ສູ້ມ້າງທໍາລາຍບັນດາເສັ້ນທາງການຄ້າການຂົນສົ່ງຢາເສບຕິດ ໃນເຂດຊາຍແດນ, ເພື່ອຊ່ວຍສ້າງເສັ້ນຊາຍແດນຂອງສອງປະເທດໃຫ້ມີສັນຕິພາບ, ໝັ້ນຄົງ ແລະ ພັດທະນາ.
ປະທານປະເທດ ໄດ້ສະເໜີໃຫ້ທັງສອງກະຊວງ ຕ້ອງໄດ້ເພີ່ມທະວີການຮ່ວມມືໃນການກໍ່ສ້າງ ແລະ ບຳລຸງພະນັກງານ, ເອົາໃຈໃສ່ຍົກສູງຄຸນນະພາບ, ລະດັບ ແລະ ເນື້ອໃນ, ຕ້ອງກໍ່ສ້າງແທດເໝາະກັບສະພາບຄວາມເປັນຈິງທີ່ມີການປ່ຽນແປງ ແລະ ຂະຫຍາຍຕົວຢ່າງວ່ອງໄວໃນປະຈຸບັນ.
ໃນໂອກາດນີ້, ໂດຍຜ່ານທ່ານ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ທ່ານປະທານປະເທດ ສສ ຫວຽດນາມ ໄດ້ຝາກຄຳຢ້ຽມຢາມຖາມຂ່າວ ແລະ ອວຍພອນໃຫ້ ທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ແລະ ບັນດາການນຳຂອງພັກ, ລັດຖະບານລາວ, ທ່ານ ສົມແກ້ວ ສີລາວົງ ລັດຖະມົນຕີ ພ້ອມທັງບັນດາການນຳ ກະຊວງປ້ອງກັນ ຄວາມສະຫງົບລາວ, ອວຍພອນແດ່ປະຊາຊົນລາວ ສືບຕໍ່ຍາດເອົາຜົນສຳເລັດອັນໃຫຍ່ຫລວງ ໃນການກໍ່ສ້າງ ແລະ ພັດທະນາປະເທດຊາດ.
 |
ທ່ານປະທານປະເທດ ເຈິ່ນດ໋າຍກວາ ແລະ ທ່ານ ພົນໂທ ກົງທອງ ພົງພິຈິດ .
ທ່ານ ພົນໂທ ກົງທອງ ພົງພິຈິດ ໄດ້ຝາກຄຳຢ້ຽມຢາມຖາມຂ່າວ ຂອງ ລັດຖະມົນຕີກະຊວງ ປກສ , ທ່ານ ສົມແກ້ວ ສີລາວົງ ເຖິງ ທ່ານ ປະທານປະເທດ ສະແດງຄວາມຊົມເຊີຍ ໃນການນໍາພາຄະນະການນໍາຂັ້ນສູງຂອງກະຊວງ ປກສ ລາວມາຮ່ວມ ກອງປະຊຸມຮ່ວມມືຄວາມສະຫງົບ ຄັ້ງທີ 9 ປີ 2018 ທີ່ສສ ຫວຽດນາມ.
ມີຄວາມດີອົກດີໃຈ ລາຍງານໃຫ້ປະທານປະເທດໄດ້ຊາບກ່ຽວກັບຜົນສໍາເລັດ ອັນສໍາຄັນທີ່ ສປປ ລາວ ສາມາດຍາດໄດ້ໃນໄລຍະຜ່ານມາ, ກ່ຽວກັບຄວາມສະຫງົບທາງດ້ານການເມືອງທີ່ໝັ້ນຄົງ, ເສດຖະກິດມີການພັດທະນາ, ທ່ານ ພົນໂທ ກົງທອງ ພົງພິຈິດ ທ່ານຍັງໄດ້ກ່າວຕື່ມອີກວ່ ໃນການເດີນທາງມາເຮັດວຽກຄັ້ງນີ້: ສອງປະເທດໄດ້ແລກປ່ຽນບັນດາມາດຕະ ການຮ່ວມມືຂອງກະຊວງໃນໄລຍະຕໍ່ໄປ, ໃນນັ້ນໄດ້ສຸມໃສ່ຮ່ວມມືຂົງເຂດເຕັກໂນໂລຊີ, ພ້ອມກັນນັ້ນ ຫວັງຢ່າງຍິ່ງວ່າ ທ່ານປະທານປະເທດ ຈະສຶບຕໍ່ສ້າງເງື່ອນໄຂທີ່ອໍານວຍຄວາມສະດວກໃຫ້ແກ່ ສາຍສໍາພັນຮ່ວມືລະຫວ່າງ 2 ກະຊວງນັບມື້ນັບຂະຫຍາຍຕົວ, ມີຜົນສໍາເລັດຕົວຈຶງໃນຫຼາຍດ້ານການຮ່ວມມື, ປະກອບສ່ວນໃນການຮັກສາຄວາມເປັນລະບຽບຮຽບຮ້ອຍ, ສັງຄົມມີຄວາມປອດໄພ, ຮັບປະກັນຄວາມສະຫງົບແຫ່ງຊາດ ຂອງສອງປະເທດ.
（ຫັດທະບູນ）
