 |
ຄະນະພະນັກງານ ສະຫະພັນອົງການມິດຕະພາບ ແລະ ສະມາຄົມມິດຕະພາບ ຫວຽດນາມ-ລາວ ແຂວງບັກຢາງ ຢ້ຽມຢາມ ແລະ ພົບປະໂອ້ລົມກັບນັກຮຽນລາວ ທີ່ກຳລັງ ສຶກສາຮຳ່ຮຽນ ຢູ່ ໂຮງຮຽນຊັ້ນສູງ ເສດຖະກິດ-ການເງິນ ຖ໋າຍຫງວຽນ.
ແນໃສ່ແບ່ງປັນປະສົບການກໍຄືບົດຮຽນ ໃນການຮ່ວມມືກໍ່ສ້າງສາກົນ ເພື່ອສ້າງທິດທາງຕົວຈິງ, ແທ້ຈິງ ກັບບັນດາໂຮງຮຽນຊັ້ນສູງ, ມະຫາວິທະຍາໄລ ຂອງແຂວງບັກຢາງ, ວັນທີ 25 ກັນຍາ , ຄະນະສະຫະພັນອົງການມິດຕະພາບ ແລະ ສະມາຄົມມິດຕະພາບ ຫວຽດນາມ-ລາວ ແຂວງບັກຢາງ ໄດ້ຢ້ຽມຢາມ ແລະ ເຮັດວຽກກັບ ສະມາຄົມມິດຕະພາບ ຫວຽດນາມ-ລາວ ແຂວງ ຖ໋າຍຫງວຽນ.
ໃນແຜນການເຮັດວຽກ, ຄະນະໄດ້ຢ້ຽມຢາມ ໂຮງຮຽນຊັ້ນສູງ ເສດຖະກິດ-ການເງິນ ຖ໋າຍຫວຽນ. ໂຮງຮຽນຊັ້ນສູງ ເສດຖະກິດ-ການເງິນ ຖ໋າຍຫງວຽນ ເລີ່ມຮ່ວມມືກໍ່ສ້າງ ກັບ ສປປ ລາວ ຕັ້ງແຕ່ ປີ 2012. ມາຮອດປະຈຸບັນໂຮງຮຽນມີນັກຮຽນ ຫຼາຍກວ່າ 900ຄົນ,ເປັນນັກຮຽນລາວ, ກຳປູເຈຍ ແລະ ໄທ. ສະເລ່ຍແຕ່ລະປີໂຮງຮຽນຮັບນັກຮຽນສາກົນປະມານ 100ຄົນ. ໂຄງການການສຶກສາໄດ້ມີຄວາມຮັບປະກັນ, ດຸ່ນດຽງ ແລະ ສອດຄ່ອງກັບສະພາບການຕົວຈິງ ແລະ ລະດັບຂອງນັກຮຽນ.
ທີ່ກອງປະຊຸມການເຮັດວຽກ, ບັນດາພະນັກງານສະຫະພັນອົງການມິດຕະພາບ ແລະ ສະມາຄົມມິດຕະພາບ ຫວຽດນາມ-ລາວ ແຂວງບັກຢາງ ໄດ້ຍົກຂື້ນມາບັນດາຄຳເຫັນກ່ຽວຂ້ອງກັບ ບົດຮຽນກໍ່ຄືປະສົບ ການຮ່ວມມືໃນການກໍ່ສ້າງສາກົນ, ພິເສດແມ່ນກັບ ສປປ ລາວ; ວຽກງານການແກ້ໄຂດ້ານນະໂຍບາຍຕໍ່ກັບນັກຮຽນຕ່າງປະເທດ; ໂຄງການການກໍ່ສ້າງ ແລະ ບຸກຄະລາກອນ ໃນການກໍ່ສ້າງນັກຮຽນຕ່າງປະເທດ.
（ຫັດທະບູນ）
