 |
ພິທີວາງສີລາລຶກກໍ່ສ້າງທາງເບຕົງ ແລະ ເດີ່ນໜ້າຫ້ອງການກອງບັນຊາການທະຫານ ນະຄອນຫຼວງວຽງຈັນ. (ພາບ:vientianemai.net)
ເຂົ້າຮ່ວມພິທີວາງສີລາລຶກກໍ່ສ້າງທາງເບຕົງ ແລະ ເດີ່ນໜ້າຫ້ອງການກອງບັນຊາການທະຫານ ນະຄອນຫຼວງວຽງຈັນ ມີທ່ານ ພົຈວ ສີພອນ ຈັນສົມວົງ ຫົວໜ້າການເມືອງ ກອງບັນຊາການທະຫານ ນວ ທ່ານ ພົຈວ ຫງວຽນ ຈ້ອງ ຈ໋ຽນ ຫົວໜ້າການເມືອງກອງບັນຊາການທະຫານນະຄອນຫຼວງຮ່າໂນ້ຍ ສສ ຫວຽດນາມ ທ່ານ ພັອ ຫວຽນມີງ ຮາຍ ຮອງທີ່ປຶກສາທູດທະຫານຫວຽດນາມປະຈຳລາວ ທ່ານ ພັອ ໂສວັດ ສັນຕິສຸກ ຮອງຫົວໜ້າກົມພົວພັນຕ່າງປະເທດ ກົມໃຫຍ່ ການເມືອງກອງທັບ ບັນດານາຍ ແລະ ພົນທະຫານ ລາວ-ຫວຽດນາມ ພະນັກງານບໍລິສັດຜູ້ຮັບເໝົາກໍ່ສ້າງໂຄງການ ແລະ ພະນັກງານ 5 ຫ້ອງທະຫານ ນວ ເຂົ້າຮ່ວມ.
ໂຄງການກໍ່ສ້າງທາງເບຕົງ ແລະ ເດີ່ນຫ້ອງການກອງບັນຊາການທະຫານ ນວ ເປັນໂຄງການຊ່ວຍເຫຼືອຈາກກອງບັນຊາການທະຫານ ນະຄອນຫຼວງຮ່າໂນ້ຍ ໃຫ້ແກ່ກອງບັນຊາການທະຫານ ນວ ມີມູນຄ່າ 12 ຕື້ດົງ (ສະກຸນເງິນຫວຽດນາມ) ຈະໃຊ້ເວລາກໍ່ສ້າງ 4 ເດືອນໃຫ້ສຳເລັດ ນັບແຕ່ມື້ວາງສີລາລຶກເປັນຕົ້ນໄປ ໂດຍແມ່ນບໍລິສັດ ກໍ່ສ້າງໂຄງການເສັ້ນທາງ ໂອເອໂກລາວ ຈຳກັດ ແລະ ບໍລິສັດ ຮ່ວມມືເສດຖະກິດທະຫານເຂດ 4 ຫວຽດນາມເປັນຜູ້ຮັບເໝົາກໍ່ສ້າງ ໂຄງການດັ່ງກ່າວ ເປັນການພັດທະນາພື້ນຖານໂຄງລ່າງຢູ່ພາຍໃນກອງບັນຊາການທະຫານ ນວ ໃຫ້ມີໃບໜ້າອັນໃໝ່ໃນການສະດວກໄປມາ ແລະ ມີຄວາມສະອາດ ພາຍຫຼັງໂຄງການສ້າງສຳເລັດ ທັງເປັນການສະແດງໃຫ້ເຫັນຜົນສຳເລັດ ການຮ່ວມມືຂອງສອງກອງບັນຊາການທະຫານນະຄອນຫຼວງສອງປະເທດ ທີ່ນັບມື້ມີບາດກ້າວຂະຫຍາຍຕົວ.
（ແຫຼ່ງຂໍ້ມູນ： vientianemai.net）
