ພິທີຕັດແຖບຜ້າເປີດນຳໃຊ້ສຳນັກງານກອງບັນຊາການທະຫານເມືອງທ່າແຕງ. (ພາບ: baoquangnam.vn)

ດ້ວຍເນື້ອທີ່ 564m2, ກິດຈະກຳດັ່ງກ່າວມີມູນຄ່າກໍ່ສ້າງເກືອບ 8 ຕື້ດົ່ງ. ໂຄງການນີ້ໄດ້ນຳໃຊ້ທຶນຊ່ວຍເຫຼືອລ້າຂອງຄະນະກໍາມະການປະຊາຊົນແຂວງກວ໋າງນາມ ມອບໃຫ້ອົງຄະນະພັກ, ອຳນາດການປົກຄອງ ແລະກໍາລັງປະກອບອາວຸດແຂວງເຊກອງ. ກິດຈະກຳດັ່ງກ່າວມີຄວາມໝາຍພິເສດ, ສະແດງໃຫ້ເຫັນນໍ້າໃຈຂອງອົງຄະນະພັກ, ອຳນາດການປົກຄອງ ແລະກໍາລັງປະກອບອາວຸດແຂວງກວ໋າງນາມ ທີ່ສະຫງວນໃຫ້ພະນັກງານ, ນັກຮົບກອງບັນຊາການທະຫານແຂວງເຊກອງ ເວົ້າລວມ ແລະກອງບັນຊາການທະຫານເມືອງທ່າແຕງ ເວົ້າສະເພາະ. ພ້ອມກັນນັ້ນ, ກິດຈະກຳນີ້ກໍຈະສືບຕໍ່ສ້າງກຳລັງໜູນໃໝ່ໃນການຮ່ວມມືຮອບດ້ານ ແລະເພີ່ມພູນຄູນສ້າງນໍ້າໃຈມິດຕະພາບແບບພິເສດລະຫວ່າງອົງຄະນະພັກ, ອໍານາດການປົກຄອງ ແລະກໍາລັງປະກອບອາວຸດຂອງສອງແຂວງກວ໋າງນາມ-ເຊກອງ ເວົ້າສະເພາະ, ສອງປະເທດຫວຽດນາມ-ລາວ ເວົ້າລວມ.

ເນື່ອງໃນໂອກາດນີ້, ກອງບັນຊາການທະຫານແຂວງກວ໋າງນາມ ກໍໄດ້ມອບເຄື່ອງອຸປະກອນຫ້ອງການຕ່າງໆໃຫ້ກອງບັນຊາການທະຫານເມືອງທ່າແຕງ ດ້ວຍມູນຄ່າ 50 ລ້ານດົ່ງ.

（ແຫຼ່ງ​ຂໍ້​ມູນ​： ຈາງຫງວຽນ/ກປ.ອອນໄລ）