ເຂົ້າຮ່ວມງານສະເຫຼີມສະຫຼອງ ຝ່າຍຫວຽດນາມ ມີການນຳ ຄະນະແນວໂຮມແຫ່ງຊາດຫວຽດນາມ ນະຄອນໂຮຈີມິງ, ສະຫະພັນ ອົງການຈັດຕັ້ງມິດຕະພາບ ນະຄອນໂຮຈີມິງ ແລະ ສະມາຊິກສະຫະພັນ.
ຝ່າຍລາວປະກອບມີ: ສະຫາຍ ສົມໄຊ ຊະນະມອນ ກົງສຸນໃຫຍ່ ແຫ່ງ ສປປ ລາວ ປະຈຳ ນະຄອນໂຮຈີມິງພ້ ອມດ້ວຍພັນລະຍາ ແລະ ຄົນລາວທີ່ກຳລັງອາໄສ, ສຶກສາຮ່ຳຮຽນ ແລະ ເຮັດວຽກຢູ່ທີ່ນະຄອນໂຮ່ຈີ໋ມິງ.
ກ່າວປາໄສໃນງານໂດຍ ສະຫາຍ ສົມໄຊ ຊະນະມອນ ໃຫ້ຮູ້ວ່າ: “ຕະຫຼອດ 43 ປີຜ່ານມາ, ສາຍສຳພັນຮ່ວມມືລະຫວ່າງ ສອງຊາດລາວ ແລະ ຫວຽດນາມ ໄດ້ຮັບການປັບປຸງ ແລະ ນັບມື້ນັບພັດທະນາເລິກເຊິ່ງໃນທຸກໆຂົງເຂດ. ມີການພົບປະຢ້ຽມຢາມເຊິ່ງກັນ ແລະ ກັນ ລະຫວ່າງ ບັນດາຄະນະການນຳຂັ້ນສູງສອງຊາດດ້ວຍຈິດໃຈຢ້ຽມຢາມຖາມຂ່າວ, ແລກປ່ຽນຂໍ້ມູນ, ບົດຮຽນໃນທຸກຂົງເຂດເປັນຕົ້ນແມ່ນ: ການລົງທຶນ, ການສຶກສາ ແລະ ບຳລຸງສ້າງ,ປະກອບສ່ວນຢ່າງເລິກເຊິ່ງ ເຂົ້າໃນການພັດທະນາສາຍສຳພັນມິດຕະພາບຍິ່ງຂຶ້້ນ, ຄວາມສາມັກຄີພິເສດ, ຄູ່ຮ່ວມມືຮອບດ້ານ ລະຫວ່າງສອງຊາດ.
 |
ໃນຊຸມປີທີ່ຜ່ານມາ ລາວ ເປັນປະເທດທີ່ມີອັດຕາການຂະຫຍາຍ ດ້ານເສດຖະກິດສູງໃນບັນດາປະເທດອາຊຽນ, ຊີວິດການເປັນຢູ່, ຈິດໃຈຂອງປະຊາຊົນໄດ້ຮັບການປົວແປງຢ່າງບໍ່ຢຸດຢັ້ງ. ບົດບາດ ແລະ ທີ່ຕັ້ງ ຂອງ ສປປ ລາວ ນັບມື້ໄດ້ຮັບການຍົກສູງ ໃນພາກພື້ນ ແລະ ເວທີສາກົນ.
ຄຽງຄູ່ກັນນັ້ນ, ສາຍສຳພັນຮ່ວມມື ໃນຫຼາຍໆດ້ານ ລະຫວ່າງ ນະຄອນໂຮ່ຈີ໋ມິງ ແລະ ສປປ ລາວ ໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງໃນຂົງເຂດການຄ້າ, ສາທາລະນະສຸກ, ການສຶກສາ, ກະສິກຳ... ຕົ້ນປີ 2018, ສະຫາຍ ຫງວ໋ຽນ ທ້ຽນເຍິນ - ກຳມະການກົມການເມືອງ, ເລຂາພັກນະຄອນ ນຳພາຄະນະຜູຸ້ແທນນະຄອນ ໂຮ່ຈີ໋ມິງ ຢ້ຽມຢາມ ແລະ ເຮັດວຽກຢູ່ລາວ, ປຶກສາຫາລື ກັບ ການນຳ ຂອງນະຄອນຫຼວງວຽງຈັນ, ຮ່ວມກັນແລກປ່ຽນ, ຕີລາຄາໝາກຜົນຂອງການຮ່ວມມື ລະຫວ່າງ 2 ນະຄອນໃນໄລຍະເວລາຜ່ານມາ ແລະ ປຶກສາຫາລືເຖິງ ບັນດາແຜນງານ ການຮ່ວມມືໃນຕໍ່ໜ້າ.
 |
ພ້ອມດຽວກັນນ້ັນ ນະຄອນໂຮ່ຈີ໋ມິງ ກໍ່ໄດ້ຕ້ອນຮັບ ບັນດາຄະນະການນຳ ນະຄອນຫຼວງວຽງຈັນ, ແຂວງຊຽງຂວາງ, ແຂວງອັດຕະປື, ແຂວງສະຫວັນນະເຂດ ແລະ ແຂວງຄຳມ່ວນ ຂອງລາວເຂົ້າຮ່ວມງານ “ສັບປະດາ ສິນຄ້າ ຂອງວິສາຫະກິດລາວ ຢູ່ທີ່ນະຄອນໂຮ່ຈີ໋ມິງ ປີ 2018”. ນີ້ແມ່ນໂອກາດເພື່ອເຮັດໃຫ້ຜູ້ບໍລິໂພກ ນະຄອນ ໂຮ່ຈີ້ມິງ ເຂົ້າເຖິງສິນຄ້າທີ່ມີຊື່ສຽງຂອງລາວ ແລະ ກໍ່ເປັນໂອກາດເພື່ອເຮັດໃຫ້ວິສາຫະກິດທັງສອງຝ່າຍເປີດກວ້າງສາຍສຳພັນ, ຊອກຫາຂໍ້ມູນ, ຊຸກຍູ້ແລກປ່ຽນການຄ້າຂາຍ ແລະ ລົງທຶນ.
ບັນດາການຢ້ຽມຢາມ ແລະ ເຮັດວຽກຂອງ ຄະນະຫວຽດນາມ ຢູ່ລາວ ແລະ ຄະນະລາວ ຢູ່ ຫວຽດນາມ, ນະຄອນໂຮ່ຈີ໋ມິງ ໄດ້ປະກອບສ່ວນຕັ້ງໜ້າ ໃນການເພີ່ມທະວີສາຍສຳພັນຮ່ວມມື, ຄວາມເຂົ້າໃຈ, ຄວາມສາມັກຄີ, ມິດຕະພາບອັນເກົ່າແກ່ດີງາມ ລະຫວ່າງ ປະຊາຊົນ ນະຄອນ ໂຮ່ຈີ໋ມິງ ກັບ ປະຊາຊົນລາວ ໃຫ້ພັດທະນາ ນັບມື້ນັບດີ ຂຶ້ນ.
（ຫັດທະບູນ）
