 |
ຫວຽດນາມ ແລະ ລາວ ເພີ່ມທະວີປະສານສົມທົບໃນການປ້ອງກັນ ແລະ ຕ້ານອາດຊະຍາກໍາຢາເສບຕິດຢູ່ເຂດຊາຍແດນຂອງສອງປະເທດ
ຊາຍແດນຫວຽດນາມ - ລາວ ມີ 2.067 ກິໂລແມັດຍາວ, ຕິດກັບ 10 ແຂວງ, ລວມທັງມີດ່ານຊາຍແດນສາກົນ 8 ແຫ່ງ, ດ່ານຊາຍແດນແຫ່ງຊາດ 16 ແຫ່ງ ແລະ ແລວທາງບົກຫລາຍພັນເສັ້ນ.
ໃນຊຸມປີມໍ່ໆມານີ້, ເຖິງວ່າເຈົ້າໜ້າທີ່ຂອງສອງປະເທດກໍ່ໄດ້ມີຄວາມພະຍາຍາມໃນການປ້ອງກັນ ແລະ ຕ້ານອາດຊະຍາກໍາຢາເສບຕິດ, ແຕ່ມາຮອດປະຈຸບັນການເຄື່ອນໄຫວຂອງອາດຊະຍາກໍາຢາເສຍຕິດຢູ່ເຂດຊາຍແດນກໍ່ຍັງມີຄວາມສະຫຼັບສັບຊ້ອນຫຼາຍໃນການຄ້າຂາຍຢາເສບຕິດ, ຂົນສົ່ງຢາເສບຕິດ...
ອີງຕາມທ່ານ ພົນຕີ ຫງວຽນວັນກາກ, ຫົວຫນ້າກົມຕໍາຫຼວດສືບສວນອາດຊະຍາກໍາຢາເສຍຕິດ ກະຊວງຕໍາຫຼວດ ໃຫ້ຮູ້ວ່າ, ໃນເວລານີ້, ເນື່ອງຈາກວ່າເຈົ້າໜ້າທີ່ໄດ້ປະຕິບັດໜ້າທີ່ຕ້ານອາດຊະຍາກໍາຢາເສຍຕິດຢ່າງຕໍ່ເນື່ອງ ແລະ ເຂັ້ມງວດຢູ່ເຂດຊາຍແດນຕາເວັນຕົກສ່ຽງເຫນືອ, ເພາະສະນັ້ນ, ອາດຊະຍາກໍ່ໄດ້ມີການຍ້າຍເຂດເຄື່ອນໄຫວໄປຍັງເຂດຊາຍແດນຂອງບັນດາແຂວງພາກກາງ - ຕາເວັນຕົກພູດ້ອຍ, ໂດຍສະເພາະແມ່ນເຂດຊາຍແດນທີ່ມີຄວາມສັບສົນຢູ່ໃນແຂວງຕ່າງໆເປັນຕົ້ນຄື: ແຂວງເຫງ້ອານ, ຮ່າຕີ້ງ, ກວາງບີ່ງ...
ອີງຕາມທ່ານ ພັນເອກ ຫງວຽນວັນຮ້ຽກ, ຮອງຫົວໜ້າກົມຕ້ານອາດຊະຍາກໍາຢາເສບຕິດ, ກອງບັນຊາການທະຫານຊາຍແດນ, ປ້ອງກັນຢາເສບຕິດ, ຊາຍແດນຫວຽດນາມ - ລາວ, ອາດຊະຍາກໍາຢາເສບຕິດໄດ້ຂົນສົ່ງຢາເສບຕິດຈາກ. "ເຂດສາມລ່ຽມຄໍາ" ເຂົ້າໄປໃນພາກເຫນືອຂອງລາວ, ຫຼັງຈາກນັ້ນຢາເສບຕິດໄດ້ເຕົ້າໂຮມຢູ່ບັນດາສະຖານທີ່ຕິດກັບຊາຍແດນຫວຽດນາມ. ຕາມເຂດຊາຍແດນຫວຽດນາມ - ລາວ, ກໍາລັງທະຫານຊາຍແດນໄດ້ຄົ້ນພົບ ແລະ ທໍາລາຍຄະດີຢາເສບຕິດ 500 ກວ່າຄະດີ ພ້ອມທັງຂອງກາງຢາເສບຕິດຫຼາຍຊະນິດຫຼາຍກວ່າ 1 ໂຕນໃນປີ 2018.
ສ່ວນຫຼາຍບັນດາເປົ້າໝາຍກໍລະນີແມ່ນຊົນເຜົ່າສ່ວນນ້ອຍ, ມີບົດບາດໃນການຂົນສົ່ງ, ນາຍໜ້າ...ທີ່ໄດ້ຈ້າງມາເພື່ອສ້າງຕັ້ງສະຖານທີ່ເຕົ້າໂຮມຢາເສບຕິດຫຼັງຈາກນັ້ນກໍ່ຂົນສົ່ງໄປຈໍາໜ່າຍ. ປັດຈຸບັນ, ຕາມເຂດຊາຍແດນຫວຽດນາມ - ລາວ, ຍັງມີສະຖານທີ່ມີຄວາມສັບສົນຫຼາຍກ່ຽວກັບບັນຫາຢາເສບຕິດເປັນຕົ້ນຄື: ນາອື, ດ້ຽນບຽນ, ມົກເຈົາ, ໂຊງໝາ, ເມື່ອງລາດ, ແທງຫວາ, ເຕືອງເຢືອງ, ເກວຝອງ, ເຫງ້ອານ, ດ່ານຊາຍແດນເກົ່າແຈວ, ຮ່າຕີ້ງ, ດ່ານຊາຍແດນເບີ່ອີ, ກອນຕູມ...
ໃນການຕໍ່ສູ້ຢ່າງມີປະສິດທິຜົນຕໍ່ກັບອາດຊະຍາກໍາຢາເສບຕິດ, ກໍາລັງສະເພາະໃນການປ້ອງກັນ ແລະ ຕ້ານອາດຊະຍາກໍາຢາເສບຕິດຂອງຫວຽດນາມ ແລະ ລາວໄດ້ສຸມໃສ່ກໍາລັງ, ຍານພາຫະນະ, ການປະຕິບັດບັນດາລາຍການ, ແຜນການຕ້ານອາດຊະຍາກໍາປະເພດນີ້ຢູ່ແຕ່ລະປະເທດກໍ່ຄືເຂົ້າຮ່ວມບັນດາເວທີຕ່າງໆ, ກິດຈະກໍາເຄື່ອນໄຫວຮ່ວມກັນຂອງບັນດາປະເທດໃນທົ່ວໂລກ ແລະ ພາກພື້ນອາຊີຕາເວັນອອກສ່ຽງໃຕ້, ເຂດເສດຖະກິດທິດຕາເວັນອອກ - ຕາເວັນຕົກ...
ເຖິງຢ່າງໃດກໍ່ຕາມ, ເນື່ອງຈາກເຫດຜົນຫຼາຍຢ່າງ, ສະຖານະການຂອງອາດຊະຍາກໍາຢາເສບຕິດຢູ່ໃນເຂດຊາຍແດນຂອງສອງປະເທດຍັງມີຄວາມສັບສົນ; ເຖິງແມ່ນວ່າທັງສອງຝ່າຍໄດ້ມີການແລກປ່ຽນຂໍ້ມູນຢ່າງຕັ້ງໜ້າແຕ່ຜົນໄດ້ຮັບໃນການໄລ່ຈັບກຸມເປົ້າໝາຍກໍລະນີອາດຊະຍາກໍາຢາເສບຕິດຍັງມີຄວາມຈໍາກັດ; ຈໍານວນຄະດີເຊິ່ງທັງສອງຝ່າຍໄດ້ປະສານສົມທົບຮ່ວມກັນໃນການທັບມ້າງຄະດີບໍ່ໄດ້ຫຼາຍ.
ເພື່ອຍົກສູງປະສິດທິຜົນໃນການປະສານສົມທົບເພື່ອປ້ອງກັນ ແລະ ຕ້ານຢາເສບຕິດລະຫວ່າງກໍາລັງຕ່າງໆ, ປ້ອງກັນໃນການຂົນສົ່ງຢາເສບຕິດຂ້າມຊາຍແດນຫວຽດນາມ ແລະ ລາວ ເຂົ້າສູ່ປະເທດຫວຽດນາມ. ເວລາຕໍ່ໜ້າກໍາລັງຕ່າງໆທີ່ກ່ຽວຂ້ອງຂອງສອງປະເທດສືບຕໍ່ໃນຄວາມພະຍາຍາມ ແລະ ປະສານງານຢ່າງໃກ້ຊິດ, ເດັດດ່ຽວກວ່າເກົ່າໃນການຕ້ານອາດຊະຍາກໍາຢາເສບຕິດ. ໂດຍສະເພາະແມ່ນເຂດຊາຍແດນຂອງແຂວງເຊີນລາຕິດກັບແຂວງຫົວພັນ, ເຂດພື້ນທີ່ເຕືອງເຢືອງ, ເກວຝອງຂອງແຂວງເຫງ້ອານຕິດກັບກັບແຂວງຊຽງຂວາງເພື່ອຕໍ່ສູ້ທັບມ້າງການຄ້າຂາຍ, ຂົນສົ່ງຢາເສບຕິດ ລະຫວ່າງ ສອງປະເທດ.
ດັ່ງນັ້ນ, ທັງສອງຝ່າຍກໍ່ຕ້ອງແຕ່ງຕັ້ງບັນດາໜ່ວຍງານລາດຕະເວນຮ່ວມກັນຢູ່ຕາມເຂດຊາຍແດນເພື່ອຄົ້ນພົບ ແລະ ຈັບກຸມອາດຊະຍາກໍາຢາເສບຕິດ.
（ໄຊພອນ）
