ກອງປະຊຸມປືກສາຫາລື ສົມທົບຄຸ້ມຄອງ ປ້ອງກັນຊາຍແດນ ສອງປະເທດ ຫວຽດນາມ-ລາວ

ການນຳທັງສອງຝ່າຍເຊັນສັນຍາ ການຮ່ວມມື. (ພາບ: ວຽ໋ດລາມ)

ກ່າວຄຳເຫັນທີ່ກອງປະຊຸມ ພົນຕີ ຮວ່າງຊົນ ຈ໋ຽນ ແລະ ພົນຈັດຕະວາ ສີພັນ ພຸດທະວົງ ຕີລາຄາສູງສາຍພົວພັນຮ່ວມມືລະຫວ່າງ ກຳລັງປ້ອງກັນຊາຍແດນ ຂອງສອງປະເທດ ໃນໄລຍະທີ່ຜ່ານມາ. ໃນນັ້ນມີຈຸດພົ້ນເດັ່ນຢູ່ 5 ຈຸດຄື: ທັງຝ່າຍໄດ້ເປັນເຈົ້າການ ຕື່ນຕົວໃນການຈັດຕັ້ງປະຕິບັດຢ່າງດີ ສົນທິສັນຍາ ລະຫວ່າງລັດຖະບານຂອງສອງປະເທດ ກ່ຽວກັບການແກ້ໄຂບັນຫາ ປະຊາຊົນອົບພະຍົບຢ່າງຊະຊາຍບໍ່ຖືກຕ້ອງ ແລະ ການແຕ່ງດອງແບບບໍໄດ້ຮັບອະນຸຍາດ ລຽບຕາມແນວຊາຍແດນຂອງສອງປະເທດ; ເປັນເຈົ້າການໃນແລກປ່ຽນສະພາບການທີ່ກ່ຽວພັນກັບກົນອຸບາຍ, ເລ້ລ່ຽມ, ການເຄື່ອນໄຫວມ້າງເພທຳລາຍຂອງບັນດາກຳລັງປໍລະປັກ, ພວກປະຕິການພັດຖິ່ນ, ກຸ່ມສາດສະໜາຫົວຮຸນແຮງ, ພວກເຄື່ອນໄຫວກໍ່ຕັ້ງອານາຈັກປົກຄອງຕົນເອງ... ; ເປັນເຈົ້າການໃນການໂຄສະນາອົບຮົມ ປຸກລະດົມປະຊາຊົນ ປະຕິບັດຕາມບັນດາຂໍ້ຕົກລົງເປັນຢ່າງດີ ວ່າດ້ວຍເສັ້ນຊາຍແດນ ແລະ ຫຼັກແດນ ລະຫວ່າງ ຫວຽດນາມ ແລະ ລາວ, ສົນທີສັນຍາ ວ່າດ້ວຍກົດລະບຽບການຄຸ້ມຄອງຊາຍແດນ ແລະ ດ່ານຊາຍແດນ ຫວຽດນາມ-ລາວ, ບັນດາຂໍ້ສັນຍາ ວ່າດ້ວຍຊາຍແດນ, ເຂດແດນ ແລະ ບັນຫາອື່ນໆ ທີ່ລັດຖະບານທັງສອງປະເທດໄດ້ເຊັນນຳກັນ; ກົນໄກຂອງການປະສານສົມທົບນັບມື້ນັບຮັດແໜ້ນ, ມີປະສິດທິຜົນຂື້ນກວ່າເກົ່າ, ກອງບັນຊາການທະຫານຊາຍແດນ ຂອງບັນດາແຂວງ ຫວຽດນາມ ແລະ ກອງບັນຊາການທະຫານບັນດາແຂວງຂອງລາວ, ບັນດາຄ້າຍທະຫານຊາຍແດນຫວຽດນາມ ແລະ ບັນດາກອງພັນປ້ອງກັນຊາຍແດນລາວ ຕ້ອງໄດ້ຈັດຕັ້ງພົບປະ ແລະປ່ຽນສະພາບການຢ່າງຕໍ່ເນື່ອງ , ປະສານສົມທົບລາດຕະເວນສອງຝ່າຍ, ເປັນເຈົ້າການໃນການປະສານແກ້ໄຂບັນຫາຂໍ້ຂັດແຍ່ງທີ່ເກີດຂື້ນ ໃນເຂດພື້ນທີ່ຊາຍແດນ ບົນພື້ນຖານຄວາມສາມັກຄີ, ມິດຕະພາບ, ເຊື່ອໜັ້ນ, ຄວາມເຂົ້າໃຈເຊິ່ງກັນແລະກັນ; ປະສານສົມທົບຈັດຕັ້ງປະຕິບັດໃຫ້ໄດ້ດີບັນດາໂຄງການແລກປ່ຽນເພີ່ມທະວີນຳ້ໃຈສາມັກຄີ ລະຫວ່າງສອງປະເທດ ພິເສດແມ່ນກຳລັງປ້ອງກັນຊາຍແດນ.

ການນຳຂອງສອງກອງກຳລັງ ມອບຂອງທີ່ລະນືກໃຫ້ກັນ. (ພາບ: ວຽ໋ດລາມ)