ສະພາກາແດງ ນະຄອນຫຼວງຮ່າໂນ້ຍ ມອບເງິນຊ່ວຍເຫຼືອປະຊາຊົນແຂວງ ອັດຕະປື.

ນີ້ແມ່ນການເຄື່ອນໄຫວ ເນື່ອງໃນໂອກາດ ຄົບຮອບ 56 ປີ ວັນສ້າງຕັ້ງ ສາຍພົວພັນການທູດ ລະຫວ່າງຫວຽນາ-ລາວ(1962 - 2018); ສືບຕໍ່ເສີມຂະຫຍາຍ ຜົນສຳເລັດອັນດີງາມ ວຽກງານການຮ່ວມມື ດ້ານມະນຸດສະທຳ ລະຫວ່າງ ສະພາ ກາແດງ ຫວຽດນາມ , ສະພາ ກາແດງລາວ ປະກອບສ່ວນເຂົ້າໃນການຈັດຕັ້ງປະຕິບັດ ວຽກງານການທູດປະຊາຊົນ ນຳພາມູນເຊື້ອ ສາຍພົວພັນສາມັກຄື ມິດຕະພາບ ລະຫວ່າງ ຫວຽດນາມ-ລາວ ນັບມື້ນັບເລິກເຊິ່ງ ແທ້ຈິງ ແລະ ມີປະສິດທິຜົນ ໃນທຸກຂົງເຂດພິເສດແມ່ນຂົງເຂດ ມະນຸດສະທຳ. ໂດຍຜ່ານການເຄື່ອນໄຫວດັ່ງກ່າວ ແມ່ນເພື່ອແນໃສ່ ຊຸກຍູ້ ແລະ ຍົກສູງຂື້ນຕື່ມ ມູນເຊື້ອສາຍພົວພັນມິດຕະພາບ ນຳ້ໃຈສາມັກຄື ແລະ ການຮ່ວມມືອັນເລິກເຊິ່ງ ແລະ ມີປະສິດທິຜົນ ລະຫວ່າງ ສະພາກາແດງ ນະຄອນຫຼວງ ຮ່າໂນ້ຍ -ວຽງຈັນ ໃນວຽກງານດ້ານມະນຸດສະທຳ ແລະ ພັດທະນາ ຂະບວນການ ສະພາກາແດງ ແລະ ພະຈັນສ້ຽວ ສາກົນ.

ສະພາກາແດງ ນະຄອນຫຼວງຮ່າໂນ້ຍມອບຂອງຂັວນໃຫ້ແກ່ຄອບຄົວທຸກຍາກ.

ໃນການເຄື່ອນໄຫວນີ້ ສະພາກາແດງ ນະຄອນຈະມອບ ອາຄານສະພາກາແດງ ມູນຄ່າ 88 ລ້ານດົ່ງ; ມອບ ງົວ ຈຳນວນ 5 ໂຕ ມູນຄ່າ 75 ລ້ານດົ່ງ; ມອບທືນການສຶກສາຈຳນວນ 100 ທຶນ ມູນຄ່າ 100 ລ້ານດົ່ງ(ເງິນສົດ); ມອບເງິນຊ່ວຍເຫຼືອ 50 ລ້ານດົ່ງ ໃຫ້ແກ່ປະຊາຊົນ ແຂວງອັດຕະປື ເພື່ອແກ້ໄຂຜົນກະທົບຈາກເຫດການ ຄູກັ້ນນຳ້ເຂື່ອນໄຟຟ້າ ແຕກ . ມູນຄ່າທັງໝົດ ລວມ 313 ລ້ານດົ່ງ.

ພ້ອມກັນນັ້ນທັງສອງຝ່າຍກໍ່ຈະແລກປ່ຽນຂໍ້ມູນຂ່າວສານ ນະໂຍບາຍ ແນວທາງ ໃນຂົງເຂດມະນຸດສະທຳ ແລະ ແບ່ງປັນ ແລກປ່ຽນບົດຮຽນ ໃນວຽກງານ ສະພາກາແດງ ແລະ ຂະບວກການຕ່າງໆ.

ໃນໂຄງການນິ້ ທາງສະພາກາແດງ ນະຄອນຫຼວງຮ່າໂນ້ຍ ກໍ່ຈັດການຝຶກອົບຮົມ ຄວາມສາມາດໃນການຊ່ວຍເຫຼືອເບື້ອງຕົນ, ເຜີຍແຜ່ບັນດາ ຄວາມຮູ້ກ່ຽວກັບການສະກັດກັ້ນ ອຸບັດຕິເຫດຕາມທ້ອງຖະໜົນ ໃຫ້ແກ່ ຄູອາຈານໂຮງຮຽນອະນຸບານ ນະຄອນຫຼວງວຽງຈັນຈຳນວນ 50 ຄົນ.

ສະພາກາແດງມອບງົວໃຫ້ແກ່ປະຊາຊົນ 5 ຄອບຄົວ.

ທ່ານປະທານ ສະພາກາແດງ ໄດ້ແບ່ງປັນວ່າ: “ພວກເຮົາຮູ້ວ່າ: ໃນອາດີດ ບັນພະບູລຸດຂອງພວກເຮົາ ຮ່ວມຄຽງບ່າຄຽງໄລ່ ຊ່ວຍເຫຼືອເຊິ່ງກັນແລະກັນ ປົກປັກຮັກສາ ສ້າງສາ ສອງຊາດ, ເຖິງປະຈຸບັນ ກໍ່ຄືອານາຄົນ ຖ້າພວກເຮົາພົບກັບຄວາມຫຍຸ້ງຍາກລຳບາກ ກໍ່ຈະຮ່ວມກັນຜ່ານຜ່າ ແລະ ຊ່ວຍເຫຼືອຍູ້ໜູນກັນແລະກັນ. ສິ່ງຂອງທີ່ຄະນະມອບໃຫ້ຜູ້ທີ່ທຸກຍາກລຳບາກ ມື້ນີ້ອາດຈະໜ້ອຍດ້ານມູນຄ່າ ແຕ່ມັນເປັນນຳ້ໃຈ ຂອງພະນັກງານ ສະມາຊິກສະພາກາແດງ ແລະ ປະຊາຊົນນະຄອນຫຼວງ ຮ່າໂນ້ຍ ຫວັງທີ່ຢາກຈະແບ່ງປັນ ກໍ່ຄືບັນເທົາ ຄວາມຫຍຸ້ງຍາກ ຂອງພໍ່ແມ່ປະຊາຊົນຢູ່ທີ່ນີ້ ”.

（ຫັດ​ທະ​ບູນ）