ຮູບເງົາ ສະແດງເຖິງ ຊີວິດ, ພາລະກິດ ແລະ ການເຄື່ອນໄຫວດຳລົງຊີວິດຂອງ ປະທານ ສຸພານຸວົງ, ຕັ້ງແຕ່ສະໄໝຕອນຍັງນ້ອຍ ຕອນທີ່ທ່ານໄປຮຽນຢູ່ ສສ ຫວຽດນາມ , ບັນດາ ວິສະວະກຳກໍ່ສ້າງອັນພົ້ນເດັ່ນທີ່ ປະທານ ສຸພາ ໄດ້ອອກແບບ ຕອນທີ່ເພີ່ນຫົວໜ້າວິຊາວະກຳອອກແບບ ພະແນກ ການປົກຄອງ ອານາມ ພາກກາງ (ຢາຈາງ) ຄື: ອ່າງເກັບນ້ຳຂະໜາດໃຫຍ່ ຟານທ໋ຽດ ຢູ່ ຢາຈາງ , ເຂື່ອນ ບ໋າຍເທື້ອງ ຢູ່ ແຂວງແທງຫວ໋າ…
 |
ສິນລະປິນ ປະຊາຊົນ ດັ້ງຊົນຫ໋າຍ ມອບຊຸດຮູບເງົາ ປະທານສຸພານຸວົງ ໃຫ້ ປອ ສິງທອງ ສິງຫາປັນຍາ.(ພາບ: Vietnam+)
ປາໄສທີ່ພິທີ ມອບ-ຮັບຄັ້ງນີ້ ປອ ສິງທອງ ສິງຫາປັນຍາ ຮັກສາການ ຫົວໜ້າຄະນະຮັບຜິດຊອບ ຫໍພິພິດຕະພັນ ໄກສອນ ພົມວິຫານ ໄດ້ສະແດງຄວາມອົກຂອບໃຈຕໍ່ກັບ ສະມາຄົມ ຮູບເງົາຫວຽດນາມ ໄດ້ທຸ້ມເທແຮງກາຍແຮງໃຈ ສ້າງຮູບເງົາເອກກະສານນີ້ ຢັ້ງຢືນວ່າ ຊຸດຮູບເງົາເອກກະສານ ຈະບໍ່ເປັນພຽງແຕ່ຊ່ວຍໃຫ້ ລະບົບ ພິພິດຕະພັນ ຢູ່ລາວ ມີເອກກະສານທີ່ມີຊີວິດຊີວາ ກ່ຽວກັບມິດຕະພາບພິເສດ ລາວ-ຫວຽດນາມ, ປະຊາຊົນລາວ, ພິເສດແມ່ນຊາວໜຸ່ມຄົນລຸ້ນຫຼັງ ເຂົ້າໃຈຕື່ມ ກ່ຽວກັບມິຕະພາບອັນຫາຍາກ, ພ້ອມຍັງມີຄວາມໝາຍສຳຄັນ ອັນຍິ່ງໃຫຍ່ ເມື່ອໄດ້ສົ່ງມອບໃນໂອກາດ ທີ່ ລາວກຳລັງກະກຽມ ຄົບຮອບ 109 ປີ ວັນຄ້າຍວັນເກີດຂອງ ປະທານ ສຸພານຸວົງ .
ປອ ສິງທອງ ສິງຫາປັນຍາ ໄດ້ໃຫ້ຮູ້ວ່າ ຈະນຳສົ່ງ ຊຸດຮູບເງົາດັ່ງກ່າວນີ້ໄປຍັງສະຖານນີໂທລະພາບແຫ່ງຊາດລາວ ເພື່ອ ສາຍຮູບເງົາດັ່ງກ່າວໃນວັນຄົບຮອບວັນຄ້າຍວັນເກີດຂອງ ປະທານ ສຸພານຸວົງ ທີ່ຈະມາເຖິງໃນມໍ່ໆນີ້.
（ຫັດທະບູນ）
