ກ່າວຄໍາເຫັນທີ່ກອງປະຊຸມ, ຈາກຂໍ້ສະເໜີຂອງທ້ອງຖິ່ນ, ທ່ານນາຍົກລັດຖະມົນຕີ ຫງວຽນ ຊວັນ ຟຸກ ໃຫ້ຮູ້ວ່າ: ຈະຍູ້ແຮງການແບ່ງຂັ້ນ, ແບ່ງສິດອໍານາດ, ສິດຕັດສິນໃຫ້ແກ່ການນໍາທ້ອງຖິ່ນ ເພື່ອຍູ້ໄວຄວາມຄືບໜ້າໃນການຜັນຂະຫຍາຍບັນດາໂຄງການປ້ອງກັນ, ຕ້ານໄພທໍາມະຊາດ.
 |
ທ່ານນາຍົກລັດຖະມົນຕີ ຫງວຽນຊວັນຟຸກ ກ່າວຄໍາເຫັນທີ່ກອງປະຊຸມ. (ພາບ :TTXVN)
ທ່ານນາຍົກລັດຖະມົນຕີ ຫງວຽນ ຊວັນ ຟຸກ ເນັ້ນໜັກວ່າ: ພັກ, ລັດ ມີຄວາມເອົາໃຈໃສ່ເຖິງວຽກງານປ້ອງກັນ, ຕ້ານໄພທໍາມະຊາດທີ່ສຸດ; ຊີ້ນໍາໃຫ້ປັບປຸງກົງຈັກການຈັດຕັ້ງ ກ່ຽວກັບການປ້ອງກັນ, ຕ້ານໄພທໍາມະຊາດ; ຍາມໃດກໍຍົກສູງນໍ້າໃຈຄວາມຮັບຜິດຊອບໃນການປ້ອງກັນ, ຕ້ານໄພທໍາມະຊາດ, ຈາກນັ້ນ ຈຶ່ງຈະຈໍາກັດໄດ້ຜົນກະທົບກໍ່ຄືຄວາມສູນເສຍສ່ວນໃດສ່ວນໜຶ່ງ ຈາກໄພທໍາມະຊາດກໍ່ຂຶ້ນ. ທ່ານນາຍົກລັດຖະມົນຕີ ຊີ້ແຈ້ງວ່າ ຫວຽດນາມ ແມ່ນໜຶ່ງໃນຈໍານວນ 10 ປະເທດ ທີ່ຖືກຜົນກະທົບຢ່າງໜັກໜ່ວງຈາກການປ່ຽນແປງຂອງດິນຟ້າອາກາດ, ໄພທໍາມະຊາດນາບຂູ່, ແຕ່ເຖິງຢ່າງໃດກໍ່ຕາມ ທ່ານກໍຍັງໄດ້ເນັ້ນໜັກ ແລະ ເຊື່ອໝັ້ນວ່າ ຫວຽດນາມຈະຜ່ານຜ່າ ແລະ ເອົາຊະນະຕໍ່ໄພທໍາມະຊາດໄດ້.
（ຄຳຮຸ່ງ）
